ខេត្តបាត់ដំបង៖ប្រភពពីប្រជាពលរដ្ឋរស់នៅតំបន់អូររំដួលបានអោយដឹងថា លោក កោះ និច្ច ប្រធានស្នាក់ការគយច្រកតំបន់អូររំដួល ដេកសោយសុខជាមួយទំនិញគេចពន្ធគ្រប់ប្រភេទកំពុងតែសម្រុកដឹកចេញពីប្រទេសថៃចូលមកប្រទេសខ្មែរយ៉ាងគគ្រឹកគគ្រេងតាមច្រកតំបន់អូររំដួលស្រុកភ្នំព្រឹកខេត្តបាត់ដំបង លោក កោះ និច្ច ប្រធានស្នាក់ការគយច្រកតំបន់អូររំដួលត្រូវគេសង្ស័យថា ជាអ្នកបេីក ដៃឲ្យក្រុមឈ្មួញនាំជីគេចពន្ធនិងទំនិញផ្សេង ៗជាច្រើនប្រភេទទៀតគេចពន្ធឬបង់ពន្ធមិនគ្រប់ទាំងយប់ទាំងថ្ងៃ។
ប្រភពមន្ត្រីសមត្ថកិច្ចច្រកព្រំដែនតំបន់អូររំដួលឲ្យដឹងថា លោក កោះ និច្ច មេស្នាក់ការគយតំបន់អូររំដួលបាននឹងកំពុងបណ្ដែតបណ្ដោយ ឃុបឃិតគ្នាជាប្រពន្ធ័ ជាមួយក្រុមដែលរកស៊ីដឹកទំនិញឆ្លងដែនពីប្រទេសថៃ ចូលមកប្រទេសកម្ពុជា ទំនិញគ្រប់ប្រភេទដែលឆ្លងដែនតាមច្រកតំបន់អូររំដួល មិនមានការត្រួតពិនិត្យឲ្យបានម៉ត់ចត់ច្បាស់លាស់នោះឡើយ ។ ដូច្នេះគេមិនដឹងថាតើហេតុអ្វីដែលឈ្មួញបាននាំចូលទំនិញបាននោះទេ បញ្ហានេះគឺជាហានិភ័យដ៏ធ្ងន់ធ្ងរមួយដែលថ្នាក់ដឹកនាំមិនគួរមើលរំលងឡើយ។
ប្រភពព័ត៌មានបានអោយដឹងថា ក្រៅពីជីគេចពន្ធនិងបង់ពន្ធមិនគ្រប់និងមានទំនិញផ្សេងៗទៀត ក៏គេចពន្ធឬបង់ពន្ធមិនគ្រប់ផងដែរ ។ ប្រភពបន្ថែមថា រថយន្តដឹកទំនិញទាំងតូចទាំងធំទាំងខ្សែរៗ នាំចូលពីប្រទេស ថៃទាំងថ្ងៃឆ្លងកាត់ច្រកព្រំដែនចូលតាមច្រកតំបន់អូររំដួលស្រុកភ្នំព្រឹកខេត្តបាត់ដំបង ដោយមិនគិតអំពីច្បាប់ទម្លាប់អ្វីទាំងអស់។ ពោលគឺសមត្ថកិច្ចអ្នកបើកបារ៉ាស់ច្រកព្រំដែនតំបន់ឲ្យរថយន្តដឹកជីនិងទំនិញផ្សេង ៗទាំងនោះចូលដោយសេរីមិនញញើតអ្វីទាំងអស់។ ប្រជាពលរដ្ឋបន្តថា ភាពមិនប្រក្រតីប្រព្រឹត្តអំពើពុករលួយនៃការអនុញ្ញាតឲ្យឈ្មួញដឹកជញ្ជូនទំនិញគេចពន្ធចូលដោយសេរីឬបង់ពន្ធមិនគ្រប់ទាំងយប់ទាំងថ្ងៃ ហើយទំនិញបង់ពន្ធមិនគ្រប់ មានច្រើនប្រភេទទៀតទាំងនោះគឺជាប្រភពហិរញ្ញវត្ថុដ៏សំខាន់របស់លោក កោះ និច្ច ប្រធានស្នាក់ការគយច្រកតំបន់អូររំដួល។
ប្រភពរាយការណ៍ថា មន្ត្រីនគរបាលប្រចាំការនៅទីនោះភាគច្រើនជួលជនស៊ីវិលឲ្យចាំយកលុយពីរថយន្តដឹកទំនិញចេញ, ចូល ពីព្រោះអស់លោកខ្លាចមានបញ្ហាជាយថា ហេតុណាមួយកើតឡើង។ដូច្នេះឈ្មួញមិនអាចគេចឬលួចដោយមិនប្រាប់ឱ្យបងៗ សុីវិលដែលឈរចាំមេីលនៅច្រកតំបន់អូររំដួលបាននោះឡើយ ។ហើយជនស៊ីវិលដែលតំណាងឲ្យមន្ត្រីគយហាក់មានអំណាចខ្លាំងដៃសម្បើមណាស់ជាមួយឈ្មួញរកស៊ី ដឹកទំនិញគេចពន្ធឆ្លងដែនទាំងនោះ រវាងឈ្មួញអ្នករកស៊ីនិងជនស៊ីវិលដែលប្រចាំការនៅច្រកព្រំដែនអូររំដួល មានការយល់គ្នាយ៉ាងច្បាស់លាស់ដោយក្រុមដែលរកស៊ីដឹក ទំនិញទាំងនោះគ្រាន់តែឃើញជនស៊ីវិលនៅឈរកន្លែងណាគឺឈ្មួញទៅតាមជួបដល់កន្លែងនោះតែម្ដង។
ថៅកែទំនិញទាំងឡាយចាំបាច់ទាក់ទងជា មួយលោកមេស្នាក់ការគយច្រកមុនរួចជាស្រេច ជាពិសេសទំនិញអត់ពន្ធសុទ្ធ តែត្រូវទាក់ទងជាមួយលោក កោះ និច្ច ជាមុន រីឯអ្នករងគ្រោះជាងគេ គឺប្រជាពលរដ្ឋស៊ីឈ្នួល ដឹកជញ្ជូនទំនិញកំប៉ិកកំប៉ុកប៉ុណ្ណោះ។ នៅច្រកព្រំដែនអូររំដួល ស្រុកភ្នំព្រឹក ខេត្តបាត់ដំបងនេះក៏មានបញ្ហាទំនិញសាច់ខូចគុណភាពដែលឈ្មួញបានរៀបចំ។ ពីព្រោះថានៅចំណុចព្រំដែនអូររំដួលនេះ គ្មានការត្រួតពិនិត្យឲ្យ បានហ្មត់ ចត់ច្បាស់លាស់នោះឡើយ។ អស់លោកមានសមត្ថកិច្ចជាច្រើនស្ថាប័នរួមទាំងមន្រ្តីគយ មិនបានត្រួតពិនិត្យទំនិញនាំចូលនោះទេ។ ទំនិញឆ្លងកាត់ច្រក អូររំដួលមិនមានការត្រួតពិនិត្យឲ្យបានហ្មត់ ចត់នោះឡើយពោលគឺឲ្យតែហុចលុយចប់បញ្ហា។បញ្ហានេះដែរលោក ឱម យុិនទៀង ប្រធានអង្គភាពប្រឆាំងអំពើពុករលួយ ធ្លាប់ ប្ដេជ្ញាលុបបំបាត់អំពើពុករលួយនូវតាមដងផ្លូវ ចាត់វិធានការទប់ស្កាត់ភាពមិនប្រក្រតីពុក រលួយរបស់លោក កោះ និច្ច ប្រធានស្នាក់ការច្រកតំបន់អូររំដួលបើកដៃអនុញ្ញាតិអោយក្រុមឈ្មួញនាំទំនិញគេចពន្ធទំនិញបង់ពន្ធមិនគ្រប់និងទំនិញខុសច្បាប់ពីប្រទេសថៃចូលមកប្រទេសខ្មែរគគ្រឹក គគ្រេងយ៉ាងពេញបន្ទុក ប្រព្រឹត្តរបៀបអំពើពុករលួយ ជិះសេះលែងដៃ។ពាក់ព័ន្ធព័ត៌មានខាងលើគេហទំព័រ(www.enn-tv.com)យើងខ្ញុំរងចាំនូវការពន្យល់បកស្រាយពីលោក កោះ និច្ច ប្រធានស្នាក់ការគយច្រកអូររំដួល រាល់ម៉ោងធ្វើការ៕មានត