ខេត្តរតនគិរី ៖ ខណៈរាជរដ្ឋាភិបាលកំពុងចំណាត់ ការរឿងព្រៃលិចទឹកបឹង ទន្លេសាប ចំណែកឯច្រកទ្វារព្រំដែនអន្តរជាតិអូរយ៉ាដាវ កំពុងដំណើរការចេញឈើឡើងវិញបន្ទាប់ពីផ្អាក់មួយ រយះពេលខ្លីបច្ចុប្បន្ននេះឈ្មួញកំពុងដឹកឈើប្រណិតចូលទៅស្រុកយួនយ៉ាងរំភើយដោយមានការបើកភ្លើង ខៀវពីអាជ្ញាធរនិងមន្រ្តីជំនាញពាក់ព័ន្ធក្នុងខេត្ត។
ប្រភពព័ត៌មានចេញពី ខេត្តរតនគិរី បានអោយដឹងថាឈ្មួញគៀងគរកម្មករនិងប្រជាពលរដ្ឋចូលកាប់ឈើនៅតំបន់ដែនអភិរក្សយកមកស្តុកទុក្ខក្នុងចំការ កៅស៊ូ ភូមិមុយ ឃុំញ៉ាងស្រុកអណ្ដូងមាសខេត្តរតនគិរីហើយដឹកបន្តចេញទៅប្រទេសយួនដោយមានការបើកដៃពីអាជ្ញាធរមន្រ្តីជំនា ញពាក់ព័ន្ធជាពិសេសលោកវរៈសេនីយឯក កែវ តាយ បានឃុបឃិតជាមួយឈ្មួញឈើប្រណិតចាស់ វស្សាឈ្មោះ មករា និងលោក ងួន សុវណ្ណា អតីតមេវរព្រំដែន លេខ៦២៣ ដែលជាដៃគូរកស៊ីល្មើស ច្បាប់ អោយចេញឈើទៅស្រុកយួន តាមរថយន្តសាំយ៉ុង ក្នុងមួយថ្ងៃៗមិនក្រោម ៥ទៅ ៦ ឡាននោះទេ។
កាលកន្លងមកទៅលោកវរៈសេនីយ៍ ឯក កែវ តាយ នាយរងប៉ុស្តិ៍ ស្តីទី និង ជាប្រធានគោលដៅត្រួតពិនិត្យបារ៉ាស់បានផ្តើមអនុញ្ញាតអោយឡានដឹកឈើល្មើសច្បាប់ប្រភទសាំយុងទៅប្រទេស យួនចំនួន០៧គ្រឿង៣០-១២-២០២ ១ ចំនួន៥គ្រឿងនិងថ្ងៃ៣១-១២- ២០ ២១ ចំនួន ០៦គ្រឿង ហើយកំពុងបន្តចេញជាហូរហែរ ។
អ្នកសារព័ត៌មានប្រចាំខេត្តរតនគិរី គ្មានអ្នកណាម្នាក់ ហ៑ានចេញផ្សាយឡើយដោយសារខ្លាចការគំរាម កំហែង ពី អជ្ញាធរសមត្ថកិច្ច ព្រោះមានអ្នកខ្លះ ជាប់គុកមិនទាន់បានចេញនិងអ្នកខ្លះទៀតគេបិទមាត់ស្ងាត់សូន្យដូចគេចុក ។ ដូច្នេះយោងប្រភពប្រជាពលរដ្ឋដែលស្រឡាញ់ព្រៃឈើខ្មែរនៅខេត្តរតនគិរី មានមនសិការសំណូមពរអោយលោក វរៈសេនីយ៍ឯក ឃឹម ចិត្រា ប្រធានច្រកទ្វារព្រំដែនអន្តរជាតិអូរយ៉ាដាវ មេត្តាជួយពិនិត្យមន្ត្រីក្រោមឱវាទ និងសូមអោយមន្រ្តីសមត្ថកិច្ចដែលពាក់ព័ន្ធចូលរួមថែ រក្សាព្រៃឈើ ដែលជាធនធានសម្បត្តិធម្មជាតិ នៅសល់បន្តិច បន្តួចនេះអោយគង់វង្សផង។ បញ្ហាឈ្មួញដឹកជញ្ជូនឈើប្រណិតចូលទៅប្រទេស យួន ខាងលើ គេហទំព័រ (www. enn-tv.com) យើងខ្ញុំរងចាំនូវការពន្យល់បកស្រាយពីលោក កែវ តាយ នាយរងប៉ុស្តិ៍ ស្តីទីច្រកទ្វារព្រំដែនអន្តរជាតិអូរយ៉ាដាវនិងមន្រ្តី ស្ថាប័នជំនាញពាក់ព័ន្ធ រាល់ម៉ោងធ្វើការ៕