កណ្តាល ៖ កាលពីថ្ងៃទី១៩ ខែមិថុនា ២០១៤នេះ មានពិធីប្រកាសផ្ទេរភារកិច្ច ប្រធានមន្ទីរអប់រំខេត្តកណា្តល ត្រូវបានធ្វើឡើងនៅសាលាខេត្តកណា្តល ក្រោមអធិបតីភាពលោកអភិបាលខេត្ត ផៃ ប៊ុនឈឿន និងលោក ពិន ចំណាន រដ្ឋលេខាធិការក្រសួងអប់រំ និងមានលោកគ្រូអ្នកគ្រូប្រមាណ ៤០០ នាក់បានចូលរួមក្នុងពិធីនោះដែរ។
នៅក្នុងឱកាសនោះដែរ លោក អ៊ុក តុលា ដែលបានផ្ទេរភារកិច្ចជំនួសលោក លី ជុងថេង ជាប្រធានអប់រំចាស់ ដែលបានចូលនិវតនោះបានឡើងបេ្តជ្ញាថា ៖
១-ក្នុងនាមលោកជាប្រធានមន្ទីរអប់រំថី្ម រូបលោកសូមបេ្តចជ្ញាថា នឹងចូលរូមកំណែទម្រង់ការគ្រប់គ្រោងហិរញវត្ថុសាធារណៈ ដើម្បីធានាអោយបាននូវការអនុវត្តថវិការប្រកបដោយប្រសិទីភាពនិងភាពសកិ្តសិទ្ឋិខ្ពស់និងពិនិត្យឡើងវីញនូវបទដ្ឋាននិងយន្តការហិរញវត្ថុ ។
២-ប្តេជ្ញាពង្រឹងការគ្រប់គ្រងបុគ្គលិក និងការអភិវឌ្ឍ គ្រូបង្រៀន ក្នុងគោលបំណង អភិវឌ្ឍគុណវុឌ្ឍិគ្រូបង្រៀន នៅគ្រប់កំរិត ដែលអាចបង្រៀនបានគ្រប់ជំនាញ ដែលត្រូវការសម្រាប់សតវត្យទី២១ ក្នុងគោលដៅលើកទឹកចិត្ត និងទាក់ទាញបេក្ខជន ដែលមានសមត្ថភាពខ្ពស់ អោយបានចូលរូមបម្រើការងារក្នុងវិជា្ជជីវៈជាគ្រូបង្រៀននិ ងការប្រែក្លាយពីការបណ្តុះបណា្តល ទៅជាការអប់រំគ្រូ ដោយពង្រឹងការអភិវឌ្ឍប្រព័ន្ធបណ្តុះបណា្តលគ្រូបង្រៀន និងធ្វើវិក្រិតការប្រកបដោយប្រសិទ្ធភាព ។
៣-ពង្រឹងការប្រឡងគ្រប់ប្រភេទ ដើម្បើធានាគោលការណ៍ច្បាប់ យុតិ្តធម៌ តម្លាភាព និងលទ្ឋផល ទទួលបានក្នុងការប្រឡង សញ្ញាបត្រមធ្យមសិក្សាសិក្សាទុតិយភូមិ សំរាប់ឆ្នាំសិក្សា២០១៣ ២០១៤ក៍ដូចជាបណ្តាលឆ្នាំខាងមុខនេះ។
៤-ពង្រឹងគុណភាពអប់រំសិក្សាដោយពឹងផ្អែកលើកត្តាសំខាន់ៗ ដូចជាសិស្ស រៀន ប្រកបដោយគុណភាព កម្មវិធិសិក្សាប្រកបដោយគុណភាពគុណភាពដំណើរការរៀនសូត្រ ប្រកបដោយគ្រូបង្រៀន មានគុណភាពខ្ពស់ បរិស្ថានរៀន សូត្រប្រកបដោយគុណភាព ផលសម្រេចប្រកបដោយគុណភាព ។
៥-អភិវឌ្ឍជំនាញសម្រាប់យុវជន ដោយចូលរូមកែលំអរកម្មវិធិសិក្សាដើម្បីផ្សារភា្ជប់ការអប់រំ ជាមួយការងារដូចជាជំនាញមូលដ្ឋាន ជំនាញបច្ចេកទេស និងវិជា្ជជីវៈ ដើម្បីងាយចាប់យកមុខរបរអាជីពក្នុងគោលដៅពង្រឹងការប្រកួតប្រជែងជំនាញ សំដៅត្រៀមលក្ខណៈចូលសហគមន៍ អាស៊ានក្នុងឆ្នាំ២០១៥ នាពេលខាងមុខនេះ ៕
