លោកឧបនាយករដ្ឋមន្ត្រីទៀ បាញ់ រដ្ឋមន្ត្រីក្រសួងការពារជាតិនឹងអញ្ជើញចូលរួម និងដឹកនាំគណៈប្រតិភូជាន់ខ្ពស់នៃកងយោធពលខេមរភូមិន្ទដើម្បីចូលរួមកិច្ចសន្ទនា Shangri-La IISS លើកទី១៩៖កិច្ចប្រជុំកំពូលសន្តិសុខអាស៊ី។
កិច្ចប្រជុំកំពូលនេះនឹងត្រូវបានធ្វើឡើងនៅប្រទេសសិង្ហបុរីហើយនឹងប្រព្រឹត្តទៅចាប់ពីថ្ងៃទី១០ ខែមិថុនា ដល់ថ្ងៃទី១២ ខែមិថុនា។ រដ្ឋមន្ត្រីក្រសួងការពារជាតិនឹងចូលរួមតាមការអញ្ជើញរបស់បណ្ឌិត John Chipman អគ្គនាយក និងជានាយកប្រតិបត្តិនៃវិទ្យាស្ថានអន្តរជាតិសម្រាប់ការសិក្សាយុទ្ធសាស្ត្រ។
ក្នុងកិច្ចប្រជុំកំពូលនេះអ្នកចូលរួមនឹងពិភាក្សាលើប្រធានបទដូចខាងក្រោម៖ជំហានបន្ទាប់នៃយុទ្ធសាស្ត្រឥណ្ឌូប៉ាស៊ីហ្វិករបស់អាមេរិក។ការគ្រប់គ្រងការប្រកួតប្រជែងភូមិសាស្ត្រនយោបាយនៅក្នុងតំបន់ប៉ូល។ការបង្កើតទម្រង់ថ្មីនៃកិច្ចសហប្រតិបត្តិការសន្តិសុខ។
ទំនើបកម្មយោធានិងការកសាងសមត្ថភាពការពារនាពេលថ្មីៗនេះ។ចក្ខុវិស័យរបស់ចិនសម្រាប់សណ្តាប់ធ្នាប់ក្នុងតំបន់។បញ្ហាប្រឈមតាមអ៊ីនធឺណិត និងការវិវឌ្ឍន៍នៃបច្ចេកវិទ្យាការពារគំនិតថ្មីសម្រាប់ធានាស្ថិរភាពក្នុងតំបន់។កិច្ចប្រជុំកំពូលនេះក៏នឹងមានវគ្គរងចំនួនបួននៅក្នុងវគ្គពិសេសចំនួន៤ រួមមាន (១) សន្តិសុខអាកាសធាតុ និងការការពារបៃតង (២) តួនាទីនៃអាវុធនុយក្លេអ៊ែរក្នុងសន្តិសុខក្នុងតំបន់ (៣) បញ្ហាមីយ៉ាន់ម៉ា៖ ការស្វែងរកផ្លូវឆ្ពោះទៅមុខ និង ( ៤)សន្តិសុខដែនសមុទ្រ៖ ពីក្រមសីលធម៌ដល់ការទំនាក់ទំនងក្នុងគ្រាមានវិបត្តិ៕
លោកឧបនាយករដ្ឋមន្ត្រីទៀ បាញ់ រដ្ឋមន្ត្រីក្រសួងការពារជាតិនឹងអញ្ជើញចូលរួម និងដឹកនាំគណៈប្រតិភូជាន់ខ្ពស់នៃកងយោធពលខេមរភូមិន្ទដើម្បីចូលរួមកិច្ចសន្ទនា Shangri-La IISS លើកទី១៩.!
Filed in: សង្គម