ភ្នំពេញ៖ប្រជាពលរដ្ឋរស់នៅក្បែកន្លែងកើតរឿងបានឱ្យដឹងថានៅមុននេះបន្តិចប្រហែលម៉ោង១២និង៣០នាទីថ្ងៃត្រង់ថ្ងៃទី១០ខែ មករាឆ្នាំ២០១៩នេះមន្ត្រីនគរបាលដែលនៅគណៈកម្មការប្រយុទ្ធប្រឆាំងផលិតផលក្លែងក្លាយនៃក្រសួងមហាផ្ទៃត្រូវបានកម្លាំងតម្រួតបទបញ្ជាសហការជាមួយនគបាលខណ្ឌសែនសុខឃាត់ខ្លួននាំយក ទៅសាកសួរ។បន្ទាប់ពីកម្លាំងសមត្ថកិច្ចរួមទាំងក្រឡាបញ្ជីចុះត្រួតពិនិត្យឃ្លាំងមួយកន្លែងដែលមានការសង្ស័យថាដឹកបារីក្លែងក្លាយ។ ហេតុការណ៍នេះបណ្តាលឱ្យមានការភ្ញាក់ផ្អើលនៅចំណុចមុខឃ្លាំងនៅតាមផ្លូវភ្នំពេញហាណូយភូមិចុងថ្នល់ខាងលិចសង្កាត់ទឹកថ្លាខណ្ឌសែនសុខ ។មន្ត្រីនគរបាលដែលសមត្ថកិច្ចឃាត់ខ្លួននោះមានឧត្តមសេនីយ៍ត្រីផូសុផលរួមទាំងមន្ត្រីនគរបាលចំនួន៥នាក់ទៀត ដែលសរុបទាំងអស់៦នាក់ទាក់ទិននឹងការឃាត់ខ្លួនមន្ត្រីនគរបាលនេះលោកឧត្តមសេនីយ៍ទោទូចយុទ្ធាអនុប្រធានលេខាធិការដ្ឋាននៃគណៈកម្មការប្រយុទ្ធប្រឆាំងផលិតផលក្លែងក្លាយនៃក្រសួងមហាផ្ទៃលោកបានឱ្យអ្នកយកព័ត៌មានដឹងថាករណីនេះជាការយល់ច្រឡំគ្នា ដោយនៅមុនពេលកើតហេតុលោកបានអះអាងថាកម្លាំងរបស់លោកទទួលបានព័ត៌មានថាមានរថយន្តដឹកបារីក្លែងក្លាយ១គ្រឿងចូលក្នុងឃ្លាំងខាងលើ ហើយសមត្ថកិច្ចក៏មានការស្ទាក់ត្រួតពិនិត្យ ។
ស្រាប់តែខាងម្ចាស់បារីនោះមិនសហការជាមួយកម្លាំងសមត្ថកិច្ចដោយមិនឱ្យមានការត្រួតពិនិត្យនោះទេហើយថែមទាំងរាយការណ៍ទៅខាង លើទើបមន្ត្រីនគរបាលទាំង៦រូបដែលមានទាំងលោកផ្កាយ១នោះចុះ ទៅដោយមិនបានសហការជាមួយស្នងការនគរបាលរាជធានីភ្នំពេញ នោះទេក៏មានកម្លាំងតម្រួតបទបញ្ជាសហការជាមួយកម្លាំងអាជ្ញាធរខណ្ឌសែនសុខឃាត់ខ្លួនលោកផ្កាយ១និងកូនចៅគាត់តែម្តង។
បើតាមការឲ្យដឹងពីមន្រ្តីមហាផ្ទៃមួយរូបសូមមិនឲ្យបញ្ចេញឈ្មោះ ប្រាប់ថារឿងនេះមិនមែនរឿងច្រឡំទេកន្លែងឃ្លាំងនេះអាចជាឃ្លាំង របសមន្រ្តីធំខាងលើទើបមានការសុំឆែកឆេត្រួតពិនិត្យចូលរួមទាំង ក្រឡាបញ្ជីផងនៅមិនអាចទៅរួចបែរជាមានការឃាត់ខ្លួនកម្លាំងជំ នាញទៅវិញក្រុមប្រជាពលរដ្ឋនៅភូមិចុងថ្នល់បានដាក់ការសង្ស័យ ថានេះជារឿងផ្ទៃក្នុងមន្រ្តីគណៈកម្មការប្រយុទ្ធប្រឆាំងផលិតផលក្លែង ក្លាយនៃក្រសួងមហាផ្ទៃនិងក្រុមឈ្មួញនិយាយមិនត្រូវគ្នាទើបធ្វើឲ្យ មានរឿងផ្អើលទាំងកណ្តាលក្រុង។
ពាក់ព័ន្ធរឿងមន្ត្រីនគរបាលដែលសមត្ថកិច្ចឃាត់ខ្លួនមានឧត្តមសេ នីយ៍ត្រីផូសុផលរួមទាំងមន្ត្រីនគរបាលចំនួន៥នាក់ទៀតដែលសរុបទាំងអស់៦នាក់ខាងលើនោះអង្គភាពសារព័ត៌មានយើងមិនអាចសុំការ ពន្យល់បកស្រាយលឺពីលោកសថេងស្នងការនគរបាលរាជធានីភ្នំពេញបាននោះទេ៕
