កំពង់ឆ្នាំង ៖ ការ បែកធ្លាយរឿងព្រះសង្ឃចាញ់កលល្បិចជនខិលខូចនេះកើតឡើងកាលពីថ្ងៃទី៨ ខែវិច្ឆិកា ឆ្នាំ២០១៣ បន្ទាប់ពី មានប្រជាពលរដ្ឋម្នាក់ទៅប្ដឹង មេភូមិ ហើយបានដឹងដល់សមត្ថកិច្ចចុះ ទៅសួរនាំនិងធ្វើកំណត់ហេតុដល់កុដិព្រះចៅអធិការ ។
ចៅអធិការវត្ដស្នោក្នុង ឃុំខុនរ៉ង ស្រុកបរិបូរណយកលុយអស់មួយម៉ឺនដុល្លារសហរដ្ឋអាមេរិកក្រោមល្បិច ប្ដូរយកក្រដាសប្រាក់ មួយលានដុល្លារក្លែង ក្លាយដើម្បីយកទៅប្ដូរ រង្វាន់ជាទឹកប្រាក់ចំនួនបួនម៉ឺនដុល្លារនៅ ឯស្ថានទូតសហរដ្ឋអាមេរិក ។
ព្រះ ចៅអធិការវត្ដដែលចាញ់បោក ជនខិលខូចនេះមានព្រះនាមជ័យ ភូ បាន ប្រាប់សមត្ថកិច្ចឱ្យដឹងថា នៅថ្ងៃទី៣១ ខែតុលា ឆ្នាំ២០១៣ បុរសម្នាក់ដែលប្រាប់ថា ឈ្មោះ សារី បានមកកាន់វត្ដស្នោ ហើយ ប្រាប់ព្រះអង្គនោះថា ខ្លួនគេចង់កសាងសមិទ្ធ ផល មួយចំនួនក្នុងទីអារាមនេះ ។ ក្រោយពីជួបព្រះអង្គនិងរៀបរាប់រួច ហើយឈ្មោះសារីនោះក៏ចេញទៅបាត់ ។ បន្ទាប់មក ក៏ណាត់ជួបព្រះអង្គម្ដងទៀត នៅវត្ដធម្មវ័ន្ដក្នុងឃុំស្វាយជ្រំ ស្រុករលា ប្អៀរ ។ ក្នុងពេលជួបនោះឈ្មោះសារី បាន សួរព្រះអង្គថា គេចង់ទិញវត្ថុបុរាណក្នុងវត្ដ ទៅវិញ តែពេលនោះព្រះអង្គបានប្រាប់ ថាគ្មានទេ។បន្ទាប់ពីប្រាប់ថា គ្មានស្រាប់ តែឈ្មោះសារី នោះ បានប្រើល្បិចថ្មីមួយ ទៀតសុំខ្ចីលុយព្រះអង្គ៣ពាន់ដុល្លារថា យកទៅដោះឡានដឹកឈើគ្រញូង ដែលត្រូវសមត្ថកិច្ចចាប់ នៅ រមាស ក្នុងស្រុកទឹក ផុស ហើយព្រះអង្គក៏ឆ្លើយថាអត់មានលុយទេ ។ ក្រោយមក ឈ្មោះ សារី បានរៀប អន្ទាក់ថ្មីមួយ ទៀត គឺបានប្រាប់មកលោក ចៅអធិការវត្ដថា ប្រសិនបើអ្នកណាមាន ក្រដាសប្រាក់ប្រភេទមួយលានដុល្លារ ស្ថានទូតសហរដ្ឋ អាមរិកនឹងប្រកាស ប្រមូលយកវិញដោយផ្ដល់រង្វាន់លើកទឹក ចិត្ដបន្ថែមចំនួន៤ម៉ឺនដុល្លារ និយាយ ចប់ហើយក៏បែកគ្នាទៅ ។
ព្រះតេជគុណព្រះ ជ័យ ភូ បានប្រាប់ សមត្ថកិច្ចទៀតថា នៅក្នុងអំឡុងថ្ងៃទី៤ ខែវិច្ឆិកា ឆ្នាំ២០១៣ បុរសម្នាក់បានទូរ ស័ព្ទចូល ទូរសព្ទរបស់ព្រះអង្គរួចនិយាយ ថា ច្រឡំលេខក្រោយមកទៀតបុរសរូប នោះដដែលតេមកធ្វើច្រឡំលេខទៀត ហើយបាន ប្រាប់ថា គេឈ្មោះលី គឹមឆាយ មានក្រដាសប្រាក់ប្រភេទមួយលានដុល្លារ បើមានគេចង់បានសូមឱ្យប្រាប់ផង ។
បន្ទាប់ពីទំនាក់ទំនងគ្នារឿងប្រាក់ដុល្លារ នេះរួចឈ្មោះលី គឹមឆាយ បានណាត់ជួប ជាមួយព្រះអង្គមកជួបគ្នានៅកន្លែងមួយ ក្នុង ក្រុងកំពង់ឆ្នាំង ។ ពេលទៅដល់ ឈ្មោះលី គឹមឆាយ នោះបានបើកកេស មួយហើយបង្ហាញប្រាក់ប្រភទមួយលានដុល្លារ រួចប្រ គល់ក្រដាសប្រាក់នោះមក ឱ្យព្រះអង្គនោះយកទៅចាត់ចែងដើម្បី យកទៅស្ថានទូតអាមេរិកហើយប្រាប់ថា បើខាងស្ថានទូត អាមេរិក គេឱ្យរង្វាន់ប៉ុន្មាន ព្រះអង្គយកទៅកសាងវត្ដចុះ ចំពោះគេ គឺយកត្រឹមតែមួយម៉ឺនដុល្លារប៉ុណ្ណោះ ។
ពេលឃើញ ដូចនេះហើយដឹងថា ចំណេញច្រើនរហូតដល់៣ម៉ឺនដុល្លារព្រោះ បើពេលយកទៅ ឱ្យស្ថានទូតអាមេរិក គេឱ្យរង្វាន់ ដល់ទៅ៤ម៉ឺន ដុល្លារដូចនេះក៏ យកលុយប្រភេទក្រដាស១លានដុល្លារ នោះមកវត្ដ ។ បន្ទាប់មកព្រះអង្គឱ្យ គណៈកម្មការវត្ដ ម្នាក់ ឈ្មោះ ទឹម សារុន និងប្រពន្ធឈ្មោះ ហិន គុណ យកប្លង់ដីនិង ផ្ទះទៅបញ្ចាំធនាគារយកលុយ៣ពាន់ដុល្លារឱ្យលោកខ្ចី បូក ជាមួយលុយវត្ដចំនួន ១២ លានរៀលនិងលុយព្រះអង្គមួយចំនួនទៀតដែលសរុបទាំងអស់ចំនួនមួយ ម៉ឺន ដុល្លារដើម្បីវេរទៅ ឱ្យឈ្មោះលី គឹមឆាយ តាមវីង កាលពីវេលា ម៉ោង៤រសៀល ថ្ងៃទី៦ ខែវិច្ឆិកា ឆ្នាំ២០១៣ ។
ក្រដាសប្រាក់ប្រភេទ១លានដុល្លារ ដែលបានពីឈ្មោះលី គឹម ឆាយនេះ មិន ទាន់ទាំងបានយកទៅទូតអាមេរិកផង ក៏ស្រាប់តែ ដឹងដល់អាជ្ញាធរនិងសមត្ថ កិច្ចនាំគ្នាចុះស្រាវជ្រាវរកឈ្មោះទាំង២ នាក់ដោយទាក់ទងតាមទូរស័ព្ទទៅឈ្មោះសារី និងឈ្មោះលី គឹមឆាយ ។ ប៉ុន្ដែ ទាក់ទងមិនបានទេ ដោយពួកគេបិទទូរស័ព្ទទាំងអស់គ្នាតែម្ដងទើបដឹងថាចាញ់ បោកគេហើយ ។
ការចាញ់ល្បិចកលនេះ ដោយសារតែព្រះចៅអធិការមានចិត្តលោភលន់ដែរ ៕