ភ្នំពេញ ៖ ដែលក្នុងនោះគណៈអភិបាលខណ្ឌ មានជ័យត្រូវបានទៅលោក ពេជ្រ កែវមុន្នី ជាគណៈអភិបាលខណ្ឌ និងលោក អែម សុខលាងប្រធានក្រុមប្រឹក្សាខណ្ឌ ដោយឡែកខណ្ឌច្បារអំពៅវិញត្រូវបានទៅលើលោក អ៊ាង ស៊ីផាន ជាអភិបាលនៃគណៈអភិបាលខណ្ឌមានជ័យនិងលោក អ៊ុំ មារ៉េត ជាប្រធានក្រុមប្រឹក្សាខណ្ឌច្បារ អំពៅ ។
ពិធី នេះបានធ្វើឡើងក្រោមអធិបតីភាពលោក ឃួង ស្រេង អភិបាលរងរាជធានីភ្នំពេញជា គណៈអធិបតីក្នុងពិធីប្រកាសតែងតាំងអភិបាលនៃគណៈអភិបាលខណ្ឌមានជ័យ ដោយឡែកលោក សេង រតនៈ អភិបាលនៃគណៈអភិបាលរាជធានីភ្នំពេញជាគណៈអធិបតីក្នុងពិធីប្រកាស តែងតាំង អភិបាលនៃគណៈអភិបាលខណ្ឌច្បារអំពៅ។
យោងតាមប្រកាសរបស់ក្រសួងមហាផ្ទៃបានបញ្ជាក់ ថា គណៈអភិបាលខណ្ឌមានជ័យរួមមានសមាសភាពលោក ពេជ្រ កែវមុន្នី អតីតអភិបាលរងខណ្ឌ ទួលគោកត្រូវបានមកទទួលដំណែងជាអភិបាលនៃគណៈអភិបាលខណ្ឌមានជ័យ ។
លោក ហៀង ចាន់លាង ជាអភិបាលរងខណ្ឌ, លោក មា សុភាព ជាអភិបាលរងខណ្ឌ, លោកស្រី ជា នីតា ជាអភិបាលរងខណ្ឌ, លោក ឌី រ័ត្នខេមារុណ ជាអភិបាលរងខណ្ឌ។ ដោយឡែកលោក អែម សុខលាង ជាប្រធានក្រុមប្រឹក្សាខណ្ឌមានជ័យដដែល។
សមាសភាពនាយករដ្ឋបាលសាលាខណ្ឌបានទៅលើលោក ឡុង ង៉ែត នាយករងរដ្ឋបាល, លោក ហ៊ួយ វិរៈ អតីតប្រធានផ្សារច្បារអំពៅ និងលោកស្រី ឃឹម វណ្ណី នាយករងរដ្ឋបាល ។ សមាសភាពគណៈអភិបាលខណ្ឌច្បារអំពៅរួមមានលោក អ៊ាង ស៊ីផាន ជាអភិបាលនៃគណៈ អភិបាលខណ្ឌមានជ័យ, លោក ប៊ី សោភ័ណ្ឌ អភិបាលរងខណ្ឌ, លោក ណុប ផា ជាអភិបាលរង ខណ្ឌ, លោក រស់ សុភ័ក្ត ជាអភិបាលរងខណ្ឌ, លោកស្រី ឯក យ៉ានី ជាអភិបាលរងខណ្ឌ។ សមាស ភាពនាយករដ្ឋបាលសាលាខណ្ឌច្បារអំពៅត្រូវបានទៅលើលោក ហ៊ួត ហ៊ុយ, លោក ញាណ ច័ន្ទសោភា ជានាយករងរដ្ឋបាល, លោក ប៊ូ វឌ្ឍនា ជានាយករងរដ្ឋបាល។
ក្នុងនោះដែរ ប្រធានក្រុមប្រឹក្សាខណ្ឌច្បារអំពៅត្រូវបានទៅលើលោក អ៊ុំ ម៉ារ៉េត ។ ចំពោះ ទីតាំងទីស្នាក់ការសាលាខណ្ឌមានជ័យដែលទើបនឹងបង្កើតថ្មីនេះគឺស្ថិត នៅលើទីតាំងជាន់ទី១ ផ្សារក្បាលថ្នល់ ស្ថិតនៅក្នុងសង្កាត់ចាក់អង្រែក្រោម ខណ្ឌមានជ័យ។ ដោយឡែកទីស្នាក់ការសាលា ខណ្ឌច្បារអំពៅគឺស្ថិតនៅទីតាំងអតីតខណ្ឌមានជ័យស្ថិតក្នុងសង្កាត់ ច្បារអំពៅទី១។
យោងតាមប្រភពមន្ត្រីសាលារាជធានីភ្នំពេញបានអោយដឹងថា សាលាខណ្ឌមានជ័យគ្រប់ គ្រងសង្កាត់ចំនួន៤ គឺសង្កាត់ស្ទឹងមានជ័យ, សង្កាត់បឹងទំពុន, សង្កាត់ ចាក់អង្រែលើ និងសង្កាត់ ចាក់អង្រែក្រោម។ ការគ្រប់គ្រងរបស់រដ្ឋបាលសាលាខណ្ឌច្បារអំពៅមានចំនួន៨សង្កាត់ ក្នុងនោះមានសង្កាត់ច្បារអំពៅទី១, សង្កាត់ច្បារអំពៅទី២, សង្កាត់ព្រែកប្រា, សង្កាត់និរោធ, សង្កាត់វាលស្បូវ, សង្កាត់ព្រែកឯង, សង្កាត់ក្បាលកោះ និងសង្កាត់ព្រែកថ្មី។
មន្ត្រី សាលារាជធានីភ្នំពេញដដែលបានបញ្ជាក់ថា ចំពោះតួនាទី ភារកិច្ចរបស់លោក គួច ចំរើន អតីតជាអភិបាលនៃគណៈអភិបាលខណ្ឌមានជ័យត្រូវបានផ្ទេរទៅទទួលភារកិច្ច ថ្មីជាអភិបាល នៃគណៈអភិបាលខណ្ឌដូនពេញដែលពិធីផ្ទេរដំណែងត្រូវបានធ្វើឡើងនៅរសៀល ថ្ងៃទី១០ ខែមិថុនា ឆ្នាំ២០១៤នេះ៕
