ភ្នំពេញ៖រឿងអាស្រូវ នៅរតនគារ រាជធានីភ្នំពេញ កំពុងតែបានបែកធ្លាយ ជាសាធារណះហើយ។នេះបើតាម គេហទំព័រ ក្នុងស្រុកមួយចំនួនចេញផ្សាយ នៅពេលថ្មីៗកន្លងទៅនេះ ។ បើតាមព័ត៌មានបានឲ្យដឹងថា មន្ត្រីសំខាន់ចំនួន៤រូប របស់រតនាគារ រាជធានីភ្នំពេញ កំពុងរងការិះគន់ថា បានរួមដៃគ្នា ប្រព្រឹត្ត អាស្រូវ តាមរយៈការទាមទាប្រាក់ កម្រៃប្រាក់ទឹកតែពីបណ្ដា ក្រុមហ៊ុនផ្គត់ផ្គង់ សំណង់ និងសម្ភារះអោយ មន្ទីរនិងរដ្ឋបាល ថ្នាក់ក្រោមជាតិ នៅរាជធានីភ្នំពេញ មានដូចជាសាលារាជធានី សាលាខណ្ឌ សាលាសង្កាត់ ជាដើម ។
មន្ត្រីចំនួន៤រូបដែល ទទួលរងការរិះគន់ មានទី១ លោកប្រធាន កែ ប៊ុនឡេង ទី២ លោកប្រធានការិយាល័យ គណនេយ្យ ថវិកាថ្នាក់ជាតិ និងសរុប អែវ សារី និងទី៣ លោកស្រីប្រធានការិយាល័យ គណនេយ្យ ថវិកាថ្នាក់ក្រោមជាតិ ឡុង យុកហូ ទី៤ លោកស្រី សោម ធាវី អនុប្រធានការិយាល័យ គណនេយ្យ ថវិកាថ្នាក់ក្រោមជាតិ ។ ចំណែកអនុប្រធាន រតនាគារចំនួន២រូបគឺ លោកស្រី ស៊ុត សុគន្ធនារី និង លោក សុខ ភក្ដី ក៏ត្រូវបានគេសង្ស័យ ថាបានទទួលប្រយោជន៍ខ្លះដែរ ។
ប្រភពបានឲ្យ សម្រាប់ក្រុមហ៊ុនផ្គត់ផ្គង់ សំណង់ ឬ ទំនិញសម្ភារះ ដែលរត់ៗសារ ដើម្បីដកសាច់ប្រាក់របស់ខ្លួនថ្លៃផ្គត់ផ្គង់នោះ នៅពេលកាន់ឯកសារ មកដល់រតនាគារ គឺចាំបាច់ត្រូវផ្ដល់លុយសម្រាប់ជូន មន្ត្រីសំខាន់ៗខាងលើ ដោយជៀសមិនផុត និងចែករំលែក ដោយគិតជាភាគរយតាមចំនួនទឹកប្រាក់តិច ឬ ច្រើន ដែលទូទាត់ជាមួយរដ្ឋ ។
ចំពោះក្រុមហ៊ុន ដែលមិនមានខ្សែរ ជាមន្ត្រីមានអំណាច និងទឹកប្រាក់ត្រូវដកនោះ មានចំនួនតិច គឺត្រូវចាយលុយទឹកតែ ចំនួន៥ភាគរយ ដល់៧ភាគរយ ។ ចំណែកក្រុមហ៊ុន ដែលមានខ្សែមន្ត្រីមានអំណាច ដែលមានទឹកត្រូវទូទាត់ច្រើនប៊ីលានរៀល ឬ ចំនួនរាប់លានដុល្លា គឺមានការថ្លៃទឹកតែគិត ជាភាគរយគឺតិចបំផុត ប៉ុន្តែដោយចំនួន ទឹកប្រាក់ច្រើននោះ ក៏ត្រូវអស់ប្រាក់ចំណាយស្មើរ រាប់ម៉ឺនដុល្លា ផង ។
សម្រាប់ក្រុមហ៊ុន ដែលប្រាក់ច្រើន គឺម្ចាស់ក្រុមហ៊ុន ឬ តំណាង យកទៅជូនលោកប្រធាន កែ ប៊ុនឡេង ដល់បន្ទប់តែម្ដង ។
ហើយមូលហេតុ ដែលដែលក្រុមហ៊ុន នីមួយៗត្រូវយក សំណែនជូនមន្ត្រីខាងលើ គឺ ដើម្បីឆាប់ទទួលលុយ ចូលគណនីខ្លួនវិញ លើថ្លៃការចំណាយនិងផលចំណេញរបស់ពួកគេ។
ទោះបីម្ចាស់ក្រុមហ៊ុន មានខ្សែរ ឬ អត់ខ្សែរជាមន្ត្រីមានអំណាច គឺ ត្រូវតែចំណាយដូចគ្នា តែចំនួន ភាគរយខុសគ្នា ។ ហើយបើម្ចាស់ក្រុមហ៊ុន មិនសូវចេះចាយ ការដកប្រាក់ប្រាកដជាយឺតយ៉ាវ ដោយខាងរតនគារ ថា មិនទាន់មានសាច់ត្រូវបើកជួន ឬថ្នាក់បង្វិលមក អោយរាជធានី ជាដើម ។ល។
ដោយសារបាតុភាពនេះ រាល់គម្រោងដេញថ្លៃ តាមរយះ លទ្ធកម្មសាធារណៈ លើការងារសាងសងសំណង់ ឬ ផ្គត់ផ្គង់ទំនិញ សម្ភារះ គឺ ក្រុមហ៊ុននីមួយៗ ទាល់មានតម្លៃខ្ពស់ជាងទីផ្សារ២ដង ទើបពួកគេហ៊ាន ដាក់ពាក្យចូលដេញ ពេលបានគឺចុះ តិចតួច ។
ទាក់ទិនព័ត៏ខាងលើសារព័ត៏យើង នៅមិនទាន់ ទទួលបានការ សុំបំភ្លឺបកស្រាយពី ប្រធានរតនាគារ រាជធានីភ្នំពេញ បាននៅឡើយទេ ៕
