ខេត្តមណ្ឌលគិរី ៖ មួយរយះពេលក្រោយនេះគេឃើញមេឈ្មួញ សឹង សំអុល និង វ័ន្ត ប៊ុនថៃ នៅតែបន្តសកម្មភាពកាប់ដឹកជញ្ជូនបទល្មើសព្រៃឈើយ៉ាងពេញបន្ទុកចេញពីរព្រៃតំបន់ហាមឃាត់ អាជ្ញាធរពាក់ព័ន្ធទទួលសំណូកធ្វើជាទល់ភ្នែកមើលមិនឃើញ ហើយបើទោះជាបទបញ្ជារបស់សម្តេតេជោហ៊ុនសែននាយករដ្ឋមន្ត្រីនៃព្រះរាជាណាចក្រដាក់បទបញ្ជាលាន់ឮអោយរពងក្៍ ប៉ុន្ដែហាក់គ្មានប្រសិទ្ធភាពចំពោះបទល្មើសព្រៃឈើ នៅក្នុងប្រទេសកម្ពុជាដែលកំពុងតែរងការកាប់បំផ្លិចបំផ្លាញនិងដឹកជញ្ជូនយ៉ាងអនាធិតេយ្យពីសំណាក់ជនខិលខូចមានអំណាចគ្រាក់ៗក្នុងនោះបើទោះបីសម្ដេចតេជោហ៊ុនសែនខំជំទាលស្ទើរបែកបំពង់ក ក៌ដោយក៌មន្ត្រីក្រោមឱវាទ របស់សម្ដេតេជោមិនខ្ចីយកភ្នែកមើលនោះដែល ។
ជាក់ស្តែងបើយោងតាមប្រភពពីមន្ត្រីអាជ្ញាធរនិងសមត្ថកិច្ចតូចតាចនៅក្នុងស្រុកកោះញែក និងស្រុកពេជ្រាដា ខេត្តមណ្ឌលគិរី បានឲ្យដឹងថាមកដល់ពេលនេះមេឈ្មួញ សឹង សំអុល (ឧកញ៉ា សឹង សំអុល)លោកវ័ន្តប៊ុនថៃ នៅតែបន្តសកម្មភាពដឹកជញ្ជូនឈើតាមអំពើចិត្តគ្មានមន្ត្រីជំនាញឬសមត្ថកិច្ចពាក់ព័ន្ធណាមួយចាត់វិធានការទប់ស្កាត់តាមបទបញ្ជារបស់សម្ដេចតេជោហ៊ុនសែននោះឡើយ។
យោងតាមប្រភពដ៌ដែលបានឲ្យដឹងទៀតថាមេឈ្មួញ សឹង សំអុល និងលោកវ័ន្តប៊ុនថៃបានធ្វើសកម្មភាពដឹកជញ្ជូនឈើដែលក្រុមហ៊ុនឌីធីស៊ី ដេញថ្លៃបានដោយប្រើប្រាស់រថយន្តយីឌុបធំៗចូលទៅចម្ការម្រេចរបស់ក្រុមហ៊ុនរូលបាយអូ នៅក្នុងឃុំពូជ្រៃ ស្រុកពេជ្រាដា ខេត្តមណ្ឌលគិរី ។
ប្រភពខ្លះបានឲ្យដឹងថា ក្នុងបរិមាណឈើដែលមេឈ្មួញ សឹងសំអុលនិងវ័ន្តប៊ុនថៃដឹកជញ្ជូនគឺមានឈើខុសច្បាប់យ៉ាងច្រើនផងដែរពីព្រោះមន្ត្រីជំនាញសមត្ថកិច្ចពាក់ព័ន្ធណាទាំងនោះងងឹតភ្នែកអស់ទៅហើយមើលមិនឃើញទេ។បើតាមប្រភពពីក្រុមឈ្មួញឈើតូតាចមួយចំនួនបានឲ្យដឹងថា ការដែលមេឈ្មួញ សឹង សំអុលនិងវ័ន្តប៊ុនថៃ បន្តសកម្មភាពដឹកជញ្ជូនឈើយ៉ាងពេញបន្ទុកក្នុងខេត្តមណ្ឌលគិរី គឺដោយសារអាងមានខ្នងបង្អែកយ៉ាងរឹងមាំក្នុងជួលមន្ត្រីជាន់ខ្ពស់ដែលចាំជួយការពារគ្រប់ពេលវេលា។
ប្រភពមន្ត្រីអង្គការក្រៅរដ្ឋាភិបាលបានឲ្យដឹងថា ឈើដែលមេឈ្មួញ សឹង សំអុល និងវ័ន្តប៊ុនថៃដឹកជញ្ជូនយ៉ាងពេញបន្ទុកនោះមិនមែនជាឈើជន្លង់ម្រេចសម្រាប់យកទៅផ្គតផ្គង់តាមសេចក្ដីត្រូវការរបស់ក្រុមហ៊ុនចម្ការម្រេចនៅក្នុងឃុំពូជ្រៃ ស្រុកពេជ្រាដា ខេត្តមណ្ឌលគិរីនោះទេ។ផ្ទុយទៅវិញឈើទាំងនោះជាប្រភេទឈើសុក្រំ គគីរ ផ្ចឹក ដែលគេបំពានកាប់ក្នុងព្រៃការពារ ព្រៃសហគមន៍ ព្រៃអភិរក្ស ហើយដឹកជញ្ជូនឆ្លងកាត់ស្រុកស្នួល ខេត្តក្រចេះ ចូលទៅតំបន់ផ្សេងៗទៀតផងដែរ។
បញ្ហានេះ ក្រសួងនិងស្ថាប័នពាក់ព័ន្ធគួរពិនិត្យឡើងវិញជាបន្ទាន់ ព្រោះមេឈ្មួញ សឹង សំអុលនិងវ័ន្តប៊ុនថៃ នៅតែធ្វើសកម្មភាពដឹកជញ្ជូនឈើយ៉ាងពេញបន្ទុក ហើយគ្មានសមត្ថកិច្ចណាហ៊ានប៉ះពាល់ឡើយ។បើតាមឈ្មួញតូចតាចមួយចំនួនបានបង្ហើបឲ្យដឹងថា បច្ចុប្បន្នក្រុមហ៊ុនម៉ាស្ទ័រខេសាន់ ដែលមានមេឈ្មួញ សឹង សំអុល ជានាយកក្រុមហ៊ុនបានចាត់តាំងមេការឈ្មោះម៉ុករស់នៅក្នុងភូមិទី១ ឃុំស្រែសង្គម ស្រុកកោះញែក ខេត្តមណ្ឌលគិរី ឲ្យកេណ្ឌប្រជាពលរដ្ឋក្នុងមូលដ្ឋាននេះចូលព្រៃកាប់ឈើយ៉ាងពេញបន្ទុក។
មិនតែប៉ុណ្ណោះ ឈើដែលរងការកាប់បំផ្លាញយ៉ាងមហន្តរាយនោះ មិនមែនជាឈើនៅក្នុងបរិវេណដីក្រុមហ៊ុនទេ ប៉ុន្តែជាឈើនៅក្នុងព្រៃការពារជាប់នឹងដីក្រុមហ៊ុន។មេការរបស់មេឈ្មួញ សឹង សំអុល បានប្រមូលទិញឈើពីប្រជាពលរដ្ឋប្រភេទសុក្រំក្នុង១ម៉ែត្រគូបពី៣៥ម៉ឺនទៅ៤៥ម៉ឺនរៀល ដែលបញ្ហានេះធ្វើឲ្យបទល្មើសបំផ្លាញព្រៃឈើក្នុងឃុំស្រែសង្គម ស្រុកកោះញែក កើតឡើងយ៉ាងរាលដាល ។
ប្រភពពីឈ្មួញដែលស្និទ្ធនឹងមេឈ្មួញ សឹង សំអុល បានឲ្យដឹងថាក្រុមហ៊ុនម៉ាស្ទ័រខេសាន់ កំពុងប្រើឈ្មោះមន្ត្រីជាន់ខ្ពស់ស្និទ្ធនឹងមេដឹកនាំកំពូលដើម្បីការពារផលប្រយោជន៍របស់ខ្លួន ហេតុនេះហើយទើបគ្មានមន្ត្រីជំនាញនិងសមត្ថកិច្ចណាហ៊ានប៉ះពាល់។ប្រភពប្រជាពលរដ្ឋក្នុងខេត្តមណ្ឌលគិរី បានរិះគន់ថា ក្នុងខណៈដែលមេឈ្មួញ សឹង សំអុល និងវ័ន្តប៊ុនថៃបន្តសកម្មភាពកាប់ឈើនិងដឹកជញ្ជូនឈើខុសច្បាប់យ៉ាងគគ្រឹកគគ្រេង មិនឃើញលោក ស្វាយ សំអ៊ាង អភិបាលខេត្តមណ្ឌលគិរី និងលោក វង់ សុក្រសិរី នាយខណ្ឌរដ្ឋបាលព្រៃឈើខេត្តមណ្ឌលគិរី ចាត់វិធានការទប់ស្កាត់នោះទេ។
ផ្ទុយទៅវិញ មកទល់ពេលនេះ គេសង្កេតឃើញលោក ស្វាយ សំអ៊ាង និងលោក វង់ សុក្រសិរី ហាក់បានរក្សាភាពស្ងៀមស្ងាត់ក្នុងខណៈដែលមេឈ្មួញ សឹង សំអុល និងវ័ន្តប៊ុនថៃបន្តដឹកជញ្ជូនឈើខុសច្បាប់យ៉ាងពេញបន្ទុកដោយគ្មានការត្រួតពិនិត្យពីមន្ត្រីជំនាញ និងសមត្ថកិច្ចពាក់ព័ន្ធ ដែលគេសង្ស័យថា ៖ នាយជំនាញ និងអភិបាលខេត្តរូបនេះគេសង្ស័យថាបានសើមមាត់សើម..ក..មិនធម្មតាពីមេឈ្មួញ សឹង្ហ សំអុល និង វ័ន្ដ ប៊ុនថៃ ផងដែរទើបបានជាមិនដឹងមិនឮបែបនេះ។
ទាក់ទិនព័ត៌មានខាងលើអ្នកសារព័ត៌មានយើងមិនអាចសុំការពន្យល់ពីរលោកសឹងសំអុលនិងលោកវ័ន្តប៊ុនថៃបានទេ៕