ភ្នំពេញ ៖ ដើម្បីឧទិសកោសល្យផលបុណ្យដល់វិញាណក្ខន្ធសម្តេចតាសម្តេចឪនោះ ។ នៅព្រឹកថ្ងៃទី ១២ ខែកក្កដា ឆ្នាំ២០១៤ នេះ ពុទ្ធបរិស័ទជាច្រើនពាន់នាក់ ប្រារព្ធពិធីបង្សុកូល និងរាប់បាត្រ ប្រគេនព្រះសង្ឃ ៣.៦០០ អង្គ ដែលនិមន្តមកពីវត្តនានា នៅទូទាំងប្រទេស នៅខាងមុខព្រះបរមរាជវាំង ។
នៅព្រឹកមិញនេះដែរ ក៏មានការបាញ់កាំភ្លើងធំ ចំនួន ១២ ដើម ដែលជាការបាញ់ ចំនួន១០៨គ្រាប់ ជាគំរប់ នៅក្នុងថ្ងៃទី៣ នៃការប្រារព្ធព្រះរាជពិធីដង្ហែ និងតម្កល់ព្រះអដ្ឋិ នៃ ព្រះបរមរតនកោដ្ឋ។
នៅរសៀលនេះដែរ ក៏នឹងមានការអនុញ្ញាត ឲ្យប្រជាពលរដ្ឋ ចូលអុជធូប នៅក្នុងព្រះបរមរាជវាំង ដើម្បីឧទ្ទិសព្រះរាជកុសល ថ្វាយព្រះបរមរតនកោដ្ឋ សម្តេចតា តាទួត ប៉ុន្តែក្រសួងព្រះបរមរាជវាំង បានតម្រូវឲ្យប្រជាពលរដ្ឋ ពាក់អាវស បូខ្មៅ នៅពេលចូលទៅអុជទៀនធូប ឧទ្ទិសព្រះរាជកុសលនោះ ។
គួររំលឹកផងដែរថា ពិធីនេះត្រូវបានធ្វើឡើងចំនួនបីថ្ងៃចាប់ពីថ្ងៃទី១០ រហូតដល់ថ្ងៃទី១៣ ទើបចប់ ៕
