សៀមរាបៈ កាលពីវេលាម៉ោង 22 និង០០នាទី ថ្ងៃទី23 ខែកក្តដា ឆ្នាំ2014 យោងតាមបទបញ្ជារបស់ឯកឧត្តមឧត្តមសេនីយ៍ត្រី ម៉ន សាម៉ុន មេបញ្ជាការកងរាជអាវុធហត្ថខេត្តសៀមរាបកំលាំងការិយាល័យស្រាវជ្រាវប្រឆាំងគ្រឿងញៀននៃមន្ទីរស្រាវជ្រាវនិងយុត្តិធម៌ ដឹកនាំដោយលោកវរៈសេនីយ៍ឯក ស្រី យូរ៉ា មេបញ្ជការរងកងរាជអាវុធហត្ថ និងជាប្រធានមន្ទីរស្រាវជ្រាវ និងយុត្តិធម៌ខេត្តសៀមរាប បានចុះបង្ក្រាបករណីរក្សាទុកដឹកជញ្ជូន ឬជួញដូរដោយខុសច្បាប់នូវសារធាតុញៀនចំនួន ០១ករណីនៅចំណុចភូមិចុងកៅស៊ូ សង្កាត់ស្លក្រាម ក្រុងសៀមរាបខេត្តសៀមរាប និងបានឃាត់ខ្លួនជនសង្ស័យបានចំនួន ០៥ នាក់ និងបានដកហូតនូវសម្ភារៈវត្ថុតាងបានទូរស័ព្ទ០២គ្រឿងម៉ូតូ០៤គ្រឿង អត្តសញ្ញាណបណ្ណ័០២សន្លឹកស្លាកលេខម៉ូតូ០១ ម្សៅគ្រើមពណ៌សថ្លា(តម្រុយមេតំហ្វេតាមីន) ចំនួន០៤កញ្ចប់ធំនឹង០៧កញ្ចប់តូច ស្មើនឹងទម្ងន់ ១៧.៥៧ក្រាម។
ជនសង្ស័យទី១ មានឈ្មោះ ថានមករា ភេទ ប្រុស អាយុ២៣ឆ្នាំ ជនជាតិ ខ្មែរ សញ្ជាតិ ខ្មែរ មុខរបរ ជាងជួសជុលទូរសព្ទ័ បច្ចុប្បន្នរស់នៅភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប។ ទី២ ឈ្មោះ ធឹមថូ ភេទ ប្រុស អាយុ ២៣ឆ្នាំ ជនជាតិ ខ្មែរ មុខរបរ កត់បុងឡានដឹកដី បច្ចុប្បន្នរស់នៅ ភូមិស្វាយព្រៃ សង្កាត់សវា់ដង្គំ ក្រុងសៀមរាប ខេត្តសៀមរាប ។ ទី៣ ឈ្មោះ នួនចិត្ត្រា ភេទ ប្រុស អាយុ ២៧ឆ្នាំ ជនជាតិ ខ្មែរ មុខរបរ ជាងជួសជុលទូរសព្ទ័ បច្ចុប្បន្នរស់នៅ ភូមិតាភុល សង្កាត់ស្វាយដង្គំ ក្រុងសៀមរាប ខេត្តសៀមរាប ទី០៤ឈ្មោះភាពស៊ីណាត ភេទ ប្រុស អាយុ ២១ឆ្នាំ ជនជាតិ ខ្មែរ មុខរបរ មិនពិតប្រាកដបច្ចុប្បន្នរស់នៅ ភូមិដកពោធិ៍ សង្កាត់សាលាកម្រើក ក្រុងសៀមរាប ខេត្តសៀមរាប ។ ទី០៥ឈ្មោះសំណាងរដ្ឋន័យ ភេទ ប្រុស អាយុ ២៤ឆ្នាំ ជនជាតិ ខ្មែរ មុខរបរ រត់ម៉ូតូឌុប បច្ចុប្បន្នរស់នៅ ភូមិតាវៀន សង្កាត់សាលាកម្រើក ក្រុងសៀមរាប ខេត្តសៀមរាប ។
បច្ចុប្បន្នការិយាល័យជំនាញកងរាជអាវុធហត្ថបានបញ្ជូនសំនុំរឿងជនសង្ស័យទាំង០៥នាក់ព្រមទាំងវត្ថុតាងទៅសាលាដំបូខេត្តសៀមរាបនៅថ្ងៃនេះ ៕