សន្និបាតបូកសរុប វាយតម្លៃអំពី សមិទ្ធផលបញ្ហាប្រឈមមុខ និងដំណោះស្រាយសម្រាប់កំណត់ទិស ដៅការងារសម្រាប់ ឆ្នាំ ២០១៤ លើកិច្ចសំខាន់ៗចំនួន៣គឺ ទី១-កិច្ចការគ្រប់ វិស័យដែលស្ថិតក្នុងសមត្ថកិច្ច និងការ ទទួលខុសត្រូវរបស់ ក្រសួង មហា ផ្ទៃ ទី២-ចលនាប្រឡងប្រណាំងអនុវត្ដ គោលនយោបាយភូមិ-ឃុំមានសុវត្ដិ ភាព និងទី៣-ការងារប្រឆាំងការ ជួញដូរមនុស្ស ការរត់ពន្ធមនុស្ស ការជួញដូរ ពលកម្ម និងការធ្វើអាជីកម្មផ្លូវភេទលើស្ដ្រី និងកុមារ (ប.ជ.រ.ព.ភ)។
សុន្ទរកថា របស់លោកឧបនាយករដ្ឋមន្ដ្រី ស ខេង ក៏បានលើឡើងឱ្យថា ក្នុង នាមថ្នាក់ដឹកនាំក្រសួងមហាផ្ទៃ លោក ឧបនាយករដ្ឋមន្ដ្រីនិងជារដ្ឋមន្ដ្រីក្រសួង មហាផ្ទៃក៏បានសម្ដែងនូវការកោត សរសើរនិងវាយតម្លៃខ្ពស់ចំពោះថ្នាក់នាំ និងមន្ដ្រីគ្រប់លំដាប់ថ្នាក់ទាំងនគរបាល ជាតិ រដ្ឋបាលស៊ីវិល នៃក្រសួងមហាផ្ទៃ និងអាជ្ញាធរគ្រប់លំដាប់ថ្នាក់នៃរដ្ឋបាលថ្នាក់ក្រោមជាតិ ក្រសួង ស្ថាប័ននានា ព្រមទាំងអ្នកពាក់ព័ន្ធទាំងអស់ដែលបាន ធ្វើការប្ដេជ្ញាចិត្ដការចូលរួមចំណែកនិងការផ្ដល់កិច្ចសហការយ៉ាង សកម្ម ធ្វើឱ្យ ក្រសួងមហាផ្ទៃសម្រេចបាននូវសមិទ្ធ ផលនានាជាច្រើនលើកិច្ចការសំខាន់ៗ ទាំងបី ដែលជារបៀបវារៈនៃសន្និបាត របស់យើងនាពេលនេះ ។
សន្ទរក ថារបស់ឧបនាយករដ្ឋមន្ដ្រី ស ខេង ក៏បានសង្កត់ធ្ងន់ថា ដូច្នេះយើង អាចកំណត់បានថាទំហំនៃបទល្មើសមាន ប្រហាក់ប្រហែលឆ្នាំ២០១២ ទោះបីជា មានកំណើនប្រជាជនការកើនឡើងនៃ សកម្មភាពនានាក្នុងសង្គម រួមនឹងសកម្មភាព នៃយុទ្ធនាការឃោសនាបោះឆ្នោត ជាតិ ការធ្វើបាតុកម្ម កូដកម្ម និងការ ទាមទារតវ៉ានានា មានការកើនឡើង យ៉ាងណាក្ដី។
នេះជាសមិទ្ធផល និងជា ជោគជ័យដ៏ធំធេងរបស់កងកម្លាំងនគរ បាលជាតិរបស់យើង ក្នុងបេសកកម្មដ៏ ថ្លៃថ្លាក្នុងការថែរក្សា ពង្រឹងសន្ដិភាព ស្ថិរភាព សន្ដិសុខ និងសណ្ដាប់ធ្នាប់ របៀបរាបរយក្នុងសង្គមទាំងមូល ។សន្ទរក ថាដដែលបន្ដបញ្ជាក់ បន្ថែមឱ្យដឹងទៀតថា យុទ្ធសាស្ដ្រចតុកោណ ដំណាក់កាលទី៣ គឺជារបៀបវារៈគោល នយោបាយកំណែទម្រង់ស៊ីជម្រៅរបស់ រាជរដ្ឋាភិបាល ដើម្បីនាំមកនូវវឌ្ឍន ភាពសង្គមលើគ្រប់វិស័យក្នុងរយៈពេល៥ឆ្នាំខាងមុខនេះ។ ដោយសារឆ្នាំ២០១៤ នេះ ជាឆ្នាំចាប់ផ្ដើមដ៏សំខាន់ដែលអង្គ ភាពនានាចំណុះទីស្ដីការក្រសួងមហាផ្ទៃធ្វើការរៀបចំផែនកាសកម្មភាព ដើម្បី អនុវត្ដកម្មវិធីនយោបាយ និងយុទ្ធសាស្ដ្រ ចតុកោណដំណាក់កាលទី៣របស់រាជរដ្ឋា ភិបាលកម្ពុជា។
ឧបនាយរដ្ឋមន្ដ្រី និងជា រដ្ឋមន្ដ្រីក្រសួងមហាផ្ទៃលោក ស ខេង ក៏បានផ្ដាំផ្ញើដល់សមាជិនៃអង្គសន្និបាតថា ក្នុងកិច្ចដំណើរការសន្និបាតរយៈពេល២ ថ្ងៃកន្លះនេះដែលជាអ្នកទទួលខុសត្រូវ ទាំងផ្នែករដ្ឋបាលស៊ីវិល នគរបាលជាតិ រដ្ឋបាលថ្នាកក្រោមជាតិ និងអ្នកពាក់ ព័ន្ធទាំងអស់ត្រូវផ្អែកសេចក្ដីព្រាងរបាយការណ៍ដែលបានផ្សព្វផ្សាយ ចែកជូនក្នុងអង្គសន្និបាតនេះ ខិតខំរួមគ្នាធ្វើការវាយ តម្លៃអំពីបទពិសោធន៏នៃសមិទ្ធផល ដែលសម្រេចបានបញ្ហាប្រឈមមូល ហេតុនៃបញ្ហាប្រឈមនិងជម្រើសនានា សម្រាប់ជាដំណោះស្រាយសម្រាប់ជាមូល ដ្ឋានលើកកម្ពស់ប្រសិទ្ធភាពក្នុងការអនុវត្ដទិសដៅ និងភារកិច្ចឆ្នាំ២០១៤នេះ និងជាមូលដ្ឋាន សម្រាប់រៀបចំផែនការ សកម្មភាពអនុវត្ដកម្មវិធីនយោបាយ និងយុទ្ធសាស្ដ្រចតុកោណរបស់រាជរដ្ឋាភិបាលកម្ពុជា ៕