ភ្នំពេញ៖ ទីតាំងល្បែងស៊ីសងខុសច្បាប់ហ្គេមបាញ់ត្រី២កន្លែងក្នុងខណ្ឌចំការមន កំពុងបើកលេងយ៉ាងរលូន អាជ្ញាធរមានសមត្ថកិច្ចបិតភ្នែករក្សាទុកមិនបង្ក្រាប៖ សូមបញ្ជាក់ថាទីតាំងទី១ស្ថិតនៅតាមបណ្ដោយផ្លូវលេខ១០៥មាត់លូទឹកស្អុយក្នុងសង្កាត់បឹងត្របែក មានយីហោ កាហ្វេ 777 និងមួយទីតាំងមួយទៀតនៅតាមបណ្ដោយផ្លូវ១០៣ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ នៅតែបន្តបើកលេងយ៉ាងរលូនដោយមិនខ្វលអ្វីទាំងអស់ បើទោះបីជាពេលថ្មីៗនេះ លោក ឃួង ស្រេង ដែលជា អភិបាល នៃគណៈអភិបាល រាជធានីភ្នំពេញបានបញ្ជាឲ្យ លោកអភិបាលខណ្ឌទាំង១២ខណ្ឌ ចុះបង្ក្រាបនូវល្បែងស៊ីសងគ្រប់ប្រភេទនៅក្នុងមូលដ្ឋាន ជាពិសេសល្បែងហ្គេមបាញ់ត្រីនេះតែម្ដង តែអ្វីគួឲ្យហួសចិត្តនោះនៅតែមានហ្គេមបាញ់ត្រីចំនួន២កន្លែងក្នុងខណ្ឌចំការមន នៅតែបន្តបើកលេង យ៉ាងគគ្រឹកគគ្រេងមិនខ្វល់ពីច្បាប់ឡើយ ។
មជ្ឈដ្ឋានទូទៅបានរិះគង់ចំៗទៅលើលោក អភិបាល និងលោកអធិការខណ្ឌចំការមន ថាផ្គើននិងបទបញ្ជារបស់លោក អភិបាលរាជធានីភ្នំពេញ ។ ដូច្នេះហើយខណ្ឌចំកាមនមិនខ្វល់ពីបទបញ្ជាអ្វីឡើយ។ ប្រជាពលរដ្ឋសំណូមពរទ អភិបាល នៃ គណៈអភិបាលរាជធានីភ្នំពេញ និងលោក ជួនសុវណ្ណ អគ្គស្នងការរងនគបាលជាតិនិងជាស្នងការក្រុងភ្នំពេញ មេត្តាមានវិធានចំពោះល្បែងស៊ីសងនៅចំណុចខាងលើនេះផង ។
ទាក់ទិននិងព័ត៌មានខាងលើ អ្នកសារព័ត៏មានយើងមិនអាចសុំការបំភ្លឺពីអាជ្ញាធរខណ្ឌចំការមន បាននោះទេ ៕
