ខេត្តត្បូងឃ្មុំ ៖ប្រភពរាយការណ៍ពីប្រជាពលរដ្ឋនៅស្រុកមេមត់បានឲ្យដឹងថា ជំនួញឈើឆ្លងដែនដោយខុសច្បាប់ ត្រូវបានគេសង្កេតឃើញ មេឈ្មួញពាក់ស្បែកខ្លា ដ៍ម្ហិមាមានឥទ្ធិពល បន្តសកម្មភាពដឹកជញ្ជូនឈើដោយខុសច្បាប់ តាមរថយន្ដយីឌុបរាបរយគ្រឿងឆ្លងដែនដឹកឈើទៅប្រទេសវៀណា់មទាំងយប់ទាំង ថ្ងៃ តាមច្រកមួយចំនួន ដោយរលូនគ្មានការរំខាន បណ្ដាលឲ្យប្រជាពលរដ្ឋដាក់ការសង្ស័យ មានការឃុបឃិតគ្នាជាប្រពន្ធ័ប្រភពបានបញ្ជាកឲ្យ់ដឹងថា ទីតាំងស្តុបឈើយ៉ាងធំនិងមានឈើរាប់រយម៉ែត្រគូបនិងមានរថយន្ដជាច្រើនគ្រឿងចតរង់ចាំដឹកជញ្ជូនឈើចេញទៅលក់ឲ្យប្រទេសវៀតណាម ។
ឃ្លាំងស្តុបឈើនេះនៅជិតស្នាក់ការរដ្ឋបាលមេព្រៃស្រុកមេមត់ស្ថិតក្នុងភូមិសង្គមមានជ័យថ្មី ហៅភូមិ(ជីប៉ិ) ឃុំមេមត់ ស្រុកមេមត់ ដែលគេស្គាល់ម្ចាសឃ្លាំង់ជាមន្ត្រីPMឈ្មោះស្រ៊ុន ផឹងឡាយ បន្តប្រមូលទិញឈើគ្រប់ប្រភេទតាមរថយន្តតូចធំមកពីតាមបណ្ដាខេត្ត ក្នុងតំបន់រលួស.តំបន់ ស្រែស្បូវ ស្រុកសំបូរខេត្តក្រចេះ តំបន់ឧទ្យានព្រះរកានិងដែនជម្រកសត្វព្រៃតំបន់ព្រៃឡង់ខេត្តព្រះវិហ៊ា តំបន់ឧទ្យានវីរះជ័យក្នុងខេត្តស្ទឹងត្រែង និងព្រៃឈើតំបន់អន្ទ្រងតំបន់ដែនជម្រកសត្វព្រៃភ្នំព្រិចស្ថិតក្នុងស្រុកកោះញែកខេត្តមណ្ឌលគីរីនិងមានក្រុមហ៊ុនមួយចំនួនដែលទទួលបានដីសម្បទានសេដ្ឋកិច្ចដាំកៅស៊ូពីរដ្ឋាភិបាល ក៏បានយកឈើលក់ឲ្យមេឈ្មួញស្រ៊ុន ផឹងឡាយនោះដែរ។
ប្រភពដដែលបានបង្ហើបប្រាប់ឲ្យដឹងទៀតថា ការដឹកជញ្ជូនឈើទៅវៀតណាមដោយសេរីបែបនេះដោយមានការសហការបើកភ្លើងខៀវពីមេច្រករបៀងហៅ(ច្រកងងិត) ក្នុង ច្រកបឹងជ្រោង.ច្រកចាន់មូល ច្រកដូនរដ្ឋ ច្រកត្រពាំងឬស្សីនិងច្រកទន្លេចាមស្រុកមេមត់ ខេត្តត្បូងឃ្មុំ ពួកមេច្រកសហការគ្នាយកលុយធ្វើមានផ្ទាល់ខ្លួនមិនគិតអំពីវិនាសកម្មព្រៃឈើនោះទេ ។
ប្រភពបានបញ្ជាក់ថា លោកស្រ៊ុន ផឹងឡាយ ជាមេបញ្ជាការរងកងរាជអាវុធហត្ថស្រុកមេមត់នឹងជាមន្ត្រីជំនិតលោកវ៉ាសារិទ្ធ ជាមេបញ្ជាការកងរាជអាវុធហត្ថខេត្តត្បូងឃ្មុំ ដែលគេសង្ស័យជាខ្នងបង្អែក ឲ្យមនុស្សជំនិតរបស់ខ្លួន ដឹកជញ្ជូនឈើប្រណីត និងឈើលេខ១យកទៅលក់ប្រទេសវៀតណាម ដោយមិនញញើយច្បាប់ថែមទាំងប្រឆាំងបទ បញ្ជាប្រមុខរដ្ឋាភិបាលកម្ពុជានៃព្រះរាជាណាចក្រកម្ពុជា។ ប្រភពខ្លះលើកឡើងថា មានការបែងចែក ផលប្រយោជន៍គ្នាជាប្រពន្ធ័គ្រប់ស្ថាប័ន ទើបស្ងាត់ឈឹងដូច្ឆេះ។
គួរបញ្ជាក់ថា កន្លងមកប្រមុខរដ្ឋាភិបាលតែងតែប្រមានធ្ងន់ៗនិងក្រើនរំលឹកអោយមន្ត្រីក្រោមឱវាទ ទប់ស្កាត់និងមុជទឹកដុះសាប៊ូឲ្យស្អាត ជៀសវាងអោយឆ្ងាយពីបទល្មើសជាពិសេសមេច្រកបើមានបទល្មើសកើតនៅច្រកណាច្រកនោះទទួលខុសត្រូវ មិនតែប៉ុន្តែបទបញ្ជរបស់សម្ដេចហ៊ាក់ មិនមានប្រសិទ្ធិភាពចំពោះមន្ត្រីអនុវត្តច្បាប់នោះទេ ។ ខណៈមេច្រក ខ្លាចអំណាច(ដុល្លា)របស់លោកស្រ៊ុន ផឹងឡាយមិនគោរពបទបញ្ជារបស់ប្រមុខរដ្ឋាភិបាល។
ពាក់ពន្ធ័ព័ត៏មានខាងលើ អ្នកសារព័ត៏មានយើងមិនទាន់សុំការពន្យល់ពីលោកស្រ៊ុនផងឡាយមេបញ្ជាការរងស្រុកមេមត់បាននោះទេ៕