ខេត្តព្រៃវែង៖យោងតាមសេចក្តីរាយការណ៍ពីស្រុកកំពង់ត្របែក ខេត្តព្រៃវែងមកថា រាល់ថ្ងៃនេះឈ្មួញនៅតែបន្តនាំសត្វជ្រូករស់ពីស្រុកយួនឆ្លងដែនដោយខុសច្បាប់ចូលមកប្រទេស កម្ពុជាទាំងថ្ងៃទាំងយប់ប្រមាណ២០០ ក្បាល (ពីររយក្បាល)ទៅ៥០០ ក្បាល (ប្រាំរយក្បាល)នៅ ត្រង់ចំណុចច្រកទ្វាព្រំដែនស្វាយអាង៉ោងស្ថិតនៅភូមិ ចាម ឃុំចាម ស្រុកកំពង់ត្របែក ខេត្តព្រៃវែង។
ប្រភពពីសមត្ថកិច្ចនគបាលវរការពារព្រំដែនប៉ុស្តិ៍ច្រកទ្វាព្រំដែនស្វាយអាង៉ោងបានបកស្រាយយ៉ាងខ្លីថា ករណីឈ្មួញលួចនាំជ្រូកពីប្រទេសយួនចូល មកពិតប្រាកដមែន គឺក្រុមហ៊ុនគេមានអាជ្ញាបន័នាំជ្រូករស់ចូលក៏ប៉ុន្តែក្រុមឈ្មួញបានលួចនាំចូលតាមច្រករបៀងផ្សេងៗទៀតដូចជា៖នៅចំណុចពាមទា មន្ត្រីប៉ុស្តិ៍ការពារព្រំដែនគ្រប់គ្រងមិនបានទេ ដោយនៅឆ្ងាយពីប៉ុស្តិ៍ពិបាកបង្ក្រាបដោយភូមិសាស្ត្រព្រំដែនវែង គៀកភូមិអ្នកស្រុកនិងឈ្មួញអាចគេចពីសមត្ថកិច្ចយ៉ាងឆាប់រហស័។
ប្រភពបានបន្តអោយដឹងថា នៅថ្ងៃទី ១១ ឧសភា២០ ២២នៅវេលាម៉ោង៧ និង ០០នាទីព្រឹករហូតដល់ម៉ោង១និង ១៥នាទីរសៀលមានឈ្មួញនាំសត្វជ្រូករស់ពីប្រទេសយួនប្រមាណ១៥០ ក្បាលឆ្លងព្រំដែន តាមច្រករបៀងនៃប៉ុស្តិ៍ច្រកទ្វាព្រំដែនស្វាយអាង៉ោង កាតមុខវរៈការពារព្រំដែនតែម្តង ដឹកតាមម៉ូតូ និងតាមម៉ូតូរ៉ឺម៉កឃ្លុំជិត ទៅទម្លាក់នៅផ្ទះមួយកន្លែងដែលស្តុកជ្រូកដ៏ធំមួយ របស់ឈ្មោះ វឿន ស្ថិតនៅក្នុងភូមិការធំ ឃុំចាម ស្រុកកំពង់ត្របែក ខេត្តព្រៃវែង រួចសាងលើរថយន្ត សាំយ៉ុងនិងរថយន្តម៉ាកហីយិនដាយ កូរ៉េចំណុះ២តោន បិតឃ្លុំជិត រួចបើកឡើងតាមផ្លូវកៅស៊ូឆ្ពោះទៅផ្សារ ក អណ្តើកនិងឡើងលើផ្លូវ ជាតិលេខ ១ បត់ឆ្វេងទៅលិចអោយទៅក្រុមហ៊ុនធំមួយដឹកបន្តទៅរាជធានីភ្នំពេញ។
ប្រភពបន្តថា នៅពេលមានបទល្មើសកើតឡើងសមត្ថកិច្ចនគបាលវរការពារព្រំដែន ប៉ុស្តិ៍ច្រកទ្វាព្រំដែនស្វាយអាង៉ោងមិនបានធ្វើ ការបង្ក្រាបនោះទេ?តែងតែឆ្លើយយករួចខ្លួន ទំនងជាត្រូវ រ៉ូវជាមួយឈ្មួញ រកស៊ីនាំជ្រូករស់ ពីប្រទេសយួនឆ្លងដែនចូលមកខ្មែរចំណុចប៉ុស្តិ៍ច្រកទ្វាស្វាយអាង៉ោង និងស្លាបទាំងពីរនៃប៉ុស្តិ៍ស្វាយអាង៉ោងភូមិចាម ឃុំចាម នេះមានច្រើននាក់ខ្លះគេនាំយកអោយក្រុមហ៊ុន ដឹកទៅរាជធានីភ្នំពេញខ្លះ ទៀតយកទៅចែក ចាយក្នុងទីផ្សារខេត្តព្រៃវែង។
បើតាមលោក ចិន វិសាល ប្រធានការិយាល័យផលិតកម្មនិងបសុព្យា បាលនៃមន្ទីរកសិកម្មខេត្តព្រៃវែងបានអោយដឹងថា បញ្ហា ក្រុមហ៊ុនដែល មានអាជ្ញាបន័នាំជ្រូករស់ពីប្រទេស វៀតណាមចូលមក កម្ពុជានោះគឺ ច្បាប់សុំនាំជ្រូកមេពូជ មកផ្គត់ផ្គង់ដល់កសិករចិញ្ចឹម ក្នុង១ថ្ងៃ៥០ក្បាល ក៏ប៉ុន្តែឈ្មួញបន្លំដឹកជ្រូកសាច់ «កន្ទេលធំបន្លំដេក» កន្លងមក មន្ត្រីពេទ្យសត្វបានចុះល្បាតទប់ស្កាត់និងបង្ក្រាបដែរ ដោយមានបទ បញ្ជាពីលោកអភិបាលខេត្តអោយមន្រ្តីជំនាញសហការជា មួយសមត្ថកិច្ចពាក់ពន្ធ័ចុះទប់ស្កាត់និងបង្ក្រាប មិនអនុញ្ញាតិអោយនាំជ្រូករស់ ឬសាច់ជ្រូកពីប្រទេសជិត ខាងនោះទេ ហើយនៅព្រឹកថ្ងៃទី ១១ ឧសភា២០ ២២នេះមន្ត្រីការិយាល័យផលិតកម្មនិងបសុព្យាបាលខេត្តនិងក្រុមការងារចុះល្បាតនៅតាមតំបន់ព្រំដែន បើមាន បទល្មើសការនាំជ្រូកឆ្លងដែនដោយខុស ច្បាប់ គឺបង្ក្រាបហើយអនុវត្តតាមនីតិវិធីផងដែរ។
ពាក់ព័ន្ធបញ្ហាខាងលើសារព័ត៌មានបានរាយការណ៍ជូនលោកចិន វិសាល ប្រធានបសុពេទ្យនិង ព្យាបាល ខេត្តព្រៃវែង ម្តងរួចមកហើយ តែក្រុមឈ្មួញនៅតែបន្តដឹកជញ្ជូនសត្វជ្រូក ដាក់តាម ទូក ឬ ក្បូន រួចយកទៅ ស្តុកនៅឃ្លាំងមួយកន្លែងរបស់មេឈ្មួញ ឈ្មោះ វឿន ។ បន្ទាប់មកដឹកជញ្ជូនរាប់រយក្បាលដឹកជញ្ជូនតាម រថយន្តប្រភេទ ធុនធំ យកជ្រូកទាំងនោះ ដើម្បីយកទៅចែកចាយបន្តតាមទីផ្សាររាជធានី ខេត្ត។ មន្ត្រីបន្តថា កម្លាំងរបស់លោកចុះល្បាតរាល់ថ្ងៃ យប់ តែមិនឃើញ មានការនាំជ្រូកចូលកម្ពុជា តាមច្រករបៀងឡើយ ។
មហាជនក៍ដូចប្រជាពលរដ្ឋមានការ រិះគន់អាជ្ញាធរសមត្ថកិច្ចនិងមន្រ្តីជំនាញពាក់ព័ន្ធក្នុងមូលដ្ឋានមិនគួរ បណ្ដែតបណ្ដោយអោយឈ្មួញនាំជ្រូកមានជំងឺឆ្លងដែនចូលខ្មែរឡើង។ហើយមានការព្រួយបារម្ភបញ្ហាជ្រូកយួនត្រូវបានក្រុមឈ្មួញ នាំចូលកម្ពុជា តាមច្រករបៀងជាបន្តបន្ទាប់ហើយបើមន្ត្រី ជំនាញល្បាតមិនដែលជួប ឬបង្រ្កាប តើសត្វជ្រូកទាំង នោះមិនបានពិនិត្យសុខភាពអោយបានត្រឹមត្រូវតាមបទកដ្ឋានបច្ចេកទេសនោះតើយ៉ាងណា? ។ ចុះបើសត្វជ្រូកទាំងនោះ មានជម្ងឺប៉េសអាហ្វ្រេកជ្រូកវិញ តើពលរដ្ឋខ្មែរប៉ុន្មាននាក់ដែលរងផលប៉ះពាល់ដល់សុខភាព ។ ពិសេសជាងនេះទៀតគឺចំណូលពន្ធរបស់រដ្ឋខាតបង់ក៍មិនតិចដែរ ព្រោះជ្រូកយួនទាំង នោះឈ្មួញកំពុងសម្រុកដឹកចេញតាមច្រករបៀងក្បែរច្រក ស្វាយអាង៉ោងនេះឯង ឯមន្រ្តីជំនាញមូលដ្ឋានជាប់ត្រគៀក៕មានត