ត្បូងឃ្មុំ៖ ប្រភពពីក្រុមឈ្មួញ និងអាជីវករ ដែលនាំចូលបន្លែផ្លែឈើពីស្រុកយួន តាមច្រកត្រពាំងផ្លុង បានបង្ហើបអោយដឹងថា សម្រាប់បន្លែផ្លែ ឈើ១រ៉ឺម៉ក ត្រូវបង់លុយចាប់ពី៥ម៉ឺនរៀល ទៅ៨ម៉ឺនរៀល រីឯរថយន្តសាំយ៉ុងត្រូវបង់ចាប់ពី១០ម៉ឺនរៀល ទៅ១២ម៉ឺនរៀលក្នុង១រថយន្ត តាមការកំណត់របស់លោកនាយប៉ុស្តិ៍ ជាកំហិត ។
ប្រភពពីក្រុមឈ្មួញនិងអាជីវករបានបង្ហើបថាលោក ស ថេន នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរ ជាតិត្រពាំងផ្លុង គាបយកលុយពីពួកគាត់ដោយគ្មានការយោគយល់ឡើយ ហើយឈ្មួញធំៗអាចនាំចូលទំនិញគេចពន្ធ និងទំនិញបង់ពន្ធមិនគ្រប់តាមអំពើចិត្ត។ ដែលបញ្ហានេះទើបក្រុមឈ្មួញ និងអាជីវករអំពាវ នាវដល់ថ្នាក់ដឹកនាំក្រសួងមហាផ្ទៃ និងលោកនាយឧត្ដមសេនីយ៍ គៀត ចន្ថារិទ្ធ អគ្គនាយ កនៃអគ្គនា យកដ្ឋានអន្តោប្រវេសន៍ មេត្តាចាត់វិធានការទប់ ស្កាត់អំពើពុករលួយ របស់លោក ស ថេន និងបក្ខពួកជាបន្ទាន់។
ប្រភពពីក្រុមឈ្មួញដដែលបានបន្តអោយទៀតថា ទំនិញនាំចូលពីស្រុកយួនតាមច្រកទ្វារអន្តរជាតិត្រពាំងផ្លុង ប្រឈមនឹងការលំបាកកាន់តែខ្លាំងដោយ សារសមត្ថកិច្ចច្រើនស្ថាប័នគាបយកលុយលើតុក្រោមតុច្រើនៗ ធ្វើអោយពួកគាត់ជួបហានីភ័យខ្លាំងជាងពេលមុនៗ។ ហេតុនេះសូមអំពាវនាវដល់លោកនាយឧត្តមសេនីយ៍ គៀត ចន្ថារិទ្ធ អគ្គនាយកនៃអគ្គនាយកដ្ឋានអន្តោប្រវេសន៍ ទប់ស្កាត់អំពើពុករលួយ របស់លោក ស ថេន នាយប៉ុស្តិ៍នគរ បាលអន្តោប្រវេសន៍ច្រកទ្វារអន្តរ ជាតិត្រពាំងផ្លុង ខ្លះផងទាន។ដោយហេតុថាមួយរយៈចុងក្រោយនេះលោក ស ថេន និងបក្ខពួកអង្គុយចាំរាប់ក្បាលរថយន្តដឹកទំនិញពីស្រុកយួនយក លុយតាមអំពើចិត្ត ហើយគ្មានឈ្មួញ ឬអាជីវករណាហ៊ានតវ៉ាជាមួយលោក ស ថេន បានឡើយ។
ប្រភពមន្រ្តីដែលស្និតលោក ស ថេន នាយប៉ុស្តិ៍ច្រកទ្វារអន្តរជាតិត្រពាំងផ្លុងបានបង្ហើបអោយដឹងថា ដោយ សារអាងមានខ្នងបង្អែករឹង មាំនៅក្នុងអគ្គនាយកដ្ឋានអន្តោប្រវេសន៍ ទើបលោក ស ថេន ហ៊ានធ្វើអ្វីៗតាមអំពើចិត្តដោ យគ្មានញញើតអ្វីទាំងអស់។
ចំណែកលោក ម៉ុន មាគ៌ា ស្នងការនគរបាលខេត្តត្បូងឃ្មុំ និងលោក ជាម ច័ន្ទសោភ័ណ អភិបាល ខេត្តត្បូងឃ្មុំ មិនហ៊ានប៉ះពាល់លោក ស ថេន នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិត្រពាំងផ្លុងនោះទេ ព្រោះដឹងថាលោកស ថេន មានខ្នងបង្អែកក្រាស់គ្រែលនោះ។ បើទោះបីរឿងអាស្រូវ និងអំពើពុករលួយ របស់លោក ស ថេន ត្រូវបានលាតត្រដាងជាបន្ត បន្ទាប់យ៉ាងណាក៏ដោយគឺលោក ម៉ុន មាគ៌ា ស្នងការនគរបាលខេត្តត្បូងឃ្មុំ និងលោក ជាម ច័ន្ទសោភ័ណ អភិបាលខេត្តត្បូងឃ្មុំ សម្ងំស្ងៀមស្ងាត់ឈឹងតែម្ដង។
ពាក់ព័ន្ធព័ត៌មានខាងលើគេហទំព័រ (www.enn-tv.com)យើងខ្ញុំរងចាំនូវការពន្យល់បកស្រាយពីលោក ស ថេន នាយប៉ុស្តិ៍នគរ បាលអន្តោប្រវេ សន៍ច្រកទ្វារអន្តរជាតិត្រពាំងផ្លុង រាល់ម៉ោងធ្វើការ៕មានត