សមាគមគ្រូបង្រៀន កម្ពុជាឯករាជ្យ បានធ្វើលិខិតទៅលោក ផៃ ប៊ុនឈឿន អភិបាលនៃគណៈអភិបាលខេត្ដកណ្ដាល ស្នើសុំជួយ អន្ដរាគមន៍ឱ្យបើកបៀវត្សរ៍សម្រាប់ ខែមករា ជូនលោកគ្រូ អ្នកគ្រូ និងប្រាក់ បន្ថែមម៉ោងសម្រាប់ឆមាសទី១ ព្រម ទាំងប្រាក់ថ្ងៃព្រហស្បតិ៍ ។
នៅក្នុងលិខិតរបស់សមាគម គ្រូបង្រៀនកម្ពុជាឯករាជ្យ ចុះថ្ងៃទី១២ ខែកុម្ភៈ ឆ្នាំ២០១៤ ផ្ញើជូនលោក អភិបាលខេត្ដកណ្ដាល បានរៀបរាប់ ឱ្យដឹងថា លោកគ្រូ អ្នកគ្រូ នៅខេត្ដ កណ្ដាលទាំងអស់ តែងតែបើកប្រាក់ បៀវត្សរ៍យឺតជាប្រចាំ ចាប់តាំងពីខែ វិច្ឆិកា ឆ្នាំ២០១៣ រហូតមក។ សម្រាប់ ខែមករា ឆ្នាំ២០១៤នេះ លោកគ្រូ អ្នកគ្រូ នៅតែមិនទាន់ទទួលប្រាក់ខែនៅឡើយ។ ចំពោះប្រាក់ខែរបស់គ្រូបង្រៀនខេត្ដ កណ្ដាល បើកយឺតយ៉ាវរបៀបនេះ បណ្ដាលមកពីមូលហេតុអ្វី ពេលដែល តំណាងសមាគមគ្រូបង្រៀនសួរនាំ មន្ទីរអប់រំ មន្ទីរថា ជាប់កាត់ពន្ធជូនរដ្ឋ ឬរតនាគារបង្វិលថវិកាមិនទាន់។ មក ដល់ឆ្នាំ២០១៤ ហើយ មិនគួរឱ្យកើត មានការបើកប្រាក់បៀវត្សរ៍សម្រាប់ខែ មករា ដល់ថ្ងៃទី១២ ខែកុម្ភៈ ហើយនៅ តែមិនទាន់បើកជូនលោកគ្រូ អ្នកគ្រូ នៅឡើយ។
សមាគមគ្រូបង្រៀនកម្ពុជា ឯករាជ្យសង្ឃឹមថា លោកអភិបាលខេត្ដ កណ្ដាល នឹងពិនិត្យដោះស្រាយប្រាក់ខែ ជូនគ្រូបង្រៀនឱ្យទាន់ពេល។
ទាក់ទងការស្នើខាងលើនេះ លោកផៃ ប៊ុនឈឿន អភិបាលខេត្ដ កណ្ដាល បានមានប្រសាសន៍ឱ្យដឹងថា លោកនៅមិនទាន់បានទទួលលិខិតនោះ នៅឡើយទេ។ ប្រាក់ខែដូចជាបើកជា បន្ដបន្ទាប់ហើយ ប៉ុន្ដែប៉ុន្មានថ្ងៃនេះមាន អង្គភាពខ្លះអាចមានការយឺតយ៉ាវបន្ដិច ដោយសារតែការបំពេញបែបបទតាម នីតិវិធី។ ហើយបញ្ហានេះគឺខាងលោក យកចិត្ដទុកដាក់ណាស់។
លោកបានបញ្ជាក់ថា កាលពី ថ្ងៃទី១២ ខែកុម្ភៈ ឆ្នាំ២០១៤ លោក បានជួបពិភាក្សាជាមួយខាងមន្ទីរ សេដ្ឋកិច្ច និងហិរញ្ញវត្ថុ និងខាង រតនាគារមកធ្វើការហើយ ហើយមាន សាមីអង្គភាពគេបានទៅបើកលុយជា បន្ដបន្ទាប់ហើយ តែវាមិនទាន់បាន ១០០ ភាគរយទេ ។
សូមរំលឹកថា កាលពីថ្ងៃទី២៩ ខែមករា ឆ្នាំ២០១៤ រាជរដ្ឋាភិបាល កម្ពុជា បានចេញសារាចរស្ដីពីការ កំណត់នីតិវិធីការបើកផ្ដល់បៀវត្សរ៍ ជូនមន្ដ្រីរាជការស៊ីវិលដើម្បីធានាការ បើកផ្ដល់បៀវត្សរ៍ជូនមន្ដ្រីរាជការស៊ីវិល ឱ្យបានឆាប់រហ័សទាន់ពេលវេលា និង ប្រកបដោយប្រសិទ្ធភាពខ្ពស់៕
