សៀមរាប៖ លោកតា អភ័ពម្នាក់ ដែលបានដេកឈឺនៅនកន្ទេល ធ្វើការមិនកើតត្រូវបានប្រពន្ធលួចរៀបការប្តីថ្មីនៅនឹងមុខ ។ លោកតាអភ័ពនេះមានឈ្មោះ ថា ព្រំដុន អាយុ៧៥ ឆ្នាំ មានកូនចំនួន៦នាក់ (មានប្តី ប្រពន្ធអស់ហើយ) ចំណែកឯប្រពន្ធ ដែលបានរៀបការប្តីថ្មីមានឈ្មោះ អ៊ឹម ភួន អាយុ ៥៨ឆ្នាំ ដោយសារប្តីដើមរបស់គាត់ឈឺធ្វើការងារ មិនកើតដេកនៅកន្ទេល ភរិយាជាប្រពន្ធក៏បានលួច ទាក់ទងស្ងាត់ៗជាមួយបុរសម្នាក់ឈ្មោះ សួន ឌឿន រស់នៅទល់មុខផ្ទះគ្នាដែលមានវ័យ ប្រហាក់ប្រហែលគ្នានោះជាច្រើនខែ មកហើយ ក៏សម្រេចចិត្តពីរនាក់ប្តីថ្មី និងបងប្អូនខាងប្តីថ្មីលួចទៅជួលភ្លេងការមេក្រូ មករៀបការប្តីនៅនឹងផ្ទះរបស់ខ្លួនខណៈប្តីដើមដេកឈឺដើរមិនរួច ហេតុការនេះបានកើតឡើងនៅថ្ងៃទី២៣ខែឧសភា ឆ្នាំ២០១៤ ឋិតនៅក្នុងភូមិអន្លង់វិល ឃុំគោកធ្លកក្រោម ស្រុកជីក្រែង ខេត្តសៀមរាប។
ចំណែកលោក ព្រុំ ដុន ជាប្តីដើម បានអោយដឹងថា«ប្តីប្រពន្ធគាត់ស្រឡាញ់គ្នាណាស់ ទោះបី្តប្រពន្ធគាត់ចាស់ៗក៏ដោយទើបតែប៉ុន្មានឆ្នាំចុងក្រោយនេះគាត់ ធ្លាក់ខ្លួនឈឺធ្វើការមិនកើត ហើយមិនដឹងជាប្រពន្ធរបស់គាត់លួច ទាក់ទងគ្នាតាំងពីពេលណាមកនោះទេ ទើបតែដល់ថ្ងទី២៣ ខែឧសភា ឆ្នាំ២០១៤ ស្រាប់តែដឹករោងការមកដាក់ផ្ទះ របស់គាត់ហើយពេលគាត់សួរគេថា ដឹកមកធ្វើអ្វីក៏គ្មានអ្នកណាឆ្លើយ លោក ព្រុំ ដុន បានបន្តទៀតថា ពេលគេចាក់ភ្លេងការគាត់ឆ្ងល់ក៏សួរទៅអ្នកចាក់ភ្លេង ហើយអ្នកចាក់ភ្លេងឆ្លើយថា គេរៀបការ ក្រោយមក (លោក ព្រុំ ដុន) គាត់ក៏ដឹងថាប្រពន្ធរបស់គាត់លួចរៀបការ ចំណែកគាត់ក៏មិនដឹងធ្វើយ៉ាងម៉េច ណាមួយខ្លួនឈឺទៀតថែម ឯកូនៗនៅឆ្ងាយ ដូច្នេះហើយក៏ទ្រាំទាំងទឹកភ្នែកទៅចុះ នេះជាកម្មគាត់» រីឯ ភរិយាជាប្រពន្ធមិនអាចសុំការបំភ្លឺបានទេ ព្រោះឃើញអ្នកកាសែតក៏រត់គេចខ្លួនបាត់ ។
លោក ជិន មេភូមិអន្លង់វិលបានអោយដឹងថា គាត់ក៏មិនដឹងថាពួកគេរៀបការដែរ ព្រោះមិនបានប្រាប់គាត់ ចំណែកលោក ជិប សាន មេភូមិគោកធ្លកក្រោម បាននិយាយស្រដៀងគ្នានឹងមេភូមិដែរថា ការរៀបការនេះមិនបានសុំច្បាប់អនុញ្ញានោះទេ គាត់លួចរៀបការស្ងាត់ៗ នេះជាអំពើខុសឆ្គងមួយដែលអសីលធម៌ និងប្រពៃណីទំនៀមទំលាប់ខ្មែរតាំងពីបុរាណកាលមក ហើយគេកម្រឃើញប្តីនៅនឹងមុខ លួចរៀបការប្តីថ្មីណាស់ ។
អ្នកស្រីម្នាក់ សុំមិនបញ្ចេញឈ្មោះ នឹងត្រូវជាបងថ្លៃខាងកូនកំលោះបានអោយដឹងថា ប្អូនប្រុសរបស់គាត់ (កូនកំលោះ) បានលួចស្រឡាញ់គ្នាយូរហើយ ខាងស្រីក៏លួចស្រឡាញ់វិញដែរ ដូច្នេះហើយទើបពួកគាត់សំរេចចិត្តរៀបការជាមួយគ្នា ណាមួយរៀបការហើយ ពួកគេទាំងពីរនាក់នឹងជួយចិញ្ចឹមមើលថែប្តីដើម ព្រោះគាត់ឈឺដើរទៅណាមិនរួច អ្នកស្រីបន្ត ទៀតថា ទោះបីជារៀបការមានច្បាប់ ឬមិនមានច្បាប់ ក៏វាមិនទាស់ខុសអ្វីដែរ ព្រោះពួកគាត់បានស្រឡាញ់គ្នាយូរហើយ ៕
