ខេត្តបៃ៉លិន ៖ ប្រភពព័ត៌មានពីមន្ត្រីប្រចាំ ច្រកព្រំដែនភាគពាយ័ព្យ បានឱ្យ ដឹងថា ឧកញា ស៊ិន ឃីម គឺជាអ្នក ទទួលខុសត្រូវក្នុងការនាំចូល ប្រេង សាំងមកពីស្រុកសៀម ទៅតាមសំណើពិសេសមួយដែលមានការឯកភាពពីអភិបាលខេត្តប៉ៃលិន ឱ្យយកមកប្រើប្រាស់ នៅ តាមតំបន់ព្រំដែន។ប៉ុន្តែជាក់ ស្តែងឧកញ៉ា ស៊ិន ឃីមបានឡេះលួច នាំចូលប្រេងលើសចំនួនកំណត់ ម្តងៗរាប់រយតោនឯណោះ ដោយមានកាឃុបឃិតជាមួយជំនាញគយរបស់លោក លឹម សម្បត្តិទើបគ្មានការ ត្រួតពិនិត្យ ឬទប់ស្កាត់ពីបញ្ហានេះ ម្តងណាឡើយ ។
ប្រភពបានឲ្យដឹងថាជាគោលការណ៍ឧកញ៉ាស៊ិនឃីមទទួលបានការអនុញ្ញាតជាពិសេសពីអភិបាលខេ ត្តប៉ៃលិនឱ្យនាំចូលប្រេងសាំងមកប្រើប្រាស់ឬចែកចាយតែក្នុង បរិវេណ ទឹកដីខេត្តប៉ៃលិន ប៉ុណ្ណោះ ក្នុងចំនួនកំណត់មួយ។ ប៉ុន្តែឧកញ៉ា ស៊ិន ឃីម ក៏បានឃុបឃិតផ្តល់ផលប្រយោជន៍ឱ្យជំនាញគយនិងសមត្ថកិច្ចពាក់ព័ន្ធទើប អាចនាំចូលប្រេងសាំងពីស្រុកសៀម តាមខេត្តប៉ៃលិនលើសចំនួនកំណត់ម្តងៗរាប់រយតោនហើយបន្ត យកទៅលក់ចែកចាយដល់បណ្តាស្រុកមួយចំនួន លើទឹកដីខេត្តបាត់ដំបង ដូចជាស្រុកកំរៀង និងស្រុកភ្នំព្រឹកជាដើម ។
គេមិនដឹងថាជំនាញគយប្រចាំច្រកព្រំ របស់លោក លឹម សម្បត្តិ និងប្រធានសាខាគយ ខេត្តប៉ៃលិន លោក អ៊ុកវណ្ណច័ន្ទ ទទួលបានផលប្រយោជន៍ពីជំនួញប្រេងសាំងគេចពន្ធរបស់ឧកញ៉ា ស៊ិន ឃីម ប៉ុន្មាននោះទេ ក្នុងមួយខែៗទេ ។ ព្រោះគ្រាន់តែមេគយចល័តម្នាក់ ដែលគ្រាន់តែបិទភ្នែកមើលមិនឃើញការរត់ពន្ធប្រេងសាំងរបស់ឧកញ៉ា ស៊ិន ឃីម ទទួលបានរបបប្រចាំខែមិនតិចជាង៤ម៉ឺនដុល្លារនោះទេ? ។
ប្រភពព័ត៌មានខ្លះបានលើកឡើងថា ឧកញ៉ា ស៊ិន ឃីម ប្រកបអាជីពនាំចូលប្រេងសាំងគេចពន្ធ ហើយបើបង់ពន្ធវិញយ៉ាងច្រើន បំផុតត្រឹម ៦០ ភាគរយប៉ុណ្ណោះ ។ ដោយសារដឹងថា ឧកញ៉ា ស៊ិន ឃីម ចំណេញកប់ក្តោងពីមុខរបរលួចនាំប្រេង គេចពន្ធ បែប នេះ ប្រជាពលរដ្ឋប៉ៃលិននិយាយថាគេចង់ឃើញអគ្គនាយកដ្ឋានគយនិងរដ្ឋាករពិសេសប៉ូលិសសេដ្ឋកិច្ចពិនិត្យមើល ឡើង វិញ អំពីបែបបទដែលឧកញ៉ា ស៊ិន ឃីម នាំចូលប្រេងសាំងមកពីស្រុកសៀម យកមកលក់ចែកចាយក្នុងខេត្តប៉ៃលិន និងបន្ត ដល់ បណ្តា ស្រុកមួយ ចំនួន ក្នុងខេត្តបាត់ដំបង ព្រោះបានធ្វើឱ្យខាតបង់ចំណូលថ វិកាជាតិយ៉ាងច្រើនសន្ធឹក សន្ធាប់ក្នុង មួយ ខែៗ ដែលគេជឿថាប្រាក់ទាំងនេះភាគច្រើនបានហូរ ចូលហោប៉ៅ លោក លឹម សម្បត្តិ និងលោក អ៊ុក វណ្ណច័ន្ទមន្ត្រីគយ ។
សូមបញ្ជាក់ថា ក្រៅពីជំនួញនាំចូលប្រេងសាំងបង់ពន្ធមិនគ្រប់ឧកញ៉ា ស៊ិន ឃីម គឺជាមេការគ្រប់គ្រងកាស៊ីណូ ដល់ទៅពីរ បី កន្លែងតាមតំបន់ព្រំដែន ហើយពេលខ្លះទៀត ឧកញ៉ា ស៊ិន ឃីម បានយកឈ្មោះជំទាវបានស្រីមុំអ្នកតំណាង រាស្ត្រនិងជាភរិយា អភិបាលខេត្តប៉ៃលិន ទៅប្រើប្រាស់ក្នុងការបំភិតបំភ័យគំរាមកំហែងមន្ត្រីនិងសមត្ថកិច្ច មួយចំនួនមិនឱ្យរំខាន ជំនួញរកស៊ី មិន ស្របច្បាប់របស់ខ្លួនផងដែរ ។
ជុំវិញបញ្ហា នេះគេមិនច្បាស់ទេថាតើឧកញ៉ាស៊ិនឃីមមានទំនាក់ទំនងអ្វីពិសេសជាមួយលោក ស្រី បាន ស្រីមុំ ដែល ជាស្ត្រីដ៏ ល្បីល្បាញធ្លាប់ប្រឡូកក្នុងការរកស៊ីដឹកជញ្ជូនទំនិញ បង់ពន្ធមិនគ្រប់តាមខេត្តប៉ៃលិននោះទេ ប៉ុន្តែជាញឹកញាប់ គេមិនដែល ឃើញលោកជំទាវ បាន ស្រីមុំ មានប្រតិកម្មចំពោះរឿងដែលឧកញ៉ា ស៊ិន ឃីម យកឈ្មោះរបស់គាត់ ទៅប្រើ ប្រាស់នោះទេ ធ្វើឱ្យគ្រប់ៗគ្នាសង្ស័យថាជំនួញរកស៊ីនាំចូលប្រេងសាំងបង់ពន្ធមិនគ្រប់របស់ឧកញ៉ាស៊ិ នឃីម ទំនងជា មានភាគហ៊ុន របស់ ភរិយា អភិបាលខេត្តប៉ៃលិន ហើយបានជាអាជ្ញាធរខេត្តនិងសមត្តកិច្ចជំនាញសំងំឈឹងចឹងនោះ ករណីទាំងអស់ ខាងលើនេះ អ្នកសារព័ត៏មានយើងមិនអាចសូមការទំនាក់ទំនងបាននោះទេ ៕
