ខេតត្ដមណ្ឌលគិរី ៖ ឈើប្រណីតប្រភេទធ្នង់ប្រមាណជិត២០០កំណាត់ ត្រូវបានសមត្ថកិច្ចចម្រុះចាប់បង្ក្រាបបាន ស្ថិតនៅចំណុចភូមិអន្ដ្រង ឃុំពូជ្រៃ ស្រុក ពេជ្រាដា កាលពីថ្ងៃទី២៥ ខែកុម្ភៈ ឆ្នាំ២០១៤ ហើយរហូតមកដល់ថ្ងៃទី២៧ កុម្ភៈកំណាត់ឈើប្រណីតទាំងនោះត្រូវ បានដឹកជញ្ជូនយកទៅរក្សាទុករួចរាល់ អស់ហើយនៅផ្នែករដ្ឋបាលព្រៃឈើស្រុកកែវសីមា ។
ប្រភព បានឱ្យដឹងថា កំណាត់ឈើ ប្រណីតដែលសមត្ថកិច្ចចាប់បង្ក្រាប បាននោះ គឺក្រុមឈ្មួញត្រៀមដឹកយក ទៅខេត្ដក្រចេះរួចបន្ដយកទៅលក់ឱ្យថៅកែវៀតណាមតាមព្រំដែនស្រុក ស្នួល ។
ការដឹក ជញ្ជូនឈើប្រណីតនេះទៀត សោតត្រូវបានប្រភពបញ្ជាក់ថា មាន ជារៀងរាល់ថ្ងៃដោយក្នុងមួយថ្ងៃៗមាន រទេះគោរថយន្ដធុនធំប្រភេទដំរីទឹកនិង បង្កង ដឹកបន្ដកន្ទុយគ្នារាប់រយម៉ែត្រគូប ទៅលក់ឆ្លងដែន ដោយឆ្លងកាត់ពីខេត្ដ មណ្ឌលគិរី ចូលទៅខេត្ដក្រចេះ ជាពិសេស ផ្លូវព្រំប្រទល់ស្រុកស្នួល ស្រុកចិត្របុរី របស់ខេត្ដក្រចេះ ដែលជាប់ជាមួយ ស្រុកកែវសីមា ស្រុកអូររាំង ស្រុក ពេជ្រាដា និងស្រុកកោះញែករបស់ ខេត្ដមណ្ឌលគិរី ។
សេចក្ដីរាយការណ៍មួយក៏បានបង្ហើបឱ្យដឹងដែរថា ចំពោះការចាប់បង្ក្រាប ឈើប្រណីត ខាងលើនេះ គឺមកពីចរ ចាលើតម្លៃរត់ការមិនត្រូវគ្នាទើបឈាន ទៅដល់ការ ចាប់បង្ក្រាបជាទ្រង់ទ្រាយធំ បែបនេះ ។ ព្រោះ ដ្បិតជំនួញ ឈើប្រណីត ឆ្លងដែននេះ កើតមានជារៀងរាល់ថ្ងៃពុំមានសមត្ថ កិច្ច ឬមន្ដ្រីជំនាញ ណាបើកភ្នែកចុះចាប់ នោះទេ ប្រហែលជាត្រូវរ៉ូវគ្នាក្នុងសំណូក ណាមួយក៏មិនដឹង។ ក្នុងនោះប្រជាពល រដ្ឋនិងមន្ដ្រីរាជការបានលើកឡើងថា ប្រសិនបើស្ថាប័នពាក់ព័ន្ធនានានៅតែ បណ្ដោយឱ្យបទល្មើសព្រៃឈើកើតមានជា រៀងរាល់ថ្ងៃបែបនេះ មិនយូរឡើយព្រៃ ឈើធម្មជាតិក៏ដូចជាសត្វព្រៃនឹងទទួល រងនូវវិនាសកម្មបាត់បង់ក្នុងពេលដ៏ខ្លី ឆាប់ៗខាងមុខនេះ ។ ដូច្នេះ ហើយប្រជាពលរដ្ឋបានធ្វើការ សំណូមពរដល់អាជ្ញាធរ ពាក់ព័ន្ធមេត្ដា ជួយពិនិត្យឡើងវិញនូវបញ្ហានេះ ដើម្បីឱ្យកូនចៅជំនាន់ក្រោយបាន ស្គាល់ព្រៃឈើ ប្រណីតនិងសត្វព្រៃកម្រផង ៕