ខេត្តបាត់ដំបង៖ប្រភពពលរដ្ឋរស់នៅស្រុកសំឡូតរាយកាណ៍ថាពួក គាត់បានឃើញរថយន្តស៊ីទែនដឹកប្រេងធំៗចេញពីប្រទេសថៃរាល់ថ្ងៃ ឆ្លងកាត់ច្រក៤០០ចូលមកចែកចាយលក់ក្នុងស្រុកខ្មែរដែលសង្ស័យ ថាជាប្រេងអត់បងពន្ធឬបង់ពន្ធមិនគ្រប់។
ប្រភពបានបង្ហើបថាលោកឈុនសុភមង្គលដែលជាប្រធានសាខាគយ និងរដ្ឋាករខេត្តបាត់ដំបងមិនបើកភ្នែកមើលសមត្ថកិច្ចគយក្រោមឱវាទ គ្រប់គ្រងច្រក៤០០ក្នុងស្រុកសំឡូតខេត្តបាត់ដំបងនោះទេនេះគឺស្ថិត ក្រោមបញ្ជារ លោក យី ថុលដែល ប្រចាំការនៅទីនោះ។ រីឯមេឈ្មួញធំៗដែលនាំចូលប្រេងឥន្ទនៈពីស្រុកសៀមចូលស្រុខ្មែរត្រូវ បានគេឲ្យដឹងថាមានឈ្មោះប៉ោឌីជាឧកញ៉ឮថាទទួលបានសិទ្ធនាំប្រេង ចូលមកឧបត្ថម្ភត្រឹមតែក្នុងស្រុកសំឡូតខេត្តបាត់ដំបងតែប៉ុណ្ណោះ ក្រោមរូបភាព អនុគ្រោះពន្ធ។ ប៉ុន្តែតែមេឈ្មួញមានងារជាឧកញ៉ាឈ្មោះប៉ោឌីនេះបានដឹកចូលដល់ ខេត្តបាត់ដំបងទៅស្តុកក្នុងស្ថានីប្រេងដ៏ធំមួយកន្លែងដើម្បីចែកចាយ ទូទាំងខេត្តយ៉ាងអនាធិបតេយ្យដោយមានការបើកភ្លើខៀវជ្រោមជ្រែង និងឃុបឃិតពីសមត្តកិច្ចនគរបាលសេដ្ឋកិច្ចពិសេសមន្ត្រីគយមួយ ចំនួនក្រោមបង្គាប់លោកឈុនសុភមង្គលប្រធានសាខាគយនិងរដ្ឋាករ ខេត្តបាត់ដំបង ។ដោយសារមានការជ្រោមជ្រែងនេះហើយទើប គេមិនដែលឃើញសមត្ថកិច្ចគយគ្រប់ស្ថាប័នពាក់ព័ន្ធរាប់ទាំងសាខា គយនិងរដ្ឋាករខេត្តបាត់ដំបងត្រួតពិនិត្យការដឹកជញ្ជូនប្រេងសាំងនិង ម៉ាស៊ូតឆ្លងផុតដែនអនុញ្ញាតបំពានគោលការណ៍យកមកពិន័យប្រមូល ពន្ធចូលរដ្ឋតាមភារកិច្ចនោះធ្វើឲ្យកើតមានការសង្ស័យថាលោកឈុន សុភមង្គលនិងលោកថេនដែលជាប្រធាននិងអនុប្រធានសាខាគយខេត្ត បាត់ដំបងទំនងកំពុងបានសើមមាត់សើមកទើបមានការសម្ងំស្ងៀមបែបនេះ។
ប្រភពមន្ត្រីគយក្នុងខេត្តបាត់ដំបងបានបង្ហើបឲ្យដឹងថាការនាំប្រេងសាំង និងម៉ាស៊ូតពីប្រទេសថៃចូលមកប្រទេសកម្ពុជាគឺឧកញ៉ាមេឈ្មួញ សុំការអនុគ្រោះពន្ធនាំចូលត្រឹមស្រុកសំឡូតតែប៉ុណ្ណោះមិនអាចនាំចេញ ហួសពីស្រុកសំឡូតឡើយ។ ពាក់ព័ន្ធនិងការរិះគន់ខាងលើគេហទំព័រ(www.enn- tv.com)យើងមិនអាចសុំការពន្យល់បកស្រាយពីលោក ឈុន សុភមង្គលប្រធានសាខាគយនិងរដ្ឋាករខេត្តបាត់ដំបងបាននោះទេ៕