ភ្នំពេញ ៖ ផ្ទះកត់ឆ្នោតយួនមួយកន្លែង ដាក់តុអង្គុយកត់កន្ទុយលេខ នៅមុខផ្ទះយ៉ាងសង្ហារ គ្មានខ្វល់ ឥតព្រួយ ដោយអួតអាងថា មានមេប៉ូលីសខណ្ឌពោធិសែនជ័យ អនុញាតិឲ្យ បើកកត់ហើយ ។
តាមប្រជាពលរដ្ឋ ធ្វើដំណើរឆ្លងកាត់ ឬមានទីលំនៅក្នុងភូមិខាងលើ អ្នកណាក៏ស្ញើចសរសើរ ម្ចាស់ផ្ទះបើកកត់កន្ទុយលេខ ដោយដាក់តុ មុខផ្ទះជាចំហរ គ្មានអ្វីលាក់បាំង គ្មានខ្លាចញញើតអ្នកណាទាំងអស់ សំខាន់ទទួលម៉ូយអតិថិជន ចូលចាក់ឆ្នោត ថែមទាំងប្រកូកប្រកាស ជាសាធារណៈ សូមឲ្យពលរដ្ឋនិយមលេងកន្ទុយលេខ ឆ្នោតយួនកុំខ្វល់ មកចាក់ឆ្នោតនៅផ្ទះមួយនេះ ដោយអួតអាង មិនបាច់ភ័យទេ ផ្ទះឆ្នោតមួយនឹង មានមេប៉ូលីស ខណ្ឌពោធិសែនជួយ បានអនុញាតិ ឲ្យបើកកត់ឆ្នោតហើយ ។
ការអួតអាង របស់ផ្ទះខាងលើ មាត់មួយ ថាចង់ដឹង អ្នកសាពត៌មានចុះទៅថតរូបភាព ហើយសាកសួរខ្លួះៗ ជុំវិញ បើកកត់ឆ្នោតវៀតណាម ល្បែងស៊ីសងខុសច្បាប់ ផ្ទុយពីរគោលនយោបាយ ៩ចំណុចភូមិឃុំមានសុវត្តិភាព ត្រង់ចំណុចទី៥ គ្មានល្បែងស៊ីសងខុសច្បាប់គ្រប់ប្រភេទ កើតមានក្នុងមូលដ្ឋាន ។ ដោយឡែក ផ្ទះកត់ឆ្នោតមួយនេះ បង្កើតល្បែងស៊ីសងអត់ច្បាប់សោះ អួត អាង យកមេប៉ូលីស ខណ្ឌពោធិសែនជ័យ មកបិទបាំង បន្លាច អ្នកសាពត៌មាន ។ ជួបផ្ទាល់ជាមួយមេឆ្នោត ស្ត្រីម្ចាស់ផ្ទះខាងលើ ដែលកំពុងអង្គុយកត់យ៉ាងសង្ហា បានឲ្យដឹងថា ចង់សួរទៅសួរមេប៉ូលីស ខណ្ឌពោធិសែនជ័យ តែមិនប្រាប់ថា មានមេប៉ូលីសកាងឆ្នោតនោះឈ្មោះអ្វីដែរ ទោះជាទាមទារស្នើសុំឲ្យប្រាប់ឈ្មោះ ស្ត្រីរូបនោះមិនបានប្រាប់ដដែល ។
តែបើតាមប្រសាសន៍លោក យឹម សារ៉ាន់ ធ្លាប់បានប្រាប់ឲ្យដឹងកន្លងមកថា ប៉ូលីសរបស់លោក ពុំមានមន្ត្រីណាមួយ កាងល្បែងស៊ីសងខុសច្បាប់ តែបើមាន ដឹងនៅកន្លែងណា បើកល្បែងស៊ីសងខុសច្បាប់ លោកនឹងចាត់វិធានការបង្ក្រាប ។
ទោះជាយ៉ាងណាក្តី មិនដឹងថាសមត្ថកិច្ចខណ្ឌពោធិសែនជ័យ ដឹងហើយ មិនទាន់មានពេលបង្ក្រាបឬយ៉ាងណានោះទេ តែបើស្គាល់ទីតាំងហើយ រងចាំមើលថា ពេលណា សមត្ថកិច្ចចុះបង្ក្រាប ៕
