ខេត្ដបាត់ដំបង ៖ តំបន់អភិរក្សពូជត្រី ឡូត៍លេខ៩ត្រូវបំផ្លិចបំផ្លាញដោយក្រុមជនខិលខូចធ្វើសកម្មភាព ល្មើសច្បាប់ប្រើ ឧបករណ៍ឆក់និងទូករុញស៊ីប (ទូកប្រើ ម៉ាស៊ីនមានស្បៃមងរុញឬអូស) ជាច្រើន គ្រឿងដោយបានបង់ប្រាក់រហូតដល់ដើមខែឧសភា ឆ្នាំ២០១៤ ទាំងរដូវសម្រកនិង រដូវទឹកឡើងជូនលោក ព្រំ សុផៃ ប្រធាន សហគមន៍ និងលោក នឹម សោមនាយ សង្កាត់ជលផលព្រៃចាស់ ។
តាមប្រភព ពីប្រជានេសាទបានឱ្យដឹង ថា នៅចំណុចតំបន់អភិរក្សពូជត្រីឡូត៍ លេខ៩ក្នុងភូមិព្រៃចាស់ ឃុំបាក់ព្រាស្រុក ឯកភ្នំខេត្ដបាត់ដំបងមានបទល្មើសនេសាទ ដូចជាទូករុញស៊ីបក្នុង១យប់ចាប់ពី២ គ្រឿងទៅ៦គ្រឿងដោយក្រុមអ្នកនេសាទល្មើសច្បាប់នេះបានបង់ប្រាក់ជូន លោក ព្រំ សុផៃ ប្រធានសហគមន៍ និងលោក នឹម សោម នាយសង្កាត់ជលផលព្រៃ ចាស់ក្នុង១ទូក៣០ម៉ឺនរៀល ។ រីឯទូកប្រើ ឧបករណ៍ឆក់ក្នុង១ទូក១លានរៀលទៅ២លានរៀល ហើយ១យប់មានជាង២០ ទូក ។ ចំពោះការហ៊ុមកំបោ្លកនៅតំបន់ អភិរក្សឡូត៍លេខ៩ក្នុង១ហ៊ុមតម្លៃចាប់ ពី២លានរៀលរហូតដល់៤លានរៀល ។ ចំណែកការហ៊ុមកំបោ្លកនៅឡូត៍លេខ១០តាមស្ទឹងព្រៃចាស់មកដល់ស្ទឹង បាក់ព្រា ត្រូវឈ្មោះយ៉ម មុំ ជាអ្នក ដេញថ្លៃ១រដូវ ១លាន៥សែនរៀល ។ កំបោ្លកតាមស្ទឹង ព្រៃចាស់មកដល់ស្ទឹងបាក់ព្រាដោយ សារតែការចងហ៊ុមព័ទ្ធបណ្ដាលឱ្យមានការកកស្ទះដល់ប្រជាពលរដ្នធ្វើ ដំណើរ តាមទូកពីព្រៃចាស់ទៅបាក់ព្រាប្រើពេលកន្លះម៉ោង ។មេបទល្មើសរុញស៊ីបមាន ឈ្មោះ យូ ហាក់ ឈ្មោះយូ ហុង និងឈ្មោះ យូ ហួត ។ ឈ្មោះ ព្រំ សុផៃ ប្រធានសហ គមន៍ជាមេកញ្ច្រែងទិញត្រីពីពួកឆក់ ។
ទាក់ទិននឹងបទល្មើសខាងលើ លោក នឹម សោម នាយសង្កាត់ជល ផលព្រៃចាស់មិនពាក់ព័ន្ធ ករណីនេះលោក ជួង សុភា នាយខណ្ឌជលផលខេត្ដបាត់ដំបងបានឱ្យដឹងថា ជនប្រព្រឹត្ដបទល្មើសនេសាទនៅ តំបន់អភិរក្សខាងលើនេះកន្លងទៅត្រូវ បានចាប់ខ្លួនចំនួន ៤ នាក់ កសាងសំណុំរឿងបញ្ជូនទៅតុលាការហើយ ។ ចំណែក មន្ដ្រីពាក់ព័ន្ធមួយចំនួនលោកក៏បានហៅមកធ្វើកិច្ចសន្យាអប់រំ កែប្រែមិនឱ្យមានខុសឆ្គងទៀតទេត្រូវទទួលខុសត្រូវដោយខ្លួនឯង ៕