រាជធានីភ្នំពេញ ៖ ប្រជាពលរដ្ឋរស់នៅក្នុង ប្លុកបុរីកីឡា មានសិទ្ធិកាន់កាប់ផ្ទះដែលសាងសង់ដោយ ក្រុមហ៊ុនផានអ៊ីម៉ិច បានកំពុង តែត្អូញត្អែរតែពីភាពរស់នៅពុំ ទាន់មានលក្ខណៈស្របច្បាប់ ទោះបីជាអ្នកទាំងអស់នោះ មានសិទ្ធិរស់នៅលើអគារ ទាំងអស់នោះក៏ ដោយក៏ការរស់នៅជាប្រជាពលរដ្ឋស្រប ច្បាប់នោះក៏ពុំទាន់បានទទួល សិទ្ធិបានពេញបរិបូរណ៍ដោយ សារតែពុំមានអត្តសញ្ញាណ ប័ណ្ណពុំមានប័ណ្ណស្នាក់នៅសៀវភៅគ្រួសារជាដើម ។
យោងតាមសេចក្តីរាយ ការណ៍ពីប្រជាពលរដ្ឋរស់នៅ ក្នុងបុរីកីឡាបានឱ្យដឹងកាលពី ពេលថ្មីៗនេះថាប្រជាពលរដ្ឋ ដែលរស់នៅលើ អគារដែល សាងសង់ដោយក្រុមហ៊ុនផាន អ៊ីម៉ិច ដែលមានលោកស្រី ស៊ុយ ស៊ីផាន ជាប្រធានក្រុម ហ៊ុនបានធ្វើការផ្តល់ផ្ទះស្នាក់ នៅ ជូនប្រជាពលរដ្ឋដែលធ្លាប់ រស់នៅក្នុងប្លុកបុរីកីឡាកន្លង មកនោះ គឺរស់ក្នុងសភាពពុំ ទាន់ស្របច្បាប់នៅឡើយ ព្រោះអ្នកទាំងអស់ នោះពុំមាន អត្តសញ្ញាណប័ណ្ណសៀវភៅ គ្រួសារ និងប័ណ្ណស្នាក់នៅ ឡើយ ។
សេចក្តីរាយការណ៍ដដែលបានឱ្យដឹងទៀតថា ប្រជាពលរដ្ឋទាំងអស់នោះបានព្យាយាម ធ្វើអត្តសញ្ញាណប័ណ្ណសៀវភៅគ្រួសារ និង ប័ណ្ណស្នាក់នៅជាច្រើនលើកតែត្រូវបរាជ័យ ដោយសារមន្ត្រីប៉ូលីសស្ថិតិនៃ ប៉ុស្តិ៍រដ្ឋបាលសង្កាត់វាលវង់ ខណ្ឌ៧មករា បានធ្វើព្រងើយ កន្តើយចំពោះការរស់នៅដោយ ស្របច្បាប់របស់ប្រជាពលរដ្ឋ រាប់រយគ្រួសារទាំងអស់នោះ ។
ប្រការដែលប៉ូលិសស្ថិតិប៉ុស្តិ៍រដ្ឋបាលសង្កាត់វាលវង់នេះធ្វើព្រងើយកន្តើយមិនយកចិត្ត ទុក្ខដាក់បំពេញភាពស្របច្បាប់ ពីប្រជាពលរដ្ឋ ទាំងអស់នោះ ទំនងជាឆន្ទៈនៃអំពើស៊ីសំណូកសូកប៉ាន់ជាអំពើពុករលួយ ដែលសង្គមស្អប់ខ្ពើមនោះ កំពុងតែស្ថិតនៅក្នុងអារម្មណ៍ដ៏ ងុបងុលរបស់មន្ត្រីប៉ូលិស ជំនាញជាហេតុធ្វើឱ្យប៉ះពាល់ ដល់ជីវភាពរស់នៅប្រចាំថ្ងៃ របស់ប្រជាពលរដ្ឋទាំងអស់ នេះ ។
សេចក្តីរាយការណ៍ដដែលបានឱ្យដឹងទៀតថា ប្រជាពល រដ្ឋក៏លោកទទួលស្គាល់ពីទង្វើពុករលួយរបស់មន្ត្រីប៉ីលូស ប៉ុស្តិ៍រដ្ឋបាល សង្កាត់ វាលវង់ ខណ្ឌ៧មករានេះដែរថាគឺពិត ជារលួយពីសាច់រហូតរលូយ ទាំងឆ្អឹងទៅទៀត ។
ជាក់ស្តែងប្រជាពលរដ្ឋខ្លះទៅស្នើសុំធ្វើអត្តសញ្ញាណ ប័ណ្ណប៉ូលិសស្ថិតិបានឆ្លើយថា ឱ្យរង់ចាំដល់ពេលប្រកាសធ្វើទើបអាចធ្វើបាន តែបើប្រញាប់ ត្រូវចំណាយប្រាក់ចាប់ពី ៧០ ទៅ ១០០ដុល្លារអាមេរិក ទើបធ្វើបានហើយពុំមែនមួយ ថ្ងៃឬពីរថ្ងៃអាចទទួលយកបាន នោះទេគឺចាប់ពី ១៥ ទៅ៣០ ថ្ងៃទើបអាចសាម៉ីខ្លូនដែលធ្វើ នោះទទួលយកបានអត្តសញ្ញា ណប័ណ្ណប្រភេទថ្មីនោះបាន ។
ប្រជាពលរដ្ឋរស់នៅប្លុក បុរីកីឡាបានបន្តឱ្យដឹងទៀត ថាចំណែកឯការធ្វើសៀវភៅ ស្នាក់នៅវិញនោះប្រជាពលរដ្ឋ ស្ទើរតែទាំងអស់ បានស្នើសុំ ទៅមន្ត្រីប៉ូលិសស្ថិតិប៉ុស្តិ៍រដ្ឋ- បាលសង្កាត់វាលវង់ដើម្បីងាយ ស្រួលក្នុងការស្វះស្វែងរកការ ងារធ្វើនិងសម្រាប់ប្រើប្រាស់ ជាផ្លូវការមុខរបរធ្វើផ្សេងៗ នោះក៏ត្រូវមន្ត្រីប៉ូលិសស្ថិតិនោះ មិនយកចិត្តទុកដាក់ធ្វើឱ្យប្រជាពលរដ្ឋទាំងអស់នោះដែរ។
កន្លងមកប្រជាពលរដ្ឋក៏ ធ្លាប់ត្រូវបានប៉ូលិសស្ថិតិប៉ុស្តិ៍ រដ្ឋបាលសង្កាត់វាលវង់ទារ ប្រាក់ចាប់ពី ២០ ទៅ ៥០ ដុល្លារអាមេរិក ជាថ្នូរទៅ នឹងសៀវភៅស្នាក់នៅមួយសន្លឹកនោះ ។
ប្រភពដដែលបានបន្តឱ្យ ដឹងទៀតថាទោះបីជាប្រជា-ពលរដ្ឋរាប់រយគ្រួសារបាន បំពេញតាមចំណង់ចំណូល ចិត្តរបស់មន្ត្រីប៉ូលិស ស្ថិតិសង្កាត់ វាលវង់ ខណ្ឌ៧មករារួចរាល់ ហើយក្តីក៏ប្រជាពលរដ្ឋទាំង អស់នោះ រហូតមកទល់នឹង ពេលនេះនូវតែពុំទាន់ទទួលបាន សៀវភៅស្នាក់នៅដោយ ស្របច្បាប់នៅឡើយ ៕