លោកបណ្ឌិត អ៊ិត សំហេង រដ្ឋមន្ត្រី ក្រសួង ការងារ និងបណ្តុះ បណ្តាល វិជ្ជាជីវៈ បានជំរុញឲ្យលោក Keizo Niwa តំណាងសមា គម ជប៉ុន General Juridical Associationជំរុញ ឲ្យមានការបញ្ជូននូវកម្មសិក្សាការីកម្ពុជាទៅទទួលការអប់រំ បណ្តុះបណ្តាល និងបម្រើការងារនៅប្រទេសជប៉ុនឲ្យបានច្រើនបន្ថែមទៀត។
ការលើកឡើងរបស់លោករដ្ឋមន្ត្រីនេះធ្វើឡើងនៅក្នុងជំនួបពិភាក្សាការងារជាមួយយលោក Keizo Niwa នៅទីស្តីការក្រសួង កាល ពីរសៀលថ្ងៃទី១៧ខែកុម្ភៈឆ្នាំ២០១៣។
លោក បណ្ឌិតរដ្ឋមន្ត្រី បានមានប្រសាសន៍ស្វា ថាកម្ពុជា និងជប៉ុនកំពុង មានកិច្ចសហប្រតិបត្តិការយ៉ាង ល្អប្រសើរ ណាស់ ស្របតាម គោលការណ៍របស់រាជរដ្ឋាភិបាលនៃប្រទេសទាំងពីរដែលបានប្រកាសបន្តពង្រឹង និងពង្រីកនូវកិច្ចសហប្រតិបត្តិការ រវាងកម្ពុជា-ជប៉ុន។ ជាក់ស្តែង ការវិនិយោគរបស់ក្រុមហ៊ុនជប៉ុននៅកម្ពុជា ការនាំទំនិញចេញពីកម្ពុជា និងការបញ្ជូន កម្ម សិក្សា ការីពីកម្ពុជាទៅជប៉ុនមានការកើនឡើង គួរឲ្យកត់សម្គាល់ ។ លោករដ្ឋមន្ត្រីបានបញ្ជាក់ថាក្រសួងការងារ និងបណ្តុះបណ្តាល វិជ្ជាជីវៈ កន្លងមក បានចុះកិច្ចព្រមព្រៀងអនញ្ញាឲ្យក្រុមហ៊ុនចំនួន ៣៣ និងអង្គការចំនួន ២ លើការ បញ្ជូនកម្មសិក្សាការី ទៅ ទទួលការបណ្តុះបណ្តាល និងបម្រើការងារនៅជប៉ុន ហើយរហូតមកទល់ពេលនេះ កម្មសិក្សាការីកម្ពុជា ដែលត្រូវបានបញ្ជូន ទៅប្រទេស ជប៉ុនមានចំនួនជាង ៤០០នាក់ហើយ។ ឆ្លៀតក្នុងឱកាសនេះលោករដ្ឋមន្ត្រី អ៊ិត សំហេងក៏បានថ្លែងអំណរគុណ យ៉ាងជ្រាលជ្រៅ និងមិនអាចបំភ្លេចបាននូវការជួយឧបត្ថម្ភគាំទ្រគ្រប់កាលៈទេសៈរបស់ ជប៉ុនមកដល់ប្រជាជនកម្ពុជា។
លោក Keizo Niwa បានមានប្រសាសន៍ ឲ្យដឹងថា រូបលោកពិតជា មានសេចក្ដីសោមនស្ស យ៉ាងខ្លាំង ចំពោះ កិច្ចសហប្រត ិបត្តិការរវាងកម្ពុជា-ជប៉ុន។ កម្ពុជា និងជប៉ុន កាលពីឆ្នាំមុន បានចូលរួមរំលឹកខួបរយៈពេល៦០ នៃចំណងមិត្តភាពកម្ពុជា-ជប៉ុន ហើយឆ្នាំនេះគឺជាខួបលើកទី៦១ ។
លោក Keizo Niwa បានបន្តរំលឹកឲ្យដឹកផងដែរថា ក្រៅពីកិច្ចសហប្រតិបត្តិការយ៉ាងល្អប្រសើររវាងកម្ពុជា-ជប៉ុន នាពេល បច្ចុប្បន្ន កម្ពុជាជាប្រទេសមួយដែលមិនបានទាមទារសំណងពីប្រទេសជប៉ុនទេ ពេលជប៉ុនចាញ់សង្គ្រាមលោកលើកទី២ កម្ពុជាថែមទាំងបានជួយឧបត្ថម្ភនូវអង្កដល់ប្រជាជនជប៉ុនទៀតផង ដូចនេះជប៉ុនក៏មិនអាចបំភ្លេចពីគុណ ដ៏ធំធេងរបស់កម្ពុជា វិញផងដែរ។
លោក Keizo Niwa ក៏បាន បន្តថា ជម្រាបជូនឲ្យដឹងថា សមាគមរបស់លោកបានបង្កើតឡើងរយៈពេល៣៤ឆ្នាំមកហើយ ក្នុង បំណងជួយបណ្តុះបណ្តាលយុវជននៅប្រទេសចិន ហើយសមាគមរបស់លោកក៏ធ្លាប់បានទទួលការណែនាំដ៏ខ្ពង់ខ្ពស់ពីអតីត នាយករដ្ឋមន្ត្រីជប៉ុន ឯកឧត្តមYukio Hatoyamaឲ្យ មកធ្វើកិច្ចសហប្រតិបត្តិការជាមួយកម្ពុជា។ រយៈពេលជាង ៦០ ឆ្នាំមក ហើយ ជប៉ុនមិនមានច្បាប់ឲ្យទទួលពលករពីបរទេសទៅបម្រើការងារនៅប្រទេស ជប៉ុន ប៉ុន្តែបច្ចុប្បន្ន ជប៉ុនមានទម្រង់មួយ ផ្សេង ទៀត គឺការទទួលយុវជនពីប្រទេសផ្សេងៗឲ្យទៅ ទទួលការអប់រំ បណ្តុះបណ្តាលនៅជប៉ុន។ តាមរយៈប្រព័ន្ធនេះ សមាគមរបស់លោក នឹងខិតខំជួយជំរុញឲ្យយុវជនកម្ពុជាបានទៅទទួលការអប់រំបណ្តុះបណ្តាល បច្ចេកទេស និងទំនាញគ្រប់គ្រងរោងចក្រ សហគ្រាស ជាដើម៕