មណ្ឌលគិរី ៖ ឈើប្រណីតធ្នង់ខុសច្បាប់ប្រមាណជាង៤០០កំណាត់រួមទាំងរថយន្តធំៗចំនួន ៣គ្រឿងក្នុងនោះមានរថយន្តស្ទូច ១គ្រឿង និងរថយន្តបែនចំនួន២គ្រឿងផងដែរសុទ្ធតែមានបិទស្លាកសញ្ញារបស់ ក្រសួងអភិវឌ្ឍន៍ជនបទនៅលើកញ្ចក់ទៀតផង ដែលសមត្ថកិច្ចបានចុះបង្ក្រាបនៅឃុំសុខសាន្ត ស្រុកកោះញែក កាលពីថ្ងៃទី ២៩ ខែមេសា ឆ្នាំ២០១៤។
គេពុំ ទាន់ឃើញចំណាត់ការរបស់អាជ្ញាធរមានសមត្ថកិច្ចនៅក្នុងខេត្តមណ្ឌលគិរី រួមទាំងសមត្ថកិច្ច និងមន្ត្រីជំនាញស្រាវជ្រាវរកអ្នកជាប់ពាក់ព័ន្ធលើករណីល្មើសខាងលើ នោះនៅឡើយទេ។ លោក សួស ប៊ុនលី ប្រធានក្រុមប្រតិបត្តិការនគរបាលប្រឆាំងបទល្មើសសេដ្ឋកិច្ចប្រចាំ ខេត្តមណ្ឌលគិរីបានប្រាប់អ្នកយកព័ត៌មានយើងនៅព្រឹកថ្ងៃទី២ ខែឧសភា ឆ្នាំ២០១៤ នេះថា ការចុះបង្ក្រាបនៅទីតាំងបទល្មើសខាងលើនោះដោយមានការបញ្ជារផ្ទាល់ពី ឧត្តមសេនីយ៍ឯក ជា សុមេធី អគ្គស្នងការរងនគរបាលជាតិ និងជាប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ចបានដាក់ចេញ នូវបទបញ្ជាអោយបង្ក្រាបបទល្មើសអោយដូចភ្លៀងរលឹម។ រាល់ការអនុវត្តផែនការខាងលើនេះស្របតាមយុទ្ធសាស្ត្រ និងបទបញ្ជារបស់ប្រមុខរាជរដ្ឋាភិបាលនៃព្រះរាជាណាចក្រកម្ពុជា ។
លោក សួស ប៊ុនលីប្រធានក្រុមចុះប្រតិបត្តិការបង្ក្រាបបានប្រាប់ថា ឈើជាង ៤០០ កំណាត់រថយន្ត៣គ្រឿងមានបិទស្លាករបស់ក្រសួងអភិវឌ្ឍន៍ទាំងអស់ ក្នុងចំណោមរថយន្ត៣គ្រឿងមាន១គ្រឿងជារថយន្តសម្រាប់ស្ទូចពាក់ស្លាក លេខ 3B 6701 រថយន្តបែនចំនួន២គ្រឿង រថយន្តបែនទី១ ពាក់ស្លាកលេខ ភ្នំពេញ 3B 8888 និងរថយន្តទី២ ពាក់ស្លាកលេខ 3B 9999 បច្ចុប្បន្ន ឈើខុសច្បាប់ និងរថយន្តត្រូវបានប្រគល់ជូនផ្នែករដ្ឋបាលព្រៃឈើកោះញែក។
ដោយឡែក ឈើជាង៤០០កំណាត់នោះរហូតដល់ព្រឹកថ្ងៃទី ២ ខែឧសភា ឆ្នាំ២០១៤នោះត្រូវបានដឹកជញ្ជូនមករក្សាទុកបានចំនួន៣រថយន្តហើយ រីឯឈើនៅសល់ជំនាញកំពុងធ្វើការដឹកជញ្ជូនបន្ត។ ងាកមកស្តាប់មតិរបស់មហាជនបាននិងកំពុងរិះគន់ចំៗទៅលើថ្នាក់ដឹកនាំ ខេត្តមណ្ឌលគិរីថាអាជ្ញាធរមានសមត្ថកិច្ចតើអាចស្រាវជ្រាវរកឲ្យឃើញជ នដែលបានប្រព្រឹត្តក្នុងរឿងបទល្មើសនៅក្នុងស្រុកកោះញែកបាននោះដែរ ឬទេ? ឬមួយបទល្មើសដែលមាន ទ្រង់ទ្រាយធំនោះមានត្រូវដងត្រូវផ្លែគ្នាតាំងពីមូលដ្ឋានមកដល់ ថ្នាក់ខេត្តអស់ហើយបានជាស្ងាត់ឈឹងបែបនេះ។
ម្យ៉ាងវិញទៀតសូមជំនាញជួយស្រាវជ្រាវពិនិត្យរថយន្តបិទស្លាកសញ្ញា របស់ក្រសួងអភិវឌ្ឍន៍ ហើយសាកសួរលោក យន់ សារោមជាប្រធានមន្ទីរអភិវឌ្ឍន៍ជនបទខេត្តទេទើបដឹងរឿងនេះច្បាស់ ព្រោះគាត់ជាមន្ត្រីជំនាញក្នុងការត្រួតពិនិត្យរថយន្តបិទឡូហ្គោលើ រថយន្តនោះ។
រីឯប្រជាពលរដ្ឋទូទៅកំពុងនាំគ្នាសំដែងនូវការព្រួយបារម្ភ យ៉ាងខ្លាំងចំពោះបទល្មើសព្រៃឈើពេញនៅស្រុកកោះញែកឈ្មួញជញ្ជូនគ្រប់ ច្រកល្ហកគ្របរូបភាពជំនាញនៅស្រុកកោះញែកមានការស្ពឹកស្រពន់ខ្លាំង ណាស់ក្នុងស្រុកកោះញែកគឺមានលោក ឈួន សេរីវឌ្ឍន៍នាយកផ្នែករដ្ឋបាលព្រៃឈើកោះញែកជាអ្នកទទួលបន្ទុកផ្ទាល់។ ករណីកើតមានបទល្មើសគគ្រឹកគ្រេងទ្រង់ទ្រាយធំៗបែបនេះតើលោកនាយកផ្នែក រូបនេះមានបានដឹងដែរឬទេ ៕
