ត្បូងឃ្មុំ ៖ កាស៊ីណូយីហោ (៦៩) ច្រក ដូង៧ដើម ស្ថិត នៅភូមិដារ ឃុំដារ ស្រុកមេមត់ ខេត្តត្បូងឃ្មុំ នៅតែបន្ត បើកចំហរអោយពលរដ្ឋខ្មែរចូលលេងល្បែងសុីសងយ៉ាងគឃ្លើនសង័្សយឆ្នាំងបាយ អាជ្ញាធរសមត្ថកិច្ចមូលដ្ឋានទេដឹង? ទើបមិនហ៊ានបង្រ្កាប ហើយក៍មិនខ្លាចឆ្លងជំងឺកូវីដ១៩បប្លែងថ្មី”អូមីក្រុង ” ។
ប្រភពបន្តថា កាស៊ីណូយីហោ(៦៩) ច្រកដូង៧ដើម ដែលមានម្ចាស់ឈ្មោះ ហេង នេះធ្លាប់អាជ្ញាធរព្រះរាជអាជ្ញា នគរបាលនិងកងរាជ អាវុធហត្ថ មានចំណាត់ការចុះស្រាវជ្រាវត្រួតពិនិត្យ លទ្ធផលបង្ហាញថា ខុស ច្បាប់ឈានដល់បិទទីតាំងមួយនេះ មួយរយៈពេលខ្លី ? ក៍ដំណើរការឡើងវិញដដែលថែមទាំងរំលោភលើអាជ្ញាប័ណ្ណទៀតផង។
កាស៊ីណូមួយនេះ បើតាមប្រភពពីក្រុមអ្នកញៀននិយមចូលលេងល្បែងសុី សងនៅទីតាំងនោះបានបន្ថែមអោយដឹងថា មាន ឈ្មោះ ស៊្រុន ម៉េងលឹម តែងតែអំនួតអួតអាងយក ឈ្មោះបងកន្លងមកបងជាអ្នកទំនួញឈើប្រណិតដែលរាជរដ្ឋាភិបាលកំពុងតាមចាប់លាក់ខ្លួនមិនដឹងនៅទីណានោះទេ ប៉ុន្តែសំដី ស៊្រុន ម៉េងលឹម នៅតែអួតក្តែងៗ ថាខ្លួនជាម្ចាស់កាសុីណូយីហោ (៦៩) មិនទៅខ្លាចអ្វីនោះទេ?សំរាប អាជ្ញាធរសមត្ថកិច្ចមូលដ្ឋាន!ព្រោះខ្លួនបាន បង់ សួយសារជូន អស់ហើយចាប់ពីថ្នាក់ ឃុំ ស្រុក ខេត្ត រហូតក្រសួងទៀតផង ។រាល់ថ្ងៃនេះគេសង្កេត មើលឃើញថា កាសុីណូ (៦៩) នេះនៅតែបើកចំហរអោយប្រជាពលរដ្ឋខ្មែរចូលលេងល្បែង សុីសងគគ្រឹកគគ្រេងដដែល បើទោះ បីជាមានសន្តិសុខសមត្ថកិច្ចចាំពិនិត្យនៅទីនោះក៏ដោយចុះ។
ប្រភពក្រុមញៀនល្បែងដដែលបន្តថា សកម្មភាពអ្នកមានលុយនៅស្រុកមេ មត់ និងបណ្ដាខេត្តផ្សេងៗទៀតតែង តែជិះម៉តូនិង រថយន្តសេរីទំនើបៗគ្រប់ប្រភេទប្រមូលប្ដុំគ្នាមកលេងចាក់ភ្នាល់ដាក់លុយ ចាញ់ឈ្នះ រាប់មុឺនដុល្លារយ៉ាងសប្បាយនិងមានសុវត្ថិភាពមិនខ្វល់ការរីករាលដាលឆ្លងជំងឺកូវីដ១៩បប្លែងថ្មី”អូមីក្រុង”។ ទីតាំងល្បែងមួយនេះបើកចាក់ភ្នាល់ដោយសេរី សប្បាយ ហ៊ោ កញ្ជ្រៀវលាន់ ឮកងរំពងសុទ្ធតែប្រជាពលរដ្ឋខ្មែរ ចូលលេង ក្លាយទៅ ជាទម្លាប់សម្រាប់តំបន់បនល្បែងបែបអនាធិបតេយ្យជ្រកក្រោមអាជ្ញា ប័ណ្ណ កាស៊ីណូស្របច្បាប់ ។
បញ្ហាការបើកអាជីវកម្មផ្ទុយ ពីច្បាប់អនុញ្ញាតប្រជាពលរដ្ឋរស់នៅស្រុកមេមត់សូមអំពាវនាវដល់មន្រ្តីជំនាញ ដូចជា:ក្រសួងសេដ្ឋកិច្ចនិងហិរញ្ញវត្ថុ អគ្គស្នងការនគរបាលជាតិនៃក្រសួង មហាផ្ទៃ ពិសេសនាយកដ្ឋានប្រឆាំងល្បែងពាណិជ្ជកម្ម អគ្គស្នងការនគរ បាលជាតិ ដែលជាអ្នកមើលការខុសត្រូវនេះតែម្តង គួរមានវិធានការបង្ក្រាប ចៀសវាងកន្ទេលធំបន្លំដេកបង្កអោយពលរដ្ឋខ្មែរ វីវក់វង្វេងនឹងល្បែងស៊ីសង ក្លាយជាជន រងគ្រោះបាត់បង់ទ្រព្យ សម្បត្តិ ជម្លោះក្រុមគ្រួសារ និងបង្កើតអោយមានបទ ល្មើសក្នុងសង្គមផ្ទុយពីភូមិ ឃុំ មានសុវត្ថិភាព ដែលរាជរដ្ឋាភិ បាល និង ក្រសួងមហាផ្ទៃដាក់ចេញអោយអនុវត្តន៍ ។
បញ្ជាក់ថា កន្លងមក ករណី នេះជំនាញពាក់ព័ន្ធបានសាចទឹកដាក់គ្នា របៀបដោះសារក្នុង ន័យគេចវេះមិនចាត់វិធានការបង្ក្រាប ហើយក៏ទទួលបានការចោទប្រកាន់ពីមហាជនថា ចិញ្ចឹមបទល្មើសតាមរយៈរត់ការបិទមាត់មន្ត្រីមាន សមត្ថកិច្ចមួយចំនួនដែលប្រព្រឹត្តពុករលួយ ។
ដែលបញ្ហានេះលោក ជាម ចន្ទ័សោ ភ័ណ្ឌ អភិបាល ខេត្តត្បូងឃ្មុំ លោក ម៉ុន មាគ៌ា ស្នងការនគបាលខេត្តត្បូង ឃ្មុំនិងលោក វ៉ា សារិទ្ធ មេបញ្ជាការកងរាជ អាវុធហត្ថខេត្តត្បូងឃ្មុំបើពិតមិនបានជាប់ពាក់ពន្ធ័នឹងផលប្រយោជន៍នោះទេ ? គួរចាត់វិធានការបង្ក្រាបល្បែងសុីសងក្នុងកាសុីណូ (៦៩) ច្រក ដូង៧ដើម ភូមិដារ ឃុំដារ ស្រុកមេមត់ខេត្តត្បូងឃុំ ដែលបើកចំហរអោយពល រដ្ឋខ្មែរចូលលេងយ៉ាងគគ្រឹកគគ្រេងដែលផ្ទុយពីច្បាប់អនុញ្ញតិ៕មានត
