រាជធានីភ្នំពេញ ៖ សំណង់មន្ទីរពិសោធន៍នេះ ត្រូវបាន សាងសង់ នៅក្នុងបរិវេណ សាលាជាតិ កសិកម្ម ព្រែកលៀប ស្ថិតនៅ តាម បណ្តោយ ផ្លូវជាតិ លេខ ៦អា ក្នុងសង្កាត់ព្រែក លៀប ខណ្ឌឫស្សីកែវ រាជធានីភ្នំពេញ ។ សំណង់មន្ទីរ ពិសោធន៍ វិភាគលើ ផលិត ផលកសិកម្ម តាមលក្ខណៈ ស្តង់ដារ អន្តរជាតិ ដែលកម្ពុជា ពុំធ្លាប់មាន កន្លងមក មានតម្លៃ គិតជាទឹកប្រាក់ សរុបប្រមាណ ៦៥ លាន យន់ ស្មើនឹងប្រមាណជាង ១០ លានដុល្លារ សហរដ្ឋ អាមេរិក ជាជំនួយ ពីប្រទេសចិន។
មន្ត្រីតំណាងស្ថានទូតចិននៅកម្ពុជា លោក ជិន យួន (Jin Yaun) និងរដ្ឋមន្ត្រីថ្មីនៃក្រសួងកសិកម្ម រុក្ខាប្រមាញ់ និងនេសាទ លោក អ៊ុក រ៉ាប៊ុន បានរួមគ្នាប្រារព្ធពិធីបើកការដ្ឋានសាងសង់មន្ទីរពិសោធន៍វិភាគលើ ផលិតផលកសិកម្ម នៅព្រឹកថ្ងៃព្រហស្បតិ៍ ទី៧ វិច្ឆិកា។
លោក អ៊ុក រ៉ាប៊ុន ដែលទើបនឹងឡើងកាន់តំណែងថ្មី មានប្រសាសន៍នៅក្នុងពិធីនោះថា មន្ទីរពិសោធន៍នេះ មានសារសំខាន់ ណាស់ក្នុងការធ្វើឲ្យប្រសើរឡើងនូវ សុវត្ថិភាព ផលិតផលកសិកម្ម ដែលជាការងារដ៏ចាំបាច់បំផុត ដើម្បីកម្រិតគុណភាព ផលិត ផល ថាតើផលិតផលនោះមានគុណភាព និងសុវត្ថិភាពកម្រិតណា? អាចធានាឲ្យមានទំនុកចិត្តពីអ្នកតម្រូវការ ឬអ្នកប្រើប្រាស់ បាន កម្រិតណា?
លោករដ្ឋមន្រ្តីមានប្រសាសនថា៖ «សមិទ្ធផលនេះមានតម្លៃខ្ពស់បំផុតសម្រាប់ កម្ពុជា ព្រមទាំងសម្រាប់វិស័យកសិកម្ម មន្ទីរ ពិសោធន៍មិនត្រឹមតែសម្រាប់សាលាព្រែកលៀបយើងប៉ុណ្ណោះទេ គឺមន្ទីរពិសោធន៍វិភាគគុណភាពផលិតផល កសិកម្ម ដែល យើងអាចប្រើសម្រាប់ វិភាគផលិតផលកសិកម្ម បញ្ជាក់ផលិតផលដើម្បីធ្វើការនាំចេញ ឬដើម្បីប្រើប្រាស់ក្នុងប្រទេស ហើយ និង បង្ហាញនូវគុណភាពជាក់ស្តែងរបស់ផលិតផលកសិកម្មយើងតាមរយៈការ ពិសោធន៍នេះផង»។
លោកបន្តថា ការសាងសង់មន្ទីរពិសោធន៍ថ្មីនេះ ជាការឆ្លើយតបនឹងតម្រូវការចាំបាច់ក្នុងកាលៈទេសៈកម្ពុជា កំពុងមាន គោល នយោបាយពង្រឹងគុណភាពផលិតផលកសិកម្មដើម្បីនាំចេញទៅ ទីផ្សារពិភពលោក មានដូចជាអង្ករជាដើម៖ «កន្លងមកយើង មានមន្ទីរ ពិសោធន៍របស់អគ្គនាយកដ្ឋានកសិកម្មស្ថិតនៅក្រោមក្រសួងកសិកម្មហ្នឹង មានហើយ ប៉ុន្តែលទ្ធភាព សមត្ថភាពនៅ ម ានកម្រិត ហើយនៅថ្ងៃនេះ យើងទទួលបានការគាំទ្របន្ថែមទៀតពីប្រទេសចិនដើម្បីដំណើរការងារ»។
ទាក់ទងបញ្ហានេះដែរ ប្រធាននាយកដ្ឋានកិច្ចសហប្រតិបត្តិការអន្តរជាតិនៃក្រសួងកសិកម្ម លោក មាស ច័ន្ទពិសិដ្ឋ មានប្រ សាសន៍ បញ្ជាក់ថា កម្ពុជាកំពុងមានការខ្វះខាតមន្ទីរពិសោធន៍ដែលមានស្តង់ដារអន្តរជាតិ នេះ។ ការសាងសង់មន្ទីរពិសោធន៍ វិភាគលើផលិតផលកសិកម្មនេះ ធ្វើឡើងក្នុងឱកាសខួប ៥៥ឆ្នាំ នៃទំនាក់ទំនងកម្ពុជា ចិន និងជាឆ្នាំមិត្តភាពយូរអង្វែង នៃ ប្រទេស ទាំងពីរ។
ទីប្រឹក្សាសេដ្ឋកិច្ចនិងពាណិជ្ជកម្មនៃស្ថានទូតចិន ប្រចាំនៅកម្ពុជា លោក ជិន យួន លោកមានប្រសាសន៍ នៅក្នុងពិធី បើកការ ដ្ឋានសាងសង់ មន្ទីរពិសោធន៍នៅ សាលាជាតិកសិកម្មព្រែកលៀប នៅថ្ងៃទី៧ វិច្ឆិកា ថា ការផ្ដល់ជំនួយជាអគារពិសោធន៍នេះ គឺជាផ្នែកមួយនៃការរួមគ្នាក្នុងភាពជាដៃគូយុទ្ធសាស្រ្តគ្រប់ ជ្រុងជ្រោយ ចិន-កម្ពុជា ដើម្បីឲ្យទទួលបានការអភិវឌ្ឍថែមទៀត។
ទន្ទឹមគ្នានេះដែរ លោកមានជំនឿចិត្តថា ប្រទេសទាំងពីរនឹងសម្រេចដល់គោលដៅពាណិជ្ជកម្មទ្វេភាគី ជំរុញឲ្យមានកំណើន ដល់ ៥ពាន់លានដុល្លារសហរដ្ឋអាមេរិក នៅឆ្នាំ២០១៧ ខាងមុខ ៕