ខេត្តព្រៃវែង៖ ប្រភពពីអាជីវករបានបង្ហើបថា
ការផ្លាស់ប្ដូរនាយប៉ុស្តិ៍ថ្មីអោយមានការល្អប្រសើរប៉ុន្តែផ្ទុយទៅវិញអំពើពុករលួយនៅតែបន្តកើតមានដដែលថ្មីៗនេះគេសង្កេតឃើញ ថា លោក មុំ សារ៉េន នាយប៉ុស្តិ៍នគរបាលការពារព្រំដែនស្វាយអាង៉ោងដាក់ពង្រាយមន្ត្រីនគរបាលនិងជនសុីវិលអង្គុយចាំយក លុយពីជនជាតិវៀតណាមឆ្លងដែន កាត់ប៉ុស្ដិ៍ (ត្រួតពិនិត្យឯកសារ) គតិយុត្ត អោយបានត្រឹមត្រូវនោះទេ តាមពិតយកលុយដាក់ហោ ប៉ៅចែកគ្នាធ្វើមានធ្វើបានយ៉ាងសុខស្រួលយ៉ាងរំភើយ ។
យោងតាមប្រភពពីពលរដ្ឋជនជាតិវៀត ណាមដែលចេញចូលឆ្លងកាត់នៅទីនោះ បានឲ្យដឹងថា លោក មុំ សារ៉េន នាយប៉ុស្តិ៍នគរបាល(ត្រួតពិនិត្យ)តម្រូវឲ្យពួកគេបង់ លុយក្នុងមួយនាក់ (២០ម៉ឺនដុង)ស្មើនិង (៣១០០០រៀល) មិនចាំបាច់មានឯកសារអ្វីទាំងអស់។សូម្បីអ្នកមកទិញគោ.ក្របីឬអ្នកលេងល្បែងមាន់ជល់កាសុីណូ”៣៣” ឆ្លង ដែនចូកមកខ្មែរលេងល្បែងខ្លះមានប៉ាស្ព័រខ្លះទៀតមិនមានប៉ាស្ព័រសំខាន់បង់លុយតាមការកំណត់របស់ក្រុមមន្រ្តីប្រចាំការច្រកស្វាយអាង៉ោងក្រោមការគ្រប់គ្រងរបស់លោក មុំ សា រ៉េន នាយប៉ុស្តិ៍នគរបាលច្រក ជាការស្រេចតាមការកំណត់មិនអាចតវាបាន។
ប្រភពពីប្រជាពលរដ្ឋនៅក្បែរតំបន់ច្រករបៀងស្វាយអាង៉ោងបានបន្តអោយដឹងទៀតថា លោក មុំ សារ៉េន នាយប៉ុស្តិ៍នគរ បាលការពារព្រំដែនស្វាយអាង៉ោង និងបក្ខពួកកំពុងតែសប្បាយប្រមូលលុយដាក់ហោ ប៉ៅចែកគ្នាធ្វើមានធ្វើបាននិង បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់និងទំនិញខុសច្បាប់ពីប្រទេស វៀតណាម ចូលមកប្រទេសខ្មែរយ៉ាងពេញបន្ទុក ទាំងយប់ទាំងថ្ងៃ មិនខ្វល់អ្វីទាំងអស់ ។
ប្រភពបានបន្ថែមថា មួយរយៈចុងក្រោយនេះ សមត្ថកិច្ចពាក់ពន្ធ័ប្រចាំការនៅច្រកស្វាយអាង៉ោង កំពុងត្រូវប៉ាន់សប្បាយប្រមូលលុយដាក់ហោប៉ៅចែកគ្នាធ្វើមានបានជាថ្នូរបើកដៃឲ្យឈ្មួញតូចធំនាំចូលទំនិញគេចពន្ធ ទំនិញ បង់ពន្ធមិនគ្រប់និងទំនិញខុសច្បាប់ពីប្រទេសវៀតណាម ចូលមកប្រទេសខ្មែរកាន់ តែច្រើនឡើងៗនិងជនជាតិវៀតណាមឆ្លង ដែនចូលមកលេងល្បែងសុីសងនៅកាសុីណូ “៣៣” ច្រកព្រំដែនស្វាយអាង៉ោង យ៉ាងគគ្រឹក គគ្រេងដោយរលូន!តាមរយៈការបើក ដៃឲ្យឈ្មួញធំៗនាំចូលទំនិញគេចពន្ធ ទំនិញ បង់ពន្ធមិនគ្រប់និងទំនិញខុសច្បាប់ពីប្រ ទេសវៀតណាម យ៉ាងពេញបន្ទុកដោយមានការសម្របសម្រួលបើកដៃពីសំណាក់លោក មុំ សារ៉េន នាយប៉ុស្តិ៍នគរបាលការពារព្រំដែនស្វាយអាង៉ោងនឹងក្រុមមន្រ្តីពាក់ព័ន្ធជាច្រើនប្រចាំការច្រកប្រមូលលុយបានយ៉ាង ច្រើនជារៀងរាល់ថ្ងៃ មិនញញេីតអង្គភាពប្រឆាំងអំពើពុករលួយឡើយ។
ប្រភពពីក្រុមឈ្មួញនិងអាជីវករដែលរកស៊ីនាំចូលទំនិញពីប្រទេសវៀតណាម បានបន្ថែមឲ្យដឹងទៀតថា សព្វថ្ងៃពួកគាត់ សល់កម្រៃតិចតួចណាស់ពីព្រោះសមត្ថកិច្ចច្រើនស្ថាប័ន នៅប្រចាំច្រកព្រំដែន និងសមត្ថកិច្ចនៅតាមផ្លូវ គាបយកលុយច្រើនៗធ្វើអោយពួកគាត់ពិបាកក្នុងការរកទទួលទាន។អាជីវករបានបញ្ជាក់ទៀតថា រាល់ការបង់លុយរបស់ពួក គាត់មិនបានទទួលបានបង្កាន់ ដៃបង់ប្រាក់ ឬវិក័យប័ត្រពន្ធរដ្ឋអោយត្រឹមត្រូវនោះទេ! ហើយគ្មានឈ្មួញណាម្នាក់អាចរំលងលោក មុំ សារ៉េន មេប៉ុស្តិ៍នគរបាលការពារព្រំដែនស្វាយអាង៉ោងនិងបក្ខពួកបានឡើយ! ជាពិសេសឈ្មួញធំៗ ដែលរកស៊ីនាំចូលទំនិញពីប្រទេសវៀតណាម កាត់តាមច្រកស្វាយអាង៉ោង ស្ថិតក្នុងស្រុកកំពង់ត្របែក ខេត្តព្រៃវែង គឺជាប្រភពចំណូលរបស់លោក មុំ សារ៉េន នាយប៉ុស្តិ៍នគរបាលច្រកការពារព្រំដែនស្វាយអាង៉ោងនេះ។ពាក់ព័ន្ធនូវភាពមិនប្រក្រតីពុករលួយរបស់នាយប៉ុស្ដិ៍ខាងលើក្រុមឈ្មួញនិងអាជីវករសូមអំពាវនាវដល់ថ្នាក់ដឹកនាំក្រសួងមហាផ្ទៃ ជាពិសេសលោកឧត្តមសេនីយ៍ឯក សុខ វាសនា អគ្គនាយកនៃអគ្គនាយកដ្ឋាននគរបាលអន្តោប្រវេសន៍ក្រសួងមហាផ្ទៃ.លោក សួន សុម៉ាលីន អភិបាលខេត្តព្រៃវែងរួមនិងលោក ឈឿន ប៊ុនឆន ស្នងការនគរបាលខេត្តព្រៃវែង នីតិកាលទី៧ មេត្តាចុះពិនិត្យស្រាវជ្រាវភាពមិនប្រក្រតីពុករលួយរបស់លោក មុំ សារ៉េន នាយប៉ុស្តិ៍នគរបាលច្រកស្វាយអាង៉ោងផង!ពិសេសលោក ឱម យុិនទៀង ប្រធានអង្គភាពប្រឆាំងអំពើពុករលួយ ធ្លាប់ប្ដេជ្ញាលុបបំបាត់នូវអំពើពុករលួយតាមដងផ្លូវ គួរចាត់វិធានការទប់ស្កាត់អំពើពុករលួយរបស់លោក មុំ សារ៉េន នាយប៉ុស្តិ៍នគរបាលការពារព្រុំដែនស្វាយអាង៉ោង និងបក្ខពួកកំពុងសាងភាពល្បីល្បាញខាងប្រព្រឹត្តរបៀបអំពើពុករលួយ ។ពាក់ព័ន្ធព័ត៌មានខាងលើគេហទំព័រ (www.enn- tv. com) យើងខ្ញុំរងចាំនូវការពន្យល់បកស្រាយពីលោក មុំ សារ៉េន នាយប៉ុស្តិ៍នគរបាលការពារព្រំដែនស្វាយអាង៉ោង រាល់ម៉ោងធ្វើការ៕មានត
