អង្គភាព ប្រឆាំងអំពើពុករលួយ បានធ្វើការចាប់ខ្លួនលោកសោម អ៊ុំមុនីរ៉ា ប្រធាន មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តតាកែវ ទាក់ទងទៅនិង ការប្រព្រឹត្ត អំពើពុករលួយកឹបកេងថវិការដ្ឋ ប្រាក់ខែរបស់អតីតយុទ្ធជន ប្រាក់ឧបត្ថម្ភ គោល នយោបាយ ររបស់យុវកុមារ និងកឹបកេងប្រាក់បេសកកម្មមន្ត្រីក្រោមឱវាទ ដែលសរុបជាទឹកប្រាក់អស់ ប្រមាណជិត ៤៥០លានរៀល។
ការចាប់ខ្លួននេះបានធ្វើឡើង កាលពីថ្ងៃទី២៩ ខែមេសា និងបញ្ជូនទៅកាន់សាលាដំបូងខេត្តតាកែវ កាលពីថ្ងៃទី៣០ ខែមេសា ឆ្នាំ២០១៤ ដើម្បីចាត់ការតាមនីតិវិធីច្បាប់។
ប្រភពច្បាស់ការណ៍បានប្រាប់អ្នកសារព័ត៌មាន ឲ្យដឹងថា លោកសោម អ៊ុំមុនីរ៉ា ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តតាកែវ ដែលអង្គភាពប្រឆាំងអំពើពុករលួយ បានចាប់ខ្លួនបញ្ជូនទៅកាន់តុលាការ គឺជាប់ព័ន្ធពាក់ការប្រព្រឹត្តអំពើពុករលួយ មានចំនួន ៥ បទល្មើស ៕