ខេ ត្ដកំពង់ចាម ៖ រថយន្ដយីឌុបមួយ គ្រឿងដឹកឈើប្រណីតប្រភេទធ្មង់ល្មើស ច្បាប់ជាង២០ម៉ែត្រគូប បង្កប់ក្រោមបាវ ដំឡូង ត្រូវបានចាប់បង្ក្រាបដោយនគរ បាលប្រឆាំងបទល្មើសសេដ្ឋកិច្ចខេត្ដកំពង់ចាម ។
ប្រតិបត្ដិការប ង្ក្រាបនេះ គឺធ្វើឡើង នៅម៉ោង៨ព្រឹក ថ្ងៃទី២ ខែឧសភា ឆ្នាំ ២០១៤ នៅចំណុចភូមិអូរធ្នង់ ឃុំអូរស្វាយ ស្រុកកំពង់សៀម ខេត្ដកំពង់ចាម នៅលើ កំណាត់ផ្លូវជាតិលេខ៧១ ត្រង់ចំណុចត្រើងទៅចំការលើ ។
លោក ហុង ណាក់ នាយការិយាល័យ នគរបាលប្រឆាំងបទល្មើសសេដ្ឋកិច្ចខេត្ដ កំពង់ចាម បានឱ្យដឹងថា រថយន្ដយីឌុប ខាងលើមានម៉ាកហ៊ីយ៉ាន់ដាយ ពណ៌ស លាយខៀវ គ្មានស្លាកលេខ ផ្ទុកឈើប្រណីត ប្រភេទធ្នង់ជាង២០ម៉ែត្រគូប ។ លោក បន្ដថា ក្នុងពេលប្រតិបត្ដិការ អ្នកបើកបរ រថយន្ដបានរត់គេចខ្លួនបាត់ នៅសល់ព្រូ រថយន្ដដែលត្រូវបានឃាត់ខ្លួនមកធ្វើ កំណត់ហេតុ ដែលមានឈ្មោះ សួង វុទ្ធី ភេទប្រុស អាយុ២៤ឆ្នាំ រស់នៅភូមិ ប្រម៉ាត់ដី ឃុំស្វាយទាប ស្រុកចំការលើ ខេត្ដកំពង់ចាម ។
បើតាមការ សារភាពឱ្យដឹងពីព្រូរថយន្ដ បានប្រាប់ថា ម្ចាស់រថយន្ដនិងម្ចាស់ឈើមានឈ្មោះ ម៉ាប់ រស់នៅភូមិ-ឃុំស្វាយទាប ស្រុកចំការលើ ខេត្ដកំពង់ចាម ។
ទាក់ទងនឹងករណី នេះ លោកឧត្ដម សេនីយ៍ត្រី បែន រ័ត្ន ស្នងការនគរបាល ខេត្ដកំពង់ចាម បានឱ្យដឹងថា ក្រោយពី មានសេចក្ដីរាយការណ៍ពីបងប្អូនប្រជា ពលរដ្ឋថា មានករណីលួចដឹកជញ្ជូនឈើ ប្រណីត(ធ្នង់)ឆ្លងកាត់ភូមិសាស្ដ្រខេត្ដ ខុសច្បាប់រួចមក លោកក៏បានរាយការណ៍ និងសុំការអនុញ្ញាតពីលោក លន់ លឹមថៃ អភិបាលនៃគណៈអភិបាលខេត្ដកំពង់ចាម និងបានប្រើវិធានការដោយបានដាក់បទ បញ្ជាឱ្យកម្លាំងនគរបាលជំនាញសេដ្ឋកិច្ច ចុះស្រាវជ្រាវស៊ើបអង្កេតរហូតធ្វើការ បង្ក្រាបបានជាក់ស្ដែង ។ ក្រោយការចាប់ បង្ក្រាបជាក់ស្ដែងរួច លោកក៏បានសុំគោល ការណ៍ពីលោកអភិបាលខេត្ដ និងព្រះរាជ អាជ្ញាអមសាលាដំបូង លោក ហួត វុទ្ធី ម្ដងទៀតដើម្បីឃាត់យកមកបន្ដនីតិិវិធី ច្បាប់ ។លោកឧត្ដមសេនីយ៍ ស្នងការបានបន្ដ ថា ឥឡូវនេះ រថយន្ដដឹកបទល្មើសឈើ ប្រណីតខាងលើនេះត្រូវបានយកមកកាន់ ស្នងការដ្ឋាននគរបាលខេត្ដ រង់ចាំធ្វើកំណត់ ហេតុរួចរាល់ ទើបប្រគល់ជូនទៅជំនាញ រដ្ឋបាលព្រៃឈើជាក្រោយ ៕
