ខេត្តបន្ទាយមានជ័យ ៖ លោក នេត សេរី អគ្គកុងស៊ុល កម្ពុជា ប្រចាំខេត្តស្រះកែវ ប្រទេសថៃ ប្រាប់ គេហ ទំព័រ ក្នុង ស្រុកកាលពី ព្រលប់ថ្ងៃទី២៧ ខែកុម្ភៈថា សពពលករខ្មែរ៧នាក់ ដែលស្លាប់ដោយគ្រោះថ្នាក់ បាក់ពិដាន ការដ្ឋាន អគារមន្ទីរពេទ្យ១ នៅស្រុក បាងភី ខេត្តសាមុតប្រាកាន ប្រទេសថៃ កាលពីម៉ោង១១ និង៣០នាទីថ្ងៃត្រង់ ថ្ងៃទី២៤ ខែកុម្ភៈ ២០១៤កន្លងមក ស្ថានអគ្គកុងស៊ុលសហការ ជាមួយ អាជ្ញាធរមានសមត្ថកិច្ចថៃ និងចាត់បញ្ជូន សាកសព ពួកគេ មកដល់ច្រក ទ្វារអន្តរជាតិប៉ោយប៉ែត នៅយប់ថ្ងៃទី២៧ កុម្ភៈនេះ។
នៅច្រកទ្វារអន្តរជាតិប៉ោយប៉ែត គេឃើញមន្ត្រីសមត្ថកិច្ចកងកម្លាំងពាក់ព័ន្ធ បានរងចាំការបញ្ជូនត្រឡប់សព ពលករ ខ្មែរទាំងនោះ។
សពទាំង៧ នាក់មានឈ្មោះ ១.ឈ្មោះ ឈិន រុំ ភេទប្រុស អាយុ៣០ឆ្នាំ ២.ឈ្មោះ ស្តែង រ៉ាន់ ភេទប្រុស អាយុ៣០ឆ្នាំ ៣.ឈ្មោះ អ៊ុន ឌីម ភេទប្រុស អាយុ២២ឆ្នាំ ៤.ឈ្មោះ ឌៀក ភេទប្រុស អាយុ៤០ឆ្នាំ ៥.ឈ្មោះ ឃុន ពិចិត្ត ភេទស្រី អាយុ៣២ឆ្នាំ ៦.ឈ្មោះ ណាន ភេទស្រី អាយុ១៨ឆ្នាំ ៧.ឈ្មោះ នាង ភេទស្រី អាយុ៣២ឆ្នាំនេះ ការប្រថុយ ប្រថានសំរាប់ប្រជាពលរដ្ឋខ្មែរដើម្បីក្រពះ ៕