សៀមរាប៖ មេឈ្មួញឈើដ៍មហាដុះស្លែធំបំផុតប្រចាំស្រុកវ៉ារិន ២ រូប ដែលកំពុងមានប្រជាប្រីយ៏ភាព លេចធ្លោ ពេញ ដោយអំណាចនឹងភាពអួតអាងនោះ បាននិងកំពុងតែធ្វើសកម្មភាពកាប់បំផ្លាញព្រៃឈើ និងដឹកជញ្ជូនឈើយ៉ាងអនាធិបតេយ្យបំផុត ។ មេឈ្មួញដុះស្លែ ២ រូប ប្រចាំស្រុកវ៉ារិននោះមាន ឈ្មោះ ចិត្ត និងឈ្មោះ ឆាយ(ជាម្ចាស់ដេប៉ូឈើឃុំស្រែណូយអត់ច្បាប់) ដឹកឈើដោយគោយន្តកែឆ្នៃ ចាប់ពី ៥ គ្រឿងទៅ ១០ គ្រឿងក្នុងមួយថ្ងៃ ដោយមិនខ្លាច សមត្ថកិច្ចជាពិសេសជំនាញមេព្រៃ ដែលនៅតាមដងផ្លូវ ដែលគេមានការសង្ស័យថាលោកអភិបាលស្រុក នាក់ ណេរុន និងលោកមេព្រៃ សេង វឿត នៅពីក្រោយ។
ទាំងនេះ ត្រូវបានមន្ត្រីសាលាស្រុកមួយរូបនិយាយថា លោក នាក់ ណេរុន គិតតែពីការងារលាបសក្ការៈផ្ទាល់ខ្លួន ភ្លេចគិតតួនាទីដែលថ្នាក់លើប្រគល់ជូន ។
តាមសេចក្ដីរាយការណ៍បានឲ្យដឹងថា នៅតំបន់គ្រប់គ្រងរដ្ឋបាលព្រៃឈើនៅផ្នែកក្រឡាញ់ ដែលមានលោក សេង វឿត ជាអ្នកទទួកខុសត្រូវ ក្នុងការទប់ស្កាត់នោះ បានកំពុងតែទទួលរងនូវការកាប់បំផ្លាញពីសំណាក់ឈ្មួញទុច្ចរិតយ៉ាងចាស់ដៃ ស្ទើក្លាយជាទីហោស្ថានគួអោយសង្វេក បំផុតដូចព្រៃឡង់ដែរ ចំណែកលោក សេង វឿត និងលោកអិបាលស្រុក គ្មានឆន្ទះក្នុងការទប់ស្កាត់សោះឡើយ។ ផ្ទុយទៅវិញអ្នកការពារនឹងអភិរក្សរូបនេះបានឃុបឃិតគ្នា ជាមួយក្រុមឈ្មួញក្នុការស៊ីសំណូកសូកប៉ាន់ ដោយមិនខ្វល់ពីបទបញ្ជារថ្នាក់លើនោះទេ។
សេចក្ដីរាយការណ៍បន្ថែមថា សកម្មភាពកាប់អារបំផ្លាញព្រៃឈើ និងដឹកជញ្ជូនឈើនេះ បានកើតមានជាយូណាស់មកហើយ នៅព្រំប្រទល់ស្រុកអន្លង់វែង ខេត្តឧត្តរមានជ័យ ដោយក្រុមឈ្មួញបានប្រើប្រាស់នូវម៉ាស៊ីនត្រង់ទន័រ រាប់លានគ្រឿង ក្នុងការអារដើមឈើទាំងធំទាំងតូចទាំងយប់ទាំងថ្ងៃ លាន់លឺរំពោងពេញព្រៃបក្សាបក្សីនៅមិនបានរត់ទៅក្រៅប្រទេស។ទីបំផុតទាំងសត្វព្រៃទាំងព្រៃឈើត្រូវបានរលាយដោយជោគជយ័។
មន្ត្រីឃ្លាំមើលបទល្មើសព្រៃឈើបាននិយាយថា ព្រៃឈើនៅតំបន់ផ្នែកក្រឡាញ់ បច្ចុប្បន្ននេះក្លាយជាទីរហោស្ថាន ដោយសាតែរងការកាប់បំផ្លាញពីក្រុមឈ្មួញឈ្មោះឆាយចំណែកឯមន្ត្រីសមត្ថកិច្ចពាក់ព័ន្ទមិនបានធ្វើការបង្ក្រាប ឲ្យមានប្រសិទ្ទភាពខ្ពស់បំផុតស្របតាមយុទ្ធសាស្ត្រ កំណែទម្រង់ស្ដាឡើងវិញនូវវិស័យព្រៃឈើរបស់រាជរដ្ឋាភិបាលកម្ពុជានោះឡើយ។ ពោលគឺក្រុមមន្ត្រីមានភារកិច្ចបង្ក្រាបនឹងគណះបញ្ជាការឯកភាពស្រុកវ៉ារិននោះ បាននាំគ្នារទទួលសំណូកពីឈ្មួញដោយគ្មានញញើតដៃ។
មន្ត្រីអង្គរការឃ្លាំមើលបទល្មើសព្រៃឈើបន្តថា ចលនាកាប់បំផ្លាញព្រៃឈើនៅទឹកដីផ្នែកក្រឡាញ់នេះ បានក៍ព្រោះតែលោក សេង វឿត នឹងលោកនាក់ណារុនជាអ្នកនៅពីក្រោយខ្នងដែរទើបសកម្មភាពចេះតែរីករាលដាលធំឡើងៗ បណ្ដាលឲ្យព្រៃឈើនៅតំបន់នោះទទួលរងគ្រោះមហន្តរាយយ៉ាងធ្ងន់ធ្ងរបំផុតគ្មានទីបញ្ចប់។
អង្គរការឃ្លាំមើលបទល្មើសព្រៃឈើបន្ថែមថា ក្រុមឈ្មួញឈើទាំងនោះ ក្រោយពីបានធ្វើសកម្មភាពកាប់អាររួច ពួកគេបានប្រើប្រាស់នូវរថយន្តប្រភេទដំរីទឹកដឹក ចេញពីក្នុងព្រៃមកដាក់តាមភូមិ ក្នុងភូមិសាស្ត្រឃុំស្រែណូយ ហើយយករថយន្តកូរ៉េប្រភេទធំៗ ចំណុះ៣តោន ទៅ៥តោន ធ្វើការដឹកជញ្ជូនចេញទៅលក់ឲ្យដេប៉ូនៅក្រុងសៀមរាប និងស្រុកអង្គរជុំទាំងយប់ទាំងថ្ងៃ មិនតែប៉ុណ្ណោះ ផ្លូវក្រាលគ្រួសក្រហមពីឃុំស្រែណូយទៅស្រុកអង្គរជុំ បានទទួលរងនូវការខូចខ្ទេចខ្ទីតែម្ដងដោយសារថយន្តដឹកឈើជាប្រចាំ។ លោក សេង វឿតនឹងលោកអភិបាលស្រុក មិនអាចស្វែងរកការបកស្រាយបំភ្លឺបានទេដោយទូរស័ព្ទនៅក្រៅតំបន់សេវា។
ពាក់ព័ន្ទទៅការដឹកជញ្ជូនឈើនៅតំបន់ស្រែណូយនេះ កាលពីព្រឹកថ្ងៃទី១៧ ខែមិថុនា ឆ្នាំ២០១៤ កន្លងទៅថ្មីៗនេះ ព្រះរាជអាជ្ញាអមសាលាដំបូងខេត្តសៀមរាបបានបញ្ជាឲ្យមេព្រៃ លី សុផា ចុះរឹបអូសគោយន្តដឹកឈើលេខ២ខ្នាតធំ១គ្រឿង របស់ឈ្មួញដ៍ធំម្នាក់ នៅតំបន់ស្រែណូយ ឈ្មោះ ចិត្ត យកទៅរក្សាទុកនៅសង្កាត់រដ្ឋបាលព្រៃឈើស្រែណូយ។
ជាមួយគ្នានេះដែរ នៅតំបន់ស្រែណូយ ក៍មានរោងសិប្បកម្មកែឆ្នៃឈើដោយខុសច្បាប់រាប់រយកន្លែង បានកំពុងតែដំណើការយ៉ាងពេញបន្ទុកឥតគណនា។ ក្នុងនោះក៍មានដេប៉ូលក់ឈើមួយកន្លែងនៅភូមិព្រៃខ្នរ ឃុំស្រែណូយ ដែលមានយីហោឈ្មោះដេប៉ូឈើស្រែណូយ ថៅកែឈ្មោះ ឆាយ ហើយដេប៉ូមួយនេះជាទីតាំងនាំឲ្យមានការកាប់បំផ្លាញព្រៃឈើ នៅស្រុកវ៉ារិន និងខេត្តឧត្តរមានជ័យ ព្រះវិហារផងដែរ ៕
