សៀមរាប ៖ ប្រតិបត្តិការចុះឆែកឆេរដេប៉ូឈើស្ងាត់ៗមានគ្នាពីទៅបីនាក់ដោយមិនសហការជាមួយតំណាងអយ្យការតុលាការនេះធ្វើឡើងកាលពីព្រឹកព្រលឹមថ្ងៃទី18ខែកក្កដាឆ្នាំ2014នៅចំណុះផ្លូវជន្លង់ភូមិជន្លង់សង្កត់សាលាកំរើកក្រុងសៀមរាបខេត្តសៀមរាបដែលដឹកនាំ បញ្ជា្ដោយលោកមេព្រៃជើងខ្លាំងឈ្មោះ ឯម មុន្នី នាយរងអធិការខាងជើងបឹងទនេ្លសាបទទួលបន្ទុកបង្ក្រាបនេះបើតាមការអោយដឹងពីឈ្មួញឈើនៅទីនោះ។
ប្រភពពីកន្លែងកើតហេតុបានទំលាយអាថ៍កំបាំងអោយអ្នកយកព័ត៌មានយើងដឹងថាលោកមេព្រៃឯមមុន្នីតែងតែចុះធ្វើការអ្វីស្ងាត់ៗមិនសហការជាមួយមន្ត្រីពាក់ពាន់ជាពិសេសស្ថាប័ណតុលាការព្រោះខ្លាចបែកផលប្រយោជន៍ ។
ប្រភពដដែលបន្តរថា លោកមេព្រៃឯមមុន្នីចូលចិត្តស៊ីស្ងាត់ៗចាប់ឈើហើយលែងវិញ ដើម្បីប្រមូលលុយដាក់ហោប៉ាវធ្វើមានធ្វើបានហើយម្យ៉ាងវិញទៀត លោកមានជំនាញក្កោបលុយ ពិសេសនេះតាំងពីអតីតលោកជានាយរងខណ្ឌរដ្ឋបាលព្រៃឈើខេត្តសៀមរាបដោយលោកចេះចែករំលេកបាយទឹកឆ្ងាញ់ៗជូនថ្នាក់លើ ។
ដោយមើលឃើញថា មានស្មាដៃល្អសកម្ម ក្នុងកាប្រមូលលុយពីបទល្មើសក្រោយមកលោកត្រូវបានថ្នាក់លើតែងតាំងអោយធ្វើជានាយខណ្ឌរដ្ឋបាលព្រៃឈើខេត្តឧត្តមានជ័យ បន្ទាប់ពីមានអំណាចខ្លាំងជាងមុនលុយ ហូរចូលច្រើនស៊ីតែឯងភ្លេចថ្នាក់លើស្រាប់តែផ្ទុះពោះ ។
ដោយមានភាពលោភលន់មហ្ចិតាខ្លាំងពេក ភ្លេចកំណើតខ្លួនក៍ត្រូវបានថ្នាក់លើដកបញ្ឍរជើងមួយរយៈធំ រង់ចាំការកែខ្លួនឡើងវិញ ។ បន្ទាប់ពីសំរាកអស់រយៈពេលជាយូមក ក៏ស្រាប់តែឃើញវត្តមានរបស់លោក ឯម មុន្នី លេចធ្លោខ្លាំងជាងមុនទ្វេរដង សង្សយ័ថា មានការសូកប៉ាន់ក្រោមតុ ។ លោកមេព្រៃឈោះ្ម ឯម មុន្នី នេះត្រូវបានប្រតិភូ ទទួលបន្ទុករដ្ឋបាលព្រៃឈើរបស់ប្រទេសកម្ពុជា តែងតាំងជានាយរងអធិការខាងជើងបឹងទន្លេសាប គ្រប់គ្រង ៤ ខេត្ត ហើយចំណូលក៍ចូលទ្វេរដងខ្លាំងជាងមុន ។
ឈ្មួញដឹកឈើខុសច្បាប់ម្នាក់បានប្រាប់អ្នកយកព័ត៌មានយើងនៅថ្ងៃនេះថាពួកគេត្រូវបង់ក្បាលឡានឲ្យលោក ឯម មុន្នី នាយរងអធិការខាងជើងបឹងទន្លេសាប ឡានមួយ៥០ដុល្លាទៅ១០០ដុល្លា ទើបចេញដំណើរបាន ។ បើទោះបីជាប្រមុខរាជរដ្ឋាភិបាលកម្ពុជាបានថ្លែងសារជាច្រើនតាមរយះសារព័ត៌មានជាតិនឹងអន្តរជាតិស្តីពីការទប់ស្កាត់ការកាប់បំផ្លាញព្រៃឈើនឹងអំពើពុករលួយ ។ ទោះបីសម្តេចតេជោ ហ៊ុនសែន ស្រែកបែកអាកាសសារយ៉ាងណាក៏ដោយ ក៏លោកឯមមុន្នីនូវតែផ្គើនមិនខ្លាចច្បាប់សោះឡើយ គិតតែខំប្រមូលលុយលើសដើម ។
តើលោក ឱម យិនទៀង ប្រធានអង្គភាពប្រឆាំងអំពើពុករលួយ ហ៊ានបើកការស៊ីបអង្កេត លោក ឯម មុន្នី កំពូលបុរសពុករលួយសំបូរលុយច្រើននេះបានដែរឬទេ?
អ្នកវិភាគមួយរូបបាននិយាយថា ការចុះឆែកឆេរដោយគ្មានច្បាប់ឬដិការនេះ គីខុសទាំងស្រុង ម្ចាស់ដេប៉ូឈើអាចប្តឹងវិញបាន ។ ចំណែកឯលោក កើត វណ្ណារ៉េត ព្រះរាជអាជ្ញាអមសាលាដំបូងខេត្តសៀមរាប បានឲ្យដឹងស្រដៀងគ្នានេះដែរថា បើមេព្រៃចុះឆែកឆេរដោយគ្មានដិការនេះរឿងរបស់មេព្រៃ ។ តែបើម្ចាស់ដេប៉ូឈើប្តឹងមេព្រៃអាចមានទោស ។ អ្នកយកព័ត៌មានយើងមិនអាចសុំការបំភ្លឺពីលោក ឯម មុន្នី បានទេ ព្រោះលោកមិនអនុញ្ញាតិថែមទាំងប្រមាតមើលងាយអ្នកយកព័ត៌មានជាច្រើននាក់ដែលចុះទៅយកព័ត៌មានផ្ទាល់នៅនឹងកន្លែងកើតហេតុនោះ ៕