កំពង់ធំ៖ មហាជនរិះគន់ចំ ៗទៅលើក្រុមមន្ត្រីប្រចាំស្ថានីយ៍ជញ្ជីងថ្លឹង រថយន្តផ្លូជាតិលេខ៦ កំពុងសប្បាយប្រមូលលុយចែកគ្នាធ្វើមានធ្វើបានយ៉ាងសុខស្រួល ទោះរថយយន្តធំៗផ្ទុកលើសទម្ងន់នៅតែអាចធ្វើសកម្មភាពទាំងយប់ទាំងថ្ងៃ ចំណែកលោក ស៊ុន ចាន់ថុល រដ្ឋមន្ត្រីក្រសួងសាធារណការនិងដឹក ជញ្ជូនបែរជាធ្វើមិនដឹង មិនឮអ្វីទាំងអស់។
ប្រភពពីឈ្មួញនិងអាជីវករដែលដឹកជញ្ជូនទំនិញ ក៏ ដូចជាផលកសិកម្មឆ្លងកាត់ផ្លូវជាតិលេខ៦ ក្នុងស្រុកសន្ទុក ខេត្តកំពង់ធំ បានអោយដឹងថា ទោះបីពួកគេផ្ទុកលើសទម្ងន់ឬមិនលើសទម្ងន់ក៏ត្រូវតែបង់លុយតាមការកំណត់របស់ក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តផ្លូវជាតិលេខ៦ ក្នុងភូមិត្រើយម្យ៉ាមឃុំប្រាសាទ ស្រុកសន្ទុក ខេត្តកំពង់ធំ នោះដែរ។ប្រភពក្រុមឈ្មួញនិងអាជីវករមួយចំនួនបានអះអាងថា ពួកគាត់ដឹក ជញ្ជូនទំនិញឬកសិផលផ្សេងៗដោយគោរពតាម ច្បាប់កំណត់ក៏នៅតែចៀសមិនផុតពីបង់លុយឲ្យក្រុមមន្ត្រីពុករលួយប្រចាំស្ថានី យ៍ជញ្ជីងថ្លឹងរថយន្តក្នុងភូមិត្រើយម្យ៉ាម នោះឡើយ។ ហេតុនេះហើយទើបមាន ការអំពាវនាវឲ្យលោកអោយលោក ងួន រតនះ អភិបាល ខេត្តកំពង់ធំថ្មី ជាពិសេសលោក ស៊ុន ចាន់ ថុល រដ្ឋមន្ត្រីក្រសួងសាធារណៈការនិងដឹកជញ្ជូនចាត់វិធានការទប់ស្កាត់អំពើ ពុករលួយរបស់ប្រធានជញ្ជីងថ្លឹងរថយន្តស្រុកសន្ទុកនិងក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តភូមិត្រើយម្យ៉ាម ជាបន្ទាន់ផងទាន។
ប្រភពពីមន្ត្រីនៅក្នុងមន្ទីរសាធារណការនិងដឹក ជញ្ជូនខេត្តកំពង់ធំ បានបង្ហើបដឹងថា ការដែលក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តផ្លូវជាតិលេខ៦ ក្នុងស្រុកសន្ទុក គាបយកលុយពីឈ្មួញនិងអាជីវករតាមអំពើចិត្តគឺមានការ ឃុបឃិតបើកដៃពីប្រធានមន្ទីរសាធារណការផងដែរ។ ជាការពិតឈ្មួញមួយចំនួនបានប្រើប្រាស់រថយន្តយីឌុបធំៗ រថយន្តសណ្ដោងកន្ទុយរ៉ឺម៉កផ្ទុកទំនិញលើសទម្ងន់បើកបរឆ្លងកាត់មុខ មន្ត្រីប្រចាំស្ថានីយ៍ជញ្ជីងថ្លឹងរថយន្តដោយគ្មានការព្រួយបារម្ភ ផ្ទុយទៅវិញមន្ត្រីទាំងនោះគ្រាន់តែតម្រូវអោយម្ចាស់រថយន្តធំៗដឹក ជញ្ជូនទំនិញលើសទម្ងន់បង់លុយតាមការកំណត់ របស់លោកប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ៦គឺជាការស្រេចដោ យមិនខ្វល់ពីរឿងរថយន្តទាំងនោះធ្វើអោយខូចផ្លូវ ខូចស្ពានឡើយ។
ប្រភពពីប្រជាពលរដ្ឋរស់ នៅក្នុងភូមិត្រើយម្យ៉ាម ឃុំប្រាសាទ ស្រុកសន្ទុក បានបន្តអោយដឹងថា ពេលរថយន្តធំៗដឹកទំនិញលើសទម្ងន់បើកបរឆ្លងកាត់មុខស្ថានីយ៍ គឺតែងតែឃើញព្រូរថយន្តឬអ្នកបើក បររថយន្តរត់យ៉ាងប្រសេច ប្រសាចទៅបង់លុយអោយប្រធានជញ្ជីងនឹងក្រុមមន្ត្រីប្រចាំស្ថានីយ៍តាមការកំណត់ដោយមិនអាចតវ៉ាបាន។បើឈ្មួញឬអាជីវករណាហ៊ានតវ៉ា ប្រាកដជាត្រូវក្រុមមន្ត្រីប្រចាំស្ថានីយ៍ជញ្ជីងថ្លឹងរថយន្តលើផ្លូវជាតិលេខ៦ ក្នុងភូមិត្រើយម្យ៉ាម ឃុំប្រាសាទ ស្រុកសន្ទុក ខេត្តកំពង់ធំ រករឿងអោយរើទំនិញចុះឡើងតាមអំពើចិត្តរបស់ពួកគេជាមិន ខាន។ដែលបញ្ហនេះហើយទើបរថយន្តធំៗដឹកជញ្ជូនទំនិញលើសទម្ងន់រាប់តោនហូរហៀរខុសលក្ខណៈបច្ចេក ទេសនៅតែអាចបើកបរលើផ្លូវជាតិលេខ៦យ៉ាងគគ្រឹកគគ្រេងធ្វើ អោយ ខូចផ្លូវ ខូចស្ពានជាបន្តបន្ទាប់។បញ្ហានេះដែលលោក ស៊ុន ចាន់ថុល រដ្ឋ មន្ត្រីក្រសួងសាធារណការនិងដឹកជញ្ជូននិងលោក សេង ឈួន មិនគួរមើលរំលងតទៅទៀតទេ ព្រោះក្រុមជញ្ជីងថ្លឹងរថយន្តផ្លូវ ជាតិលេខ៦ ក្នុងស្រុកសន្ទុក ខេត្តកំពង់ធំ ប្រែ ក្លាយទៅជាក្រុមជញ្ជីងថ្លឹងលុយហើយ៕