ខេត្តបន្ទាយមានជ័យ ៖ អភិបាលខេត្តបន្ទាយមានជ័យ លោក គោ ស៊ុំសារឿត បានធ្វើការព្រមានដោយត្រង់ៗចំពោះមន្ត្រី សុរិយាដីដែលយកតម្លៃសេវា លើសការកំណត់ដែលនាំឲ្យប្រជាពលរដ្ឋថ្នាំងថ្នាក់។ ការព្រមាននោះ ធ្វើឡើងក្នុងសន្និបាត បូក សរុបលទ្ធផលការងារមន្ទីររៀបចំ ដែនដីនគរូបនីយកម្មនិងសំណង់កាលពីថ្ងៃទី១៨ ខែកុម្ភៈ ឆ្នាំ២០១៤នេះ ។
នាឱកាសនោះលោក លី សារី ប្រធានមន្ទីរៀបចំដែនដីនគរូបនីយកម្មសំណង់និងសូរិយោលដីខេត្តបាន បានលើកឡើងថា មន្ត្រីមន្ទីរៀបចំដែនដីនគរូបនីយកម្មសំណង់និងសូរិយោល័យដីខេត្តមានបុគ្គលិកមន្ត្រីរាជការសរុបចំនួន៧០នាក់ស្រី០៦នាក់ដែល អនុវត្តន៍ទូរទាំងខេត្តក្នុងឆ្នាំ២០១៣ប្រមូលទិន្នន័យក្បាលដីចំនួន ៣៥,៩៤៦ក្បាលដី ស្មើរ៨០.៥៣៤.៥២ហិកតា បានចុះហត្តលេខាលើប័ណ្ណបាន ចំនួន២៨,១២៩ប័ណ្ណស្មើ១៧,០៦៧គ្រួសារចែកប័ណ្ណដល់ប្រជាពលរដ្ឋ២៧,២២៣ ប័ណ្ណ ។ ចំណែកទំនាស់វិវាទដីធ្លីឆ្នាំ២០៩មានចំនួន៣៣៤ករណីដោះស្រាយ បញ្ចប់វិវាទចំនួន ១០៦ ករណី ដោយឡែកក្នុងឆ្នាំ២០១៣ ដោះស្រាយទំនាស់៥៣៣ ក្បាលដី ។
លោកគោ ស៊ុំ សារឿត អភិបាលខេត្តបានមានប្រសាសន៍ថាមន្ត្រីមន្ទីរៀបចំដែនដីនគរូបនីយកម្ម សំណង់និងសូរិយោលដីខេត្ត មិនត្រូវយកសេវ៉ាកម្មលើសការកំណត់សំខាន់តំបន់ដីមានហាងឆេងថ្លៃ និងតំបន់ការពារបរិស្ថានព្រៃឈើ ទន្ទឹមនោះត្រូវចាត់វិធានការចំពោះ សំណង់អាណាធិប្បតេយ្យដែលសង់រំលោភនិងប៉ះពាល់ចំណីផ្លូវគ្មានច្បាប់។
លោក សរ សុវណ្ណ រដ្ឋលេខាធិការក្រសួងរៀបចំដែនដីនគរូបនីយកម្មសំណង់និងសូរិយោលដីបាន ថ្លែងការកោតសសើរចំពោះមន្ត្រីជំនាញខេត្តដែលបានអនុវត្តន៍ការងារ បំរើប្រជាពលរដ្ឋនិងប្រទេសជាតិលើវិស័យដីធ្លីបានល្អប្រសើរ៕
