កណ្តាល ៖ បច្ចុប្បន្ន នៅតាមដងផ្លូវជាតិ នៅទូទាំងខេត្តកណ្តាល គេសង្កេត ឃើញមានមន្ត្រីកងរាជអាវុធហត្ថ ដាក់ កម្លាំ ងតាមបណ្តាផ្លូវជាតិ ចាំស្ទាក់ ចាប់ឃាត់រថយន្តដឹកជញ្ជូនទំនិញ គ្រប់ ប្រ ភេទរបស់ប្រជាពលរដ្ឋ ជំរិតទារ យកលុយ ដោយមិនឱ្យរបូតមួយគ្រឿង ណាឡើយ ។
ប្រភពពីមន្ត្រីអាវុធហត្ថ តូចតាច ដែលមិនបានទទួលផលពីការ ដាក់ប៉ុស្តិ៍សុំលាក់ឈ្មោះ បានបង្ហើប ប្រាប់ឱ្យដឹងថាក្រុមមន្ត្រី កងរាជអាវុធ ហត្ថ ដែលដាក់ប៉ុស្តិ៍ចល័តតាមបណ្តា ផ្លូវជាតិ នៅខេត្តកណ្តាលដឹកនាំដោយ លោករស់ សារិន និងលោក អ៊ុំ ឡេង ជាមនុស្សជំនិតរបស់លោក មាស សុវណ្ណ មេបញ្ជាការកងរាជអាវុធហត្ថ ខេត្តកណ្តាល កំពុងធ្វើឱ្យប្រជាពលរដ្ឋ រិះគន់យ៉ាងខ្លាំង ពិសេសគឺពលរដ្ឋរកស៊ី ដឹកជញ្ចូនទំនិញតាមរថយន្ត ។
ពួក គាត់បានត្អូញត្អែរថាៈ គាត់រកស៊ីដឹក ទំនិញបន្តិចបន្តួច សុទ្ធតែជាទំនិញស្រប ច្បាប់ ដូចជាពោត សណ្តែក ត្រសក់ ល្ពៅ ល្ហុង និងគ្រឿងឱ្យបភោគ បរិភោគ ផ្សេងៗ៘ ដឹកឆ្លងកាត់តាមផ្លូវជាតិ ក្នុងទឹកដីខេត្តកណ្តាល គឺមានក្រុមប៉េ អឹមបើកឡានប្រដេញស្ទាក់ចាប់ ទារ លុយយ៉ាងចាស់ដៃ ដោយគ្មានការអនុ គ្រោះយោគយល់អ្វីឡើយ បើទោះបី ជាមានការអង្វរយ៉ាងណាក៏ដោយ ។
ប្រភពបន្តថាៈ ការរកស៊ីសព្វថ្ងៃបាន ចំណេញតិចតួច គ្រាន់តែបង់លុយទៅ ឱ្យក្រុមសមត្ថកិច្ចគ្រប់ជំនាញ ពិសេស ខាងសមត្ថកិច្ចប៉េអឹម ខេត្តកណ្តាលនេះ តែម្តង ។ ប្រជាពលរដ្ឋបានសំដែងការ ថ្នាំងថ្នាក់ចិត្តជាខ្លាំង ចំពោះសកម្មភាព របស់ក្រុមប៉េអឹម ដែលបង្កការលំបាក ដល់ការរកស៊ីរបស់ពួកគាត់ ប៉ុន្តែពួកគេ (ប៉េអឹម) ពុំដែលចាប់ឃាត់ឬបង្ក្រាប រថយន្តរបស់ក្រុមឈ្មួញធំៗ ដឹកជញ្ជូន ទំនិញខុសច្បាប់ ឬទំនិញគេចពន្ធដែល ចរាចរឆ្លងកាត់ ក្នុងទឹកដីខេត្តកណ្តាល ទាំងយប់ទាំងថ្ងៃឡើងខូចផ្លូវ និងស្ពាន អស់ហើយបានម្តងណាទេ ។
ប្រជាពលរដ្ឋបានសំណូមពរ ដល់អស់លោក ថ្នាក់ដឹកនាំខេត្ត ជាពិសេសលោក មាស សុវណ្ណ មេបញ្ជាការកងរាជអាវុធ ហត្ថខេត្តកណ្តាល មេត្តាត្រួតពិនិត្យ មើលពីសកម្មភាពរបស់លោក រស់ សារិទ្ធ និងលោក អ៊ុំ ឡេង ដែលជា មន្ត្រីអាវុធហត្ថមានមុខ និងកណ្តាប់ដៃ ខ្លាំងខាងគាបជំរិតទារលុយ ពីឡានដឹក ទំនិញ របស់ប្រជាពលរដ្ឋតាមដងផ្លូវ នេះផងទាន! ៕