ខេត្តរតនគិរី ៖ រថយន្តលុច្សស៊ីស ឈ្មួញដឹកឈើប្រណីតមួយគ្រឿង ក្រឡាប់ផ្ងាជើង នៅមុខហាង KARAOK ពន្លក មាស លើផ្លូវជាតិលេខ ៧៨A ស្ថិតក្នុងភូមិឡាបូ សង្កាត់យក្សឡោម ក្រុងបានលុង ហើយត្រូវកម្លាំង នគរបាលចរាចរណ៍រឹបអូសយកទៅរក្សាទុកនៅការិយាល័យចរាចរណ៍ផ្លូវគោក។
ហេតុការណ៍នេះកើតឡើងនៅវេលាម៉ោង១០យប់ ថ្ងៃទី៧ ខែមេសា ឆ្នាំ២០១៤ មន្ត្រីនគរបាលចរាចរផ្លូវគោកបានអោយដឹងថា រថយន្តឈ្មួញរបស់យាយរ៉ាន់មានប្តីឈ្មោះ ហេង ជាមន្ត្រីនគបាលក្រសួងមហាផ្ទៃ ហើយមានឈើប្រណិតប្រភេទធ្នុងចំនួន២៣កំណាត់ មុខ២តឹក ប្រវែង១,៨ម៉ែត្រ រថយន្តលុច្សស៊ីសពណ៌ខ្មៅពាក់ស្លាកលេខភ្នំពេញ 2T-4613។
រថយន្តនេះបើកបរទិសដៅចេញពីក្រុងបានលុងឆ្ពោះទៅប្រទេសវៀតណាម ហើយឈ្មោះយាយរ៉ាន់ខាងលើធ្លាប់ធ្វើការដឹកជញ្ជូនទៅប្រទេសវៀតណាម ញឹកញាប់ ដែលមានរថយន្តចំនួន៣គ្រឿង រថយន្តលុច្សស៊ីសនិងឡង់គ្រីស័រ ២គ្រឿង ពុំមានមន្ត្រីជំនាញណាហ៊ាន បង្ក្រាប់នោះទេ ។ លុះមានបញ្ហាក្រឡាប់ ក្អែរចេញឈើប្រណីតទាំងនោះមក ទើបប៉ូលិសចរាចររឹបអូសយកមករក្សាទុកជាបណ្តោះអាសន្នប៉ុណ្ណោះ។
ឈ្មួញឈើប្រណីតឈ្មោះ យាយរ៉ាន នេះអាងខ្នងប្តីជាប៉ូលិសក្រសួងមហាផ្ទៃ និងមន្ត្រីជំនាញគ្រប់លំដាប់ថ្នាក់ក្នុងខេត្ត ដូចជារដ្ឋបាលព្រៃឈើ ប៉ូលិសសេដ្ឋកិច្ចខេត្ត ក្រសួង ប៉េអឹម អាជ្ញាធរ រាប់ពីក្រុង រហូតដល់ច្រកទ្វារព្រំដែនវៀតណាម។
ទោះបីជាមានបញ្ហាក្រឡាប់ រថយន្តយ៉ាងនេះក្តី ក៏មិនសង្ឃឹមថា សមត្ថកិច្ចធ្វើការ រឹបអូសយកឈើ ប្រណិតនេះ និងឃាត់ខ្លួនមកសាកសួរនោះទេ ប្រហែលគ្រាន់តែរក្សាទុកបណ្តោះអាសន្នប៉ុណ្ណោះ៕
ឦសាន្ត
