ភ្នំពេញ ៖ ប្រភពព័ត៌មានច្បាស់ការពីប្រជាពលរដ្ឋដែលញៀននឹងល្បែងឆ្នោតកន្ទុយលេខ និងភ្នាល់បាល់មួយកន្លែង នៅទីតាំង ផ្ទះលេខ ១១ ផ្លូវលេខ ៦១៤ សង្កាត់បឹងកក់ទី ២ ខណ្ឌទួលគោក រាជធានីភ្នំពេញ បានធ្វើសកម្មភាព យ៉ាងអនាធិប តេយ្យដោយ មិនញញើត ពីសំណាក់ ច្បាប់បន្តិច សោះឡើយ ខណៈពេល ដែលបទបញ្ជា យ៉ាងតឹងរ៉ឹងបំផុត ឱ្យចូលរួមអនុវត្ត នូវគោលនយោបាយ ភូមិ-ឃុំ សង្កាត់មានសុវត្ថិភាព និងចូលរួម លុបបំបាត់ ល្បែងស៊ីសង ចោរលួច ចោរប្លន់ អំពើអាស អាភាស ទាំងឡាយ និងអំពើហិង្សា ក្នុងគ្រួសារ មានការកើនឡើងជាលំដាប់នូវបនល្បែងស៊ីសងគ្រប់ប្រភេទ ។
ប្រភពព័ត៌មានច្បាស់ការណ៍បានឱ្យដឹងថា ល្បែងឆ្នោតកន្ទុយលេខ និងភ្នាល់បាល់ដែលបានធ្វើសកម្មភាពជាប្រចាំ បានទទួល ភ្លើងខៀវពីសមត្ថកិច្ច ឱ្យលេងដោយសេរី ដោយសារនៅពេលនេះមានអ្នកទៅលេងរាប់រយនាក់ហាក់បីដូចជា ល្បែងប្រជា ប្រិយចូលឆ្នាំជាហូរហែរក្នុងមួយថ្ងៃៗផងដែរ ។ ចំណុចនេះហើយទើបបានជា រាជធានីភ្នំពេញ មានករណីចោរលួចចោរ ប្លន់ ចោរ គាស់ផ្ទះមិនឈប់ឈរនោះសោះ ។
ប្រជាពលរដ្ឋបានសំណូមពរដ៏ទទូចដល់លោកៗសមត្ថកិច្ចទាំងអស់ ព្រមទាំងលោក ឯក ឃុនឌឿន អភិបាលខេត្តទួលគោក ជួយមានវិធានការទប់ស្កាត់ការរីកដុះដាលនូវបនល្បែងស៊ីសងដែលកំពុងតែធ្វេសិកម្មភាព អូសទាញសាច់ញាតិ ក្រុមគ្រួសារឱ្យ ទៅវីវក់ល្បែង ស៊ីសងទាំងនេះ ធ្វើឱ្យក្រុមគ្រួសាររបស់គាត់មានការព្រួយបារម្ភ នឹងសុវត្ថិភាពអសន្តិសុខក្នុងមូលដ្ឋានណាស់ ។
ជាការពិតណាស់ខណ្ឌទួលគោកតែងតែមានព័ត៌មានតាមកាសែត ទូរទស្សន៍បានចុះផ្សាយពីករណីចោរលួច ចោរប្លន់ ដោយ សារតែបណ្តាលមកពីអាជ្ញាធរមូលដ្ឋានអស់លោកកងកម្លាំង ប្រដាប់អាវុធបិទភ្នែក ឬអសមត្ថភាព ក្នុងការលុបបំបាត់បនល្បែង ស៊ីសងទាំងនេះ ជាហេតុធ្វើឱ្យមានការសង្ស័យថា ប្រហែលជាអស់លោកសមត្ថកិច្ចកង កម្លាំងត្រូវថ្នាំសណ្តំអស់ហើយ ឬបាន ជាហ៊ានអនុវត្តផ្ទុយពីបទបញ្ជារបស់រាជរដ្ឋាភិបាលហ៊ានបើកដៃឱ្យមានការលេង កន្ទុយលេខ និងភ្នាល់បាល់ ល្បែងស៊ីសងផ្សេងៗ យ៉ាងអនាធិបតេយ្យបែបនេះ ៕