កំពត ៖ រាជរដ្ឋាភិបាលកម្ពុជានិងក្រសួងសុខាភិបាលកំពុងព្រួយបារម្ភបញ្ហាការឆ្លងរីករាលដាលជំងឺកូវីដ ១៩ បប្លែងថ្មី”អូមីក្រុង” ជាខ្លាំងបែជាកាសុី ណូយី ហោ “សុខ គឹមម៉ង” នៅតែបន្ត បើកចំហរអោយប្រជាពលរដ្ឋខ្មែរចូលលេងល្បែងសុីសងយ៉ាងគឃ្លើនផ្ទុយពីច្បាប់អនុញ្ញត។
បើយោងតាមប្រភពព័ត៌មានពីប្រជាពលរដ្ឋដែលរស់នៅភូមិព្រែកក្រឹស ឃុំតន់ហន់ ស្រុកកំពង់ត្រាច ខេត្តកំពត បានបង្ហើបឲ្យដឹងថា ទីតាំង កាសុីណូ យី ហោ “សុខ គឹមម៉េង” នៅជាប់ច្រកទ្វារព្រំដែនទ្វេភាគី កម្ពុជា-វៀតណាម តន់ហន់ នៅតែបន្តបើកចំហរអោយប្រជាពលរដ្ឋខ្មែរចូលលេងល្បែងគគ្រឹក គគ្រេងជល់ មាន់ បៀរ អាប៉ោង យូគី និងល្បែងផ្សេងៗទៀត មិនរំខានដល់សមត្ថកិច្ចពាក់ ព័ន្ធក្នុងមូលដ្ឋានមិនខ្វល់ឆ្លងជំងឺកូវីដ១៩បប្លែងថ្មី”អូមីក្រុង ” ឡើយ ។
ដូច្នេះហើយទើបប្រជាពល រដ្ឋមានការអំពាវនាវដល់ថ្នាក់ដឹកនាំក្រសួងមហា ផ្ទៃជាពិសេសលោក នាយសន្តិបណ្ឌិត នេត សារឿន អគ្គស្នងការនគរបាលជាតិមេត្តាពិនិត្យ កាសុីណូយីហោ “សុខគឹមម៉េង”ដែលបើកចំហរអោយពលរដ្ឋខ្មែរចូលលេងដោយសេរីមិនខ្វល់ពីច្បាប់នោះផង ។ចំណែកឯលោក ម៉ៅ ធនិន អភិបាលខេត្តកំពតលោក ម៉ៅ ច័ន្ទមធុរិទ្ធ ស្នងការនគរបាលខេត្តកំពត នឹងលោក កែវ សុផល មេបញ្ជាការកងរាជអាវុធហត្ថខេត្តកំពតក៍រក្សាភាពស្ងៀមស្ងាត់ទុកអោយម្ចាស់ កាសុី ណូខាងលើកំពុងប្រព្រឹត្តបំពានលើ អាជ្ញាប័ណ្ណកាសុីណូកំសាន្ត របស់ក្រសួងពាក់ព័ន្ធហើយ ។
តាមប្រភពពីអ្នកញៀនល្បែងធ្លាប់ចូលទៅលេងក្នុងទីតាំងកាស៊ីណូយីហោ “សុខ គឹមម៉េង” បានខ្សឹបអោយដឹងថា ម្ចាស់ កាស៊ី ណូនេះមានខ្នងបង្អែករឹងមាំទើបអាចបើកសង្វៀនជល់ មាន់ បៀអាប៉ោងយូគី អនុ ញ្ញាត បើកចំហរឲ្យពលរដ្ឋ ខ្មែរចូលលេងល្បែងយ៉ាងគគ្រឹកគ្រេងជារៀង រាល់ថ្ងៃដោយមិនខ្លាចការបង្រ្កាបរបស់សមត្ថកិច្ចទៀត ផង។
ប្រភពដដែលបានបន្តឲ្យ ដឹងទៀតថា ល្បែងជល់ មាន់លេងដាក់ ភ្នាល់គ្នាចាញ់ឈ្នះរាប់លានរៀលនិងរាប់ពាន់ដុល្លារក្នុងមួយថ្ងៃៗមានអ្នកជិះម៉ូតូ និងរថយន្តសេរីទំនើបៗជា ច្រើនគ្រឿងមកពីគ្រប់ទិសទីប្រមូលផ្តុំគ្នាចូលលេង ល្បែងយ៉ាងសប្បាយដោយមិនខ្លាចឆ្លងជំងឺកូវីដ ១៩បប្លែងថ្មី”អូមីក្រុង” នោះទេ។ ប្រភពខ្លះបានបង្ហើបថា បើគ្មានការឃុបឃិតជាប្រព័ន្ធអាជ្ញាធរនិងសមត្ថកិច្ចមូលដ្ឋាន ឃុំ ស្រុក ខេត្ត មួយចំនួនដែលប្រព្រឹត្តពុករ លួយទើបម្ចាស់កាស៊ីណូយីហោ “សុខ គឹមម៉េង” មិនញញើតក្នុងការប្រព្រឹត្តបំពាន់ច្បាប់យ៉ាងសុខស្រួល។
ប្រជាពលរដ្ឋមានការព្រួយ បារម្ភបញ្ហាអសន្តិសុខសង្គម ដែលផ្តើមចេញពីល្បែងស៊ីសងនៅក្នុងកាស៊ីណូយីហោ” សុខ គឹមម៉េង” នៅច្រក តន់ហន់ ស្រុកកំពង់ ត្រាច ខេត្តកំពត ជាពិសេសអំពើចោរកម្ម. ឆក់. ប្លន់. លូច.អំពើហឹង្សាក្នុងគ្រួសារនិងបទល្មើសផ្សេងៗគួរឲ្យភ័យខ្លាចបំផុត។ ដោយឡែកម្ចាស់ កាស៊ីណូយីហោ” សុខ គឹមម៉េង” ដែលមានខ្នងបង្អែករឹងមាំកំពុងតែបន្ត បើក ចំហរឲ្យពលរដ្ឋខ្មែរចូល លេងល្បែងយ៉ាងគគ្រឹក គគ្រេងជារៀងរាល់ថ្ងៃ។ដែលបញ្ហានេះលោក ម៉ៅ ធនិន អភិបាលខេត្តកំពត លោក ម៉ៅ ច័ន្ទមធុរិទ្ធ ស្នង ការនគរបាលខេត្តកំពតនិងលោក កែវ សុផល មេបញ្ជារការ កងរាជអាវុធហត្ថខេត្ត កំពតបើពិតមិនបានជាប់ ពាក់ព័ន្ធនឹងផលប្រយោជន៍នោះទេ? គួរចុះពិនិត្យមើលកាសុីណូខាងលើនេះដែលកំពុងបើកចំហរអោយប្រជាពលរដ្ឋខ្មែរចូលលេងគគ្រឹក គគ្រេងជារាងរាល់ថ្ងៃនោះអោយមានប្រសិទ្ធិភាពស្របតាមគោលនយោបា យ ភូមិ ឃុំ មានសុវត្ថិភាព ៩ ចំណុចដែលរាជរដ្ឋាភិបាលបានដាក់ចេញអោ យអនុវត្តន៍និងស្របតាមបទ បញ្ជាររបស់សម្តេចក្រឡា ហោម ស ខេង ជាបន្ទាន់ផងទាន៕មានត
