ដូចអ្វីដែលបានគ្រោងទុក នៅព្រឹកថ្ងៃទី២១ កក្កដា នេះ មេដឹកនាំសហព័ន្ធនិស្សិតបញ្ញវន្តកម្ពុជា និងមេដឹកនាំខ្មែរកម្ពុជាក្រោម បានដឹកនាំយុវជន សិស្ស និស្សិត ប្រជាពលរដ្ឋ ព្រះសង្ឃ ប្រមាណ ៥០០ នាក់ បានប្រមូលផ្តុំគ្នា នៅមុខស្ថានទូតបារាំង ដើម្បីដាក់ញត្តិ សុំអោយផ្តល់ឯករាជ្យ ពាក់ព័ន្ធការកាត់ទឹកដីកម្ពុជាក្រោម អោយទៅវៀតណាម ។
ការប្រមូលផ្តុំនេះ មិនមានការរារាំង ឬបង្ក្រាបពីសំណាក់អាជ្ញាធរនោះទេ ។
បន្ទាប់ពីដាក់ញត្តិនៅស្ថានទូតបារាំងរួច ក្បួនបាតុកម្ម បានដង្ហែទៅដាក់ញត្តិ នៅទូតអង់គ្លេស អាមេរិកសហគមន៍អឺរ៉ុប រុស្ស៊ី ចិន និងចុងក្រោយ ស្ថានទូតវៀតណាម ៕