ខេត្តសៀមរាប ៖ ផ្សារចំនួនធំៗបីនៅក្រុងសៀមរាប ត្រូវបានអជីវកររិះគន់ថា លោកថៅកែភាស៊ី លោក ហ៊ុប ថៃ ទារភាស៊ីលើសសៀវភៅ បន្ទុកយ៉ាងធ្ងន់ធ្ងរបំផុត ក្នុងនោះមានផ្សារលើធំថ្មីផ្សារ ក្រោមនឹងផ្សារពួកដែលនឹងកំពុងតែអនុវត្ត បញ្ច្រាសទិសជាមួយប្រមុខរាជរដ្ឋាភិបាលកម្ពុជា ជាពិសេសទៅទៀតនោះ លោក ហ៊ុប ថៃ បាន ធ្វើឱ្យគណបក្សប្រជាជន កម្ពុជា ធ្លាក់ប្រជាប្រិយភាព ឬបាត់បង់សន្លឹកឆ្នោតដោយសារតែទង្វើរបស់គាត់កៀបសង្កត់ជាន់កដកស្លាប ក្រុមអាជីវករ ទាំងអស់ នឹងអ្នកផ្ញើរកង់ម៉ូតូរថយន្ត។ នេះតាមការលើកឡើងរបស់ក្រុមអាជីវករផ្សារលើធំថ្មីផ្សារក្រោមនឹងផ្សារពួកនឹងផ្ញៀវយកកង់ម៉ូតូរថយន្តទៅផ្ញើនៅផ្សារទាំងនោះ។
ក្រុមអាជីវករលក់ដូរនៅផ្សារទាំងបីខាងលើបាននិយាយថាជាយូណាស់មកហើយដែលលោកហ៊ុបថៃមេភាស៊ីដ៍ធំបានឱ្យក្រុមការងាររបស់គាត់ធ្វើបាបក្រុមអាជីវករដូចជាទារថ្លៃភាស៊ីគុណនឹង៣ទៅ៤នឹងទារថ្លៃភាស៊ីមួយថ្ងៃ២ទៅ៣ដងបើអាជីវកររូបណាមិនព្រមឱ្យលុយតាមពួកគេទាមទារនោះទេគេនឹងប្រើសន្តិសុខដេញមិនឱ្យលក់ឬចាប់របស់របរយកទៅទុកនៅស្នាក់ការដើម្បីអូសអន្លាយទុកពេលយូហើយធ្វើការផាកពិន័យជាច្រើន ។
ក្រុមអាជីវករបន្ថែមថាបើពួកគាត់លក់១កញ្ជើរ ក្នុង១ថ្ងៃ ត្រូវឱ្យថ្លៃភាស៊ី ២០០រៀល តែមេភាស៊ីទារ ៥០០រៀល, តូបគ្រែទំហំ៤ម៉ែត្រការ៉េ ចុះត្រូវបង់៣០០រៀល តែគេទា៧០០រៀល, តូបគ្រែទំហំ ៤ម៉ែត្រការ៉េ ត្រូវបង់៥០០រៀល, ក្នុង១លើកគេទារ ១០០០រៀល, តូបលក់កាហ្វេត្រូវបង់ ៥០០រៀល, ក្នុង១លើកគេទារ១០០០រៀល, តូបលក់ទឹកអំពៅ ឬបង្អែមត្រូបបង់៥០០រៀល ក្នុង ១លើកគេទារ ១០០០រៀល តូបលក់បាយត្រូវបង់ ៥០០រៀល ក្នុង១លើកគេទារ១០០០រៀល ។
ដោយឡែកថ្លៃផ្ញើកង់ម៉ូតូនឹងរថយន្តវិញផ្ញើកង់១គ្រឿង ៣០០រៀល ក្នុង១លើកគេទារ៥០០ រៀល , ផ្ញើម៉ូតូ ១គ្រឿង ៥០០ រៀល គេទារ ១០០០ រៀល ផ្ញើរថយន្ត ១គ្រឿង ១០០០ រៀល គេទារ ២០០០ រៀល បង្គន់អនាម័យ ៣០០ រៀល គេទារ ៥០០ រៀល ងូតទឹក៥០០ រៀល គេទា៧០០ រៀល ។
ពូកគាត់បន្ថែមថាទាំងនេះជាការកៀបសង្កត់មកលើក្រុមអាជីវករនឹងប្រព្រឹត្តនូវអំពើពុករលួយយ៉ាងច្បាស់ក្រឡែតដែលសូមឱ្យថ្នាក់ដឹកនាំគ្នាជួយមើលនូវទង្វើរបស់លោកហ៊ុបថៃដែលកំពុងតែដើជិះជាន់កររាស្ត្រយកលុយលើសសៀវភៅបន្ទុកធ្វើមានធ្វើបានលើញើសឈាមរបស់ពួកគាត់ ។
មន្ត្រីសាលាខេត្តសៀមរាបម្នាក់បានបង្ហើបប្រាប់ថា រឿងផ្សារលើធំថ្មីនោះដើមឡើយអាជ្ញាខេត្ត រួមជាមួយមន្ទីរសេដ្ឋកិច្ចនិងហិរញ្ញវត្ថុខេត្តក៏បានធ្វើការដេញថ្លៃភាស៊ីដែរតែការដេញថ្លៃនោះពោពេញទៅដោយអំពើពុករលួយដោយសារតែមន្ត្រីពាក់ព័ន្ទនាំគ្នារឃុបឃិតដេញថ្លៃសុទ្ធតែគ្នាឯង ឬក្រុមដាក់ដេញថ្លៃទាំងនោះបានឃុបឃិតគ្នាមិនដេញថ្លៃដោយបានឃុបឃិតជាមួយលោកហ៊ុបថៃ ពោលគឺសម្រេចឱ្យលោកហ៊ុបថៃឈ្នះនូវការដេញថ្លៃតែម្តង ។
មន្ត្រីសាលាខេត្តបន្ថែមថា ការឃុបឃិតគ្នារដេញថ្លៃនោះ គឺជាការប្រព្រឹត្តនូវអំពើពុករលួយរវាងអាជ្ញាធរនឹងមន្ទីរសេដ្ឋកិច្ចនិងហិរញ្ញវត្ថុ ដែលមានលោកណមពិសិដ្ឋជាប្រធានមន្ទីរ ។ លោក ហ៊ុប ថៃ មេភាស៊ីផ្សារទាំងបីមិនអាចបកស្រាយបំភ្លឺបានទេ ដោយគ្មានអ្នកទទួលទូរស័ព្ទ ។ ចំណែក ណម ពិសិដ្ឋ ប្រធានមន្ទីរសេដ្ឋកិច្ចនិងហិរញ្ញវត្ថុមិនបានឆ្លើយបំភ្លឺនោះទេ ដោយបញ្ជាក់តាមទូរស័ព្ទថាជាប់រវល់ប្រជុំ។
ប្រភពដដែលបន្តថា ដោយសារតែលោក ហ៊ុប ថៃ ខំប្រឹងធ្វើផ្យុះភ្លៀងតាមតែអំពើចិត្តដើទារភាស៊ីលើសសៀវភៅបន្ទុកនេះ បានសុខស្រួលមិនមានថ្នាក់ដឹកនាំខេត្ត ឬមន្ទីរសេដ្ឋកិច្ចសួរនាំ ក៍ព្រោះតែលោក ហ៊ុប ថៃ ចេះចែកផលប្រយោជបាយទឹកដែលបានពីញើសឈាមរាស្ត្រយកទៅផ្គត់ផ្គង់បិទមាត់ កុំឱ្យនិយាយទើបបើកដៃឱ្យលោកហ៊ុបថៃមិនញញើតទៅនឹងច្បាប់ ។
ក្នុងអាណត្តិ លោក ណម ពិសិដ្ឋ បានអង្គុយលើកៅអីធ្វើជាប្រធានមន្ទីរសេដ្ឋកិច្ច និងហិរញ្ញវត្ថុ ដែលគេចាត់ទុកថា ជាមន្ទីរខ្លាញ់ផង នោះ លោក ណម ពិសិដ្ឋ បានកំពុងតែត្រូវប៉ាន់ជាច្រើន ដូចជាការពន្យាពេលស៊ីញ៉េឯកសារបើកប្រាក់ឱ្យមន្ត្រីមន្ទីរជុំវិញខេត្ត ក្នុងការយឺតយ៉ាវ តែបើមន្ទីរណាឱ្យទឹកតែខ្ពស់គាត់នឹងស៊ីញែភ្ល៉ាម ពោល គឺគាត់មិនបាច់ស៊ីញ៉េនៅក្នុងមន្ទីរទេគឺស៊ីញ៉េនៅសណ្ឋាគារ របស់គាត់ឈ្មោះ ស្ទឹង សៀមរាប នៅម្តុំផ្សារចាស់តែម្តង ។ ជាមួយគ្នារនេះ លោកប្រធានមន្ទីរក៏ជាអ្នកនៅពីក្រោយខ្នងរបស់ដង្ខៅផ្សារលើធំថ្មីហ៊ុបថៃដែរហើយទៀតសោតលោកហ៊ុបថៃក្រោយពីទទួលបានសិទ្ធិកាន់កាប់ទាភាស៊ីផ្សារលើធំថ្មីផ្សារក្រោមនឹងផ្សារពួករួចមកគាត់ បានបញ្ចោញស្នាដៃ១ឱ្យអ្នកសៀមរាបសសើរគឺគាត់បានសាងសង់វីឡាដ៏ស្គឹមស្គៃនៅក្រោយផ្សារលើទុកជាគំរូរនឹងបន្លាច់ថ្នាក់ដឹកនាំខេត្ត ៕