ខេត្តសៀមរាប ៖ ការិយាល័យនគរបាលព្រហ្មទណ្ឌកំរិតស្រាល នៃស្នងការនគរបាលខេត្តសៀមរាប បានដឹកនាំកំលាំងបែងចែកជា ៤ មុខសញ្ញា ចុះបង្ក្រាបបានអ្នកដែល និយមញៀននឹងល្បែង កន្ទុយលេខ បានចំនួន 12 នាក់ ក្នុងនោះមានស្រី 4 នាក់ប្រុស 8 នាក់ ហើយនៅក្នុងនោះក៍មាន«មេឆ្នោតធំៗប្រចាំក្រុងសៀមរាបនេះផងដែរ» ។
ប្រត្តិបត្តិការណ៍ចុះបង្ក្រាបយ៉ាងក្តៅគគុកនេះធ្វើឡើង នៅវេលាម៉ោង១២នឹង30នាទី ថ្ងៃត្រង់ថ្ងៃទី ១ ខែកក្កដា ឆ្មាំ 2014 ឋិតក្នុងភូមិសាស្ត្រទឹកដីសង្កាត់ស្លក្រាម និង សង្កាត់គោកចកក្រុងសៀមរាប ក្នុងពេលតែមួយព្រមៗគ្នា និងបានដកហូតនៅវត្ថុតាង រួមមាន ៖ ម៉ូតូ ៣ គ្រឿងទូរស័ព្ទដៃ 3 គ្រឿងម៉ាស៊ិន គិតលេខចំនួន 4 តុកត់ឆ្នោត ២ កៅអី ៤ ក្រដាសសៀភៅ សំរាប់កត់កន្តុតយលេខជាច្រើនក្បាល និងលុយនៅលើតុមួយចំនួនធំ ។
នេះបើយោងតាមការឱ្យដឹងពីលោកវរសេនីយ៏ត្រី ហុង ប៊ុនហាវ នាយរងការិយាល័យនគរបាលព្រហ្មទណ្ឌកំរិតស្រាល ដែលបានចុះប្រត្តិបត្តិ ការណ៍នេះដោយផ្ទាល់។ មនុស្សចំនួន 12 នាក់ ត្រូវបានឃាត់ខ្លួនភ្លាមៗនៅនឹងកន្លែង ក្នុងនោះ មានមេឆ្នោតធំៗចំនួន 5 នាក់ផងដែរ ។ ទី១ ឈ្មោះ សុខ ណេ ភេទប្រុសអាយុ ៣៥ ឆ្នាំ រស់នៅភូមិ ចុងកៅស៊ូសង្កាត់ស្លក្រាម ក្រុងសៀមរាប ទី ២ លាន ចាន់ណា (ស្រី) អាយុ ៤៨ ឆ្នាំ រស់នៅភូមិចុងកៅស៊ូ សង្កាត់ស្លក្រាម ក្រុងសៀមរាប ទី៣ ឈ្មោះ យូ ហុន ភេទស្រី អាយុ ៤៤ ឆ្នាំ រស់នៅភូមិចុងកៅស៊ូ សង្កាត់ស្លក្រាម ក្រុងសៀមរាប ទី 4 ឈ្មោះ អ៊ុន សំអុល ភេទប្រុស ៣៦ រស់នៅភូមិត្រពាំងសេះ សង្កាត់គោកចក ក្រុងសៀមរាបជា «មេឆ្នោតធំ» ម្នាក់ផងដែរ នឹងទី 5 ឈ្មោះ សុខ ខេង ភេទប្រុសអាយុ ៤៤ ឆ្នាំ អ្នកផ្ដល់ទីតាំង នៅទល់មុខផ្សារដើមក្រឡាញ់ ភូមិត្រពាំងសេះ សង្កាត់គោគចក ជា «ឈ្មោះទីតាំងដែលល្បីជាងគេបំផុត នៅក្នុងក្រុងសៀមរាប » ដែលគេធ្លាប់បានអួតក្ដែងៗ កន្លងមកថា គ្មានអ្នកណាហ៊ានចាប់ផ្ទះ គេបាននោះទេ ពីព្រោះគេបានបង់លុយអោយសមត្ថកិច្ចរួចអស់ទៅហើយ នឹងសូមឱ្យសមត្ថកិច្ចជួយស៊ើបអង្កេតករណីនេះផង កុំឱ្យខូចឈ្មោះដល់សមត្ថកិច្ចគេផ្សេងៗទៀត ដែលស្អាតស្អំមិនបានពាក់ព័ន្ធទទួលលាភសក្ការៈនោះ ។
ក្រុមអ្នកមកចូលចាក់ឆ្នោតរួមមានទី ១ ឈ្មោះ ម៉ុង ផល អាយុ៣១ឆ្នាំ នៅសង្កាត់គោកចក ទី២ អឹម ប៊ុនធៀន ប្រុសអាយុ ៥៦ ឆ្នាំ រស់នៅភូមិចុងកៅស៊ូ ទី ៣ សេម គឹមឡោ ភេទស្រី ៤១ ឆ្នាំ រស់នៅភូមិសាលាកន្សែង សង្កាត់ស្វាយដង្គំ ទី៤ សេក ស៊ីម៉ាច អាយុ ៣២ ភេទស្រី រស់នៅភូមិស្វាយចេកឃុំកែវព័ណ ស្រុកពួកខេត្តសៀមរាប ទី ៥ ជន ង៉ិក ប្រុស ៤១ ឆ្នាំ រស់នៅគោកត្នោត សង្កាត់គោកចក ទី ៦ វ័ន្ត ប៉ាក់ណូ (ប្រុស ) អាយុ ២៧ អ្នកកត់ឆ្នោត រស់នៅភូមិត្រពាំងសេះ គោកចក នឹងទី 7 ឈ្មោះ សុខ ទី (ប្រុស ) អាយុ ២៧ ឆ្នាំ ប្រុសរស់នៅភូមិត្រពាំងសេះ សង្កាត់គោកចក ក្រុងសៀមរាប ជាអ្នកកត់ឆ្មោត ។
ទោះបីជាយ៉ាងណាក៍ដោយ គិតត្រឹមម៉ោង ៦ ល្ងាចនៅថ្ងៃទី01 ខែ 07 ឆ្នាំ2014 នេះ គេមិនទាន់បានដឹងថា «តើវាសនាក្រុមអ្នកញៀនល្បែងឆ្នោតនឹងមេធំៗប្រចាំក្រុង សៀមរាប នេះមានទាំង១២នាក់នេះ នឹងត្រូវបញ្ជូនបន្តទៅតុលាការ ឬក៍យ៉ាងណានោះទេ?» ។ ព័ត៌មាននេះនឹងរាយការណ៍ជា បន្តទៀត ពីព្រោះតែសមត្ថកិច្ចកំពុង តែ សាកសួរមិនទាន់ត្រូវបានបញ្ចប់ទៅតាមនិតិវិធីច្បាប់នៅឡើយទេ ។
ព័ត៌មានដែលទើបនឹងបានទទួលថ្មីៗចុងក្រោយនេះ នៅព្រឹកថ្ងៃទី 02 ខែកក្តដាឆ្នាំ2014វេលាម៉ោង 09 នឹង 30 នាទី ពីមន្ត្រីនគរបាលនឹងបុរស់ម្នាក់ដែលបានមកធានាប្រពន្ធខ្លួនអោយមានសេរីភាពវិញនោះ បានប្រាប់អ្នកយកព័ត៌មាយើងថា អ្នកជាប់ឃុំញៀនល្បែងឆ្នោតទាំង 12 នាក់នោះ ត្រូវបានដោះលែងវិញ ហើយកាលពីវាលាម៉ោង 10 យប់ ថ្ងៃទី01 ខែកក្តដា ឆ្នាំ2014 ដោយតម្រូវអោយបងលុយម្នាក់ចាប់ពី 50 ដុល្លា ទៅ 100 ដុល្លាឡើងទៅ ។
អ្នកយកព័ត៌មានយើងមិនអាចសុំការបំភ្លឺ ពីលោកនាយការិយាល័យនគរបាលព្រហ្ម ទណ្ឌ កំរិតស្រាលនៃស្នងការនគរបាលខេត្តសៀមរាប បានទេ ព្រោះទូរស័ព្ឌនៅក្រៅតំបន់សេវា ៕