ខេត្តក្រចេះ ៖ មេខ្មូតរកស៊ីឈើល្មើសច្បាប់ល្បីឈ្មោះមួយរូបនៅខេត្តស្ទឹងត្រែងនិងខេត្ត ក្រចេះនៅតែធ្វើសកម្មភាពជារៀង រាល់ថ្ងៃ បាននឹងកំពុងតែលាក់មុខដោយឱ្យមន្ត្រីប៉ូលីស មួយរូបដែលបានអះអាងថា ជាកូនចៅរបស់លោកស្នងការ ជួង ស៊ាង ហាក់ ប្រចាំខេត្តក្រចេះចេញមុខធ្វើជាអ្នកចែកចាយប្រាក់សំណូកទៅឱ្យសមត្ថកិច្ចគ្រប់ផ្នែកជៀសវាង ការចាប់បង្ក្រា បដែលធ្វើ ឱ្យបាត់បង់ ចំណូលរបស់មេខ្មូត រូបនោះ ។
មជ្ឈដ្ឋានប្រជាពលរដ្ឋស្នើ ឱ្យរដ្ឋាភិបាលអាណត្តិទី៥ នេះ ធ្វើការអនុវត្តន៍ គោលនយោបាយដែល រាជរដ្ឋាភិបាល អាណត្តិ កន្លង មក បានដាក់បទបញ្ជាឱ្យសមត្ថកិច្ច ពាក់ព័ន្ធធ្វើការបង្ក្រាបទៅលើបទល្មើសផ្សេងៗក្នុងនោះ ដូចជា ការកែទម្រង់ ទៅលើ បទល្មើសព្រៃឈើ បទល្មើស នេសាទនិងការកាប់ទន្ទ្រានយក ដីរាល់កំណែទម្រង់ទាំងអស់ នេះហាក់បីដូចមិនទាន់មានប្រសិទ្ធិ ភាពប៉ុន្មាននោះទេ ។
ប្រជាពលរដ្ឋបាននិយាយថា រាល់ការបង្ក្រាបរបស់សមត្ថកិច្ចពាក់ព័ន្ធបង្ក្រាបបាន តែប្រជាពលរដ្ឋក្រីក្រតែប៉ុណ្ណោះចំណែកឯអ្នក មានលុយមាន បុណ្យស័ក្តិដូចជា មេខ្មុតលោក គង់ ក្រឹង សមត្ថកិច្ចពាក់ព័ន្ធគ្រប់ លំដាប់ថ្នាក់មិនធ្វើការបង្ក្រាបខ្មូតស៊ីឈើ គង់ ក្រឹង បានម្តង ណាឡើយ ។
ប្រភពព័ត៌មានបានឱ្យដឹង ថាហេតុផលដែលខ្មូតស៊ីឈើ គង់ ក្រឹង មិនមានសមត្ថកិច្ចណាបង្ក្រាបនោះ ពីព្រោះ គង់ ក្រឹង ចំណាយ លុយក្នុងមួយខែៗ ជាច្រើនម៉ឺនដុល្លារអាមេរិក ដើម្បីដោះដូរការ បង្ក្រាបមុខ របរបទល្មើសព្រៃឈើ ដែលខ្លួនកំពុង តែប្រកបរបររកស៊ី សព្វថ្ងៃនេះ ។
ទោះបីប្រទេសកម្ពុជារងនូវការគំរាមកំហែងដោយសារទឹកជំនន់ស្ទើរគ្រប់ទូទាំងប្រទេសយ៉ាងណាក៏ដោយក៏មិនបាន រំខានដល់ មុខរបរបទល្មើសព្រៃ ឈើរបស់មេខ្មូតស៊ីឈើដ៏មហិមានេះ ដ៏ធំបំផុតនៅ ព្រំប្រទល់ប្រទេសវៀតណាម ម្នាក់នេះឡើយ ហើយ មេខ្មូត គង់ ក្រឹង អ្នកណាក៏គេស្គាល់ ថាជាថៅកែធំបំផុតប្រចាំស្រុក ស្នួល ខេត្តក្រចេះផងដែរ ។
ច្រកព្រំដែនត្រពាំងស្រែ ឃុំ២ធ្នូ ស្រុកស្នួល បានក្លាយ ជាទីតាំងស្តុកឈើប្រណីតរាប់រយកំណាត់ និងម៉ែត្រគូប បន្ទាប់ពី ដឹក ជញ្ជូនមកពី បណ្តាស្រុកមួយចំនួននៅក្នុង ខេត្តក្រចេះ ខេត្តស្ទឹងត្រែង យកទៅលក់ឱ្យមេខ្មូត គង់ ក្រឹង ស្តុកទុកយកទៅ លក់ បន្តនៅប្រទេសវៀតណាម ដែលករណីនេះត្រូវមជ្ឈដ្ឋានជាច្រើនបង្ហើបប្រាប់ថាដោយសារតែមានការបើកភ្លើងខៀវពីសំណាក់ សមត្ថកិច្ចជំនាញ នៅគង់ ក្រឹង ក្នុងតំបន់នោះ ។
បើតាមប្រភពព័ត៌មានពី ស្រុកស្នួល បានប្រាប់ឱ្យដឹងថា ឈើប្រណីតធ្នង់ បេង នាងនួន ដែលពួកមេខ្មូតជើងខ្លាំងខាងប្រព្រឹត្ត បទ ល្មើសព្រៃឈើនៅ ភូមិសេរីភាពដឹកតាមរថយន្ត ស៊េរីទំនើបៗដូចជាកាមរីឆ្លាម កាមរីបាឡែននិងរថយន្តកែច្នៃ រួមទាំងប្រើ រូបភាព ដឹក តាម ម៉ូតូ រទេះគោ ជួលអ្នកភូមិយ៉ាងមមា ញឹករាល់យប់ថ្ងៃ សឹងគ្រប់ ម៉ោងនាទីចេញពីស្រុកចិត្រ បុរី និងស្រុក ស្នួល (ភ្នំព្រិច) តាមផ្លូវជាតិ លេខ៧ ឆ្ពោះទៅ កាន់ទីតាំងស្តុកឈើប្រណីត របស់មេខ្មូត គង់ ក្រឹង ដែលជាឈ្នួលរកស៊ីឈើ ខុសច្បាប់ ធំបំផុតប្រចាំតំបន់ព្រំដែន ។
ប្រភពព័ត៌មានបានបន្តថា មេខ្មូត គង់ ក្រឹង ជាជនជាតិ ខ្មែរឥស្លាមត្រូវបានគេស្គាល់ គ្រប់គ្នាថា ជាទាហានបម្រើការងារនៅ ក្នុងកង ការពារព្រំដែនជើងគោកលេខ ២០៤ ហើយក៏ជាមេខ្មុតធំជាងគេ ស៊ីឈើក្នុងស្រុកស្នួល ខេត្តក្រចេះ យូរឆ្នាំមកហើយ ។ ពីយូរណាស់មកហើយ តែមិនមានសមត្ថកិច្ចឬមន្ត្រី ជំនាញណាម្នាក់ហ៊ានចេញ មុខមកចាប់បង្ក្រាបចំពោះមេខ្មូតម្នាក់នេះ ឡើយ ។
មេខ្មូតដ៏ល្បីល្បាញ ឈ្មោះ គង់ ក្រឹង នេះបានកំពុងតែធ្វើចរាចរដឹកឈើគ្រញូងឈើប្រណីតដូចជា ធ្នង់ បេង នាងនួនចេញពី ខេត្ត ស្ទឹងត្រែង តាមច្រកវ៉ាលីចូលមកក្នុងភូមិ វ៉េវមកស្តុកទុកក្នុងចំការស្វាយ ចន្ទី ចំកៅស៊ូ ស្ថិតក្នុងឃុំ២ធ្នូ ស្រុកស្នួល ខេត្ត ក្រចេះ ហើយ ដឹកតាមរថយន្តកាមរីគូថហើម រថយន្តឡង់គ្រីស័រ និងតាម រទេះគោគ្រប់រូបភាពផ្សេងៗ ទៀត.. ៘
សកម្មភាពរបស់ខ្មូតស៊ីឈើល្មើសច្បាប់ គង់ ក្រឹង មានគ្រប់រូបភាពនេះពុំត្រូវបានសមត្ថកិច្ចពាក់ព័ន្ធធ្វើការបង្ក្រាបនោះទេដោយ រាប់ ទាំងមន្ត្រីរដ្ឋបាលព្រៃឈើពីថ្នាក់ផ្នែកសង្កាត់-ខណ្ឌ ទំនងជាទទួលបានសំណូកពីមេខ្មូតនេះ ទើបមិនមានសកម្មភាព បង្ក្រាប នឹងទប់ ស្កាត់ចាប់ឈើ របស់មេខ្មូតឈ្មោះ គង់ ក្រឹង នេះម្តងណាឡើយ ។ ប្រការដែលមិនបង្ក្រាបនេះ ព្រោះមេខ្មូត គង់ ក្រឹង នេះ បានចំណាយប្រាក់សំណូកជូនអស់លោកមេព្រៃ នឹងទូរស័ព្ទរាយការណ៍មុនពេលឈើចេញពីគោលដៅចេញ រហូតទៅដល់កន្លែង ស្តុកទុក នៅក្នុងចំការស្វាយចន្ទីនិង ចំការកៅស៊ូ ក្នុងឃុំ២ធ្នូ ។
ប្រភពព័ត៌មានដដែលបានបញ្ជាក់ទៀតថា រាល់ឈើប្រណីតដែលក្រុមខ្មូតរកស៊ីដឹកជញ្ជូនមកលក់ឱ្យលោក គង់ ក្រឹង ដោយ យកទៅ ទុកលាក់ ក្នុងព្រៃរបោះមុខផ្ទះក្រោយផ្ទះ ក្នុងផ្ទះគ្របចំបើងនិងដាក់គរ ជាគំនរធំៗ បន្ទាប់មកទើបមានរទេះគោជាច្រើន គ្រឿង និង រថយន្តទាហានពាក់ស្លាក លេខខេមរភូមិន្ទស្លាកលេខរដ្ឋ និងឡានស៊េរីទំនើបជញ្ជូនចេញទៅតាមផ្លូវលំតូចៗឬ តាម ច្រកបារ៉ាស់ របស់ក្រុមហ៊ុន មួយចំនួននិងតាមច្រកព្រំដែន ដែលមានជនជាតិវៀតណាម មករងចាំទទួលបន្ត ។
ប្រភពដដែលបានឱ្យដឹង ទៀតថា មេខ្មូត គង់ ក្រឹង បានជួលប៉ូលីសមួយរូបដែលអះអាងថា ជាកូនចៅលោក ជួង ស៊ាងហាក់ ស្នងការនគរ បាលខេត្តក្រចេះជាអ្នកចេញ មុខចែកចាយលុយឱ្យសមត្ថកិច្ចទាំងពីរខេត្ត គឺខេត្តស្ទឹងត្រែង និងខេត្តក្រចេះជា ថ្នូរ ទៅនឹង ការបង្ក្រាប ។ ប៉ូលិសមួយរូបនោះត្រូវបានគេស្គាល់ច្បាស់មានឈ្មោះ សួយ ឈុនស្រេង មានអត្តលេខ១៦៥៨១ ជាមន្ត្រីប៉ូលីស វរៈការពារព្រំដែនគោក ៦១៩ ដែលឈរជើងប្រចាំការនៅ ភូមិត្រពាំងស្រែ ឃុំ២ធ្នូ ស្រុក ស្នួល ខេត្តក្រចេះ ត្រូវបាន មេ ខ្មូត ឈ្មោះ គង់ ក្រឹង តែង តាំងជាមេការឱ្យមុខរបរល្មើស ច្បាប់ដែលកំពុងតែធ្វើសកម្ម ភាពរៀងរាល់ថ្ងៃ ។
ទាក់ទិនទៅនឹងការតែងតាំងប្រកាសជាផ្លូវការមេការ ឈ្មោះ សួយ ឈុនស្រេង ប៉ូលីសវរៈការពារព្រំដែនគោក ៦១៩ ជំនួស មុខឱ្យខ្មូតស៊ីឈើ គង់ ក្រឹង រកស៊ីល្មើសច្បាប់នេះ ត្រូវបានលោក សួយ ឈុនស្រេង អះអាង កាលពីពេលថ្មីៗនេះថា រូប លោក ពុំមែន ជាអ្នករកស៊ីឈើល្មើសច្បាប់នោះទេ រូបលោកពុំបានពាក់ព័ន្ធទៅនឹង មុខរបររកស៊ីឈើ ខុសច្បាប់ទាំង អស់នោះ ឡើយ ។ រូបលោក ត្រូវបាន ខ្មូតស៊ីឈើ គង់ ក្រឹង ពឹងពាក់ឱ្យ ធ្វើជាមេការដើម្បីចែកចាយ ប្រាក់ទៅឱ្យសមត្ថកិច្ចនានា ដែល ពាក់ព័ន្ធតែប៉ុណ្ណោះ ៕