ភ្នំពេញ ៖ លោក លឹម គានហោ រដ្ឋមន្ត្រីក្រសួងធនធានទឹក និងឧត្តុនិយម ត្រូវបានមន្ត្រីរាជការដែលកំពុង បំរើការងារ និយាយ ដើមជា លើកដំបូងអំពីចំណាត់ការការងាររួមទាំងចំណូល ចំណាយក្នុងគម្រោងថា មានភាពមិនប្រក្រតី បង្កការមន្ទិល និង សង្ស័យ ដែលទាមទារឲ្យមានការត្រួតពិនិត្យពីស្ថាប័នមានសមត្តកិច្ច ។ មន្ត្រីថ្នាក់កណ្តាលមួយរូបបាននិយាយថាចំណាត់ ការ ងាររបស់លោករដ្ឋមន្ត្រិគឺធ្វើតាមរបៀបបក្ខពួក គ្រួសារនិងបញ្ហាចំណូលចំណាយលើគម្រោងមួយចំនួនក្នុងក្រសួងធនធានទឹក និងឧត្តុនិយមកំពុងរងនូវការរិះគន់ មិនមានប្រសិទ្ធិភាពនិងមានប្រសិទ្ធិផល ។
មន្ត្រីខាងលើបានលើកឡើងថាជាធម្មតាក្រសួងមួយនេះមើលទៅហាក់បីដូចជា ស្ងប់ស្ងាត់ល្អមិនមានបញ្ហា អសកម្មមួយ កើត ឡើងនោះទេ ។ ប៉ុន្តែសម្រាប់ផ្ទៃក្នុងវិញមន្ត្រីរាជការកំពុងតែមានការពុះកញ្ជ្រោល នឹងចំណាត់ការការងារ ដែលគេមើលឃើញ ថា លោករដ្ឋមន្ត្រី លឹម គានហោ បាននិងកំពុងប្រើប្រាស់មន្ត្រីដែលជាបក្សពួករបស់លោកចុះបំពេញការងារលើ គោលដៅ ឬ គម្រោងមួយចំនួនដែលអាចរកប្រភពចំណូលបានខណដែលមន្ត្រីដែល គ្មានខ្សែត្រូវគេធីបចោលឲ្យអង្គុយចាំតែប៊ុយរ៉ូ បើក ប្រាក់ ខែ ប៉ុណ្ណោះ ។
មន្ត្រីខាងលើបានឲ្យដឹងទៀតថាបាតុភាពមួយចំនួនទៀតបានលេចឡើងជា បន្តបន្ទាប់លើការអនុវត្តគម្រោង ស្ថាបនា ប្រព័ន្ធ ធារាសាស្ត្រដែលមិនមាន គុណភាពប្រសិទ្ធិភាពឬធ្វើឡើងឲ្យតែឃើញជារូបភាពបំពេញគម្រោង ថ្នាក់លើ ប៉ុន្តែប្រើប្រាស់មិន បានផ្តល់ផលប្រយោជន៍ ។ ជាក់ស្តែងប្រព័ន្ធធារារាស្ត្រប្រឡាយទឹកធំៗ មួយចំនួនធ្វើរួចហើយ ហើយប្រើប្រាស់ទទួល បាន ប្រសិទ្ធិភាពតែមួយរយះពេលខ្លីប៉ុណ្ណោះ ។ បច្ចុប្បន្នទុកចោលមិនអាចប្រើប្រាស់បានបញ្ហានោះមិនមែនមកពីកង្វះខាត ផ្នែក មន្ត្រីជំនាញបច្ចេកទេសនោះទេ ប៉ុន្តែគេជឿថាដោយសារមានការកិបកេងថវិកាពីគម្រោងស្ថាបនា ។
ប្រភពពត៌មានផ្សេងទៀតបានលើកឡើងថា រហូតមកដល់ពេលនេះសំណង់ធារារាស្ត្រ មួយចំនួនក្នុងទូទាំងប្រទេស មិនអាច ដំណើរ ការបានដោយប្រសិទ្ធិភាពនោះទេ ។ ជាក់ស្តែងគម្រោងធារាសាស្ត្រនៅក្នងខេត្តព្រះវិហ៊ារធ្វើហើយប្រើមិនកើត។ ដូច្នេះហើយទើបវិស័យកសិកម្មតាមមូលដ្ឋានភាគច្រើនប្រឈមនឹងកង្វះ ទឹក ។
ប្រភពនោះថែមទាំងបញ្ជាក់ថា លោករដ្ឋមន្ត្រីចូលចិត្តប្រើ រូបភាពច្រើនតាមរយះសារពត៌មាន ចុះផ្សាយអំពី សកម្មភាព ភាព ការ ងារ ដើម្បី បង្អួតសាធារណជនសំខាន់ថ្នាក់ដឹកនាំ ហើយរបៀបរបបនោះ គេគិតថាអាចធ្វើជាខែលបិទបាំងភាព មិន ប្រក្រតី នៃការងារ ក្នុងក្រសួងមួយនេះផងដែរ ៕