សៀមរាប ៖ ដោយមានការចង្អុលបង្ហាញពី ឯកឧត្តម ឃឹម ប៊ុនសុង អភិបាលខេត្ត និងក្រោមការដឹកនាំរបស់ ឯកឧត្តម ឧត្តមសេនីយ៍ត្រី ម៉ន សាម៉ុន មេបញ្ជាការកងរាជអាវុធហត្ថខេត្តសៀមរាប និងដឹកនាំបញ្ចាផ្ទាល់ ពីលោកវរៈសេនីយ៍ឯក ស្រី យូរ៉ា មេបញ្ជាការរងអាវុធហត្ថខេត្ត និងជាប្រធានមន្ទីរស្រាវជ្រាវ និងយុត្តិធម៌។ ដឹកនាំសម្របសម្រួលនិតីវិធី ដោយលោកស្រី កញ្ញា ទីវ គឹមកល្យាណ ព្រះរាជអាជ្ញារងអមសាលាដំបូងខេត្តសៀមរាប បានចុះបង្ក្រាបករណីរក្សាទុកដឹកជញ្ជូន ឬ ជួញដូរដោយខុសច្បាប់ នូវសារធាតុញៀន ។
ករណីបង្ក្រាបនេះបានកើតឡើងនៅវេលាម៉ោង ១និង០០នាទី ថ្ងៃទី 25-ឧសភា-2014 នៅចំណុចសូនរាជដំណាក់ស្ថិតនៅក្នុងភូមិមណ្ឌល១ សង្កាត់ស្វាយដង្គំ ក្រុងសៀមរាប ខេត្តសៀមរាប និងបានឃាត់ខ្លួនមុខ សញ្ញាចាស់ចំនួន04នាក់ និងបានដកហូតនូវសម្ភារៈវត្ថុតាងបាន ម្ស៉ៅគ្រើមពណ៌សថ្លា (តម្រុយមេតំហ្វេតាមីន) ចំនួន 01កញ្ចប់ធំ ទម្ងន់101,45 ក្រាម កាំភ្លើងខ្លី 01 ដើមម៉ាក បេអាអាប់ ទូរស័ព្ទដៃ 07គ្រឿង នាទ្បិកា 01គ្រឿង ខ្សែដៃលោហៈធាតុពណ៌លឿង 01 ខ្សែករលោហៈធាតុ 02 ខ្សែបណ្តោង ខ្សែករលោហៈធាតុ 01 គ្រឿង កងដៃលោហៈធាតុពណ៌លឿង 08 កាបូបលុយ 02 និងប្រាក់រៀលចំនួន 200.000រៀល ម៉ូតូ 01 គ្រឿង ។
មុខសញ្ញាចាស់ទាំង04នាក់នោះ មានឈ្មោះ
១- ឈ្មោះ សេង រាម ភេទ ប្រុស អាយុ ៦១ ឆ្នាំ ជនជាតិ ខ្មែរ សញ្ជាតិ ខ្មែរ មុខរបរ ជាងឈើ ស្រុកកំណើត ភូមិ អាចារ្យលក្ខ័ណ្ឌ ស្រុកកំពង់ស្វាយ ខេត្តកំពង់ធំ បច្ចុប្បន្ន ស្នាក់នៅសង្កាត់ ស្ទឹងមានជ័យ ខ័ណ្ឌពោធិ៍សែនជ័យ រាជធានីភ្នំពេញ ធ្លាប់ជាប់ពន្ធនាគារ ៩ឆ្នាំ (ចាប់ខ្លួនថ្ងៃទី 02-05-05 ចេញថ្ងៃទី 28-02-2014) ពីបទឃាតកម្មនៅខេត្តសៀមរាប ។
២- ឈ្មោះ សួន សុខលី ភេទ ស្រី អាយុ២៩ ឆ្នាំ ជនជាតិ ខ្មែរ សញ្ជាតិ ខ្មែរ មុខរបរ មេផ្ទះ ស្រុកកំណើត ភូមិ ព្រៃតាមួច ឃុំស្នំក្រពើ ស្រុកកងពិសី ខេត្តកំពង់ស្ពឺ ។
បច្ចុប្បន្នស្នាក់នៅផ្ទះជួលភូមិខ្នារថ្មី សង្កាត់ជ្រាវ ក្រុងសៀមរាប ខេត្តសៀមរាប ។
៣- ឈ្មោះ សរ វណ្ណា ហៅ សរ សុផល ភេទ ប្រុស អាយុ៣១ ឆ្នាំ ជនជាតិ ខ្មែរ សញ្ជាតិ ខ្មែរ មុខរបរប រត់ម៉ូតូឌុប ស្រុកកំណើត ភូមិ បឹងដូនប៉ា ឃុំស្លក្រាម ស្រុកសៀមរាប ខេត្តសៀមរាប។
បច្ចុប្បន្នស្នាក់នៅផ្ទះជួលភូមិ បឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប។ ធ្លាប់ជាប់ពន្ធនាគារ ៨ឆ្នាំ (ចាប់ខ្លួនថ្ងៃទី 18-09-2005 ចេញថ្ងៃទី 09-2013) ពីបទឆ្លក់ប្លន់ ។
៤- ឈ្មោះ ដន វ៉ា ភេទ ប្រុស អាយុ៤៣ ឆ្នាំ ជនជាតិ ខ្មែរ សញ្ជាតិ ខ្មែរ មុខរបរ រត់ម៉ូតូឌុប ស្រុកកំណើត ភូមិ ជីរ៉ូ ឃុំជីរ៉ូ ស្រុកត្បូងឃ្មុំ ខេត្តកំពង់ចាម ។
បច្ចុប្បន្នស្នាក់នៅ ភូមិពេជ្រចង្វា ឃុំបឹងក្រាញ់ ស្រុកត្រាំកក់ ខេត្តតាកែវ ។ ធ្លាប់ជាប់ពន្ធនាគារ ចំនួន ៤ឆ្នាំ (ចាប់ខ្លួនថ្ងៃទី 10-12-09 ចេញថ្ងៃទី 14-06-13) ពីបទប្លន់់ប្រដាប់អាវុធ ។
បច្ចុប្បន្ន មុខសញ្ញាចាស់ទាំង ៤នាក់នេះ ត្រូវបានការិយាល័យជំនាញអាវុធហត្ថកសាងសំនុំរឿងបញ្ជូនទៅតុលាការ ៕