ដីព្រៃ​លិច​ទឹកក្នុង​តំបន់៣​ជាច្រើន ហិតាត្រូវឈ្មួញកំពុងឈូសឆាយ ទន្ទ្រានយកដោយមានការបើកភ្លើង ខៀវពីលោក សៅ វណ្ណសិរីវុធនាយ សង្កាត់រដ្ឋបាលជលផលស្រុកកំពង់ ស្វាយខេត្តកំពង់ធំជាថ្នូរនឹង​ផល ប្រយោ​ជន៍​.!

ប្រភពប្រជាពលរដ្ឋនៅក្នុងឃុំកំពង់គោស្រុកកំពង់ស្វាយបានឲ្យដឹងថា ក្រុមឈ្មួញល្មើសច្បាប់យកគ្រឿងចក្រដែលធ្វើសកម្មភាពឈូសឆាយ​បំផ្លាញព្រៃលិចទឹកទន្ទ្រានយកកាន់កាប់ធ្វើជាកម្មសិទ្ធិនោះគឺអាចមាន ការឃុបឃិតបើកដៃពីសំណាក់មេឃុំកំពង់ស្វាយនិងលោកអ៊ុនបុក្រ អភិបាលស្រុកកំពង់ស្វាយផងដែរទើបអ្វីៗអាចប្រព្រឹត្តទៅដោយរលូន។ ប្រសិនបើគ្មានការឃុបឃិតបើកដៃពីសំណាក់លោកសៅវណ្ណសិរីវុធ នាយសង្កាត់រដ្ឋបាលជលផលស្រុកកំពង់ស្វាយក៏ដូចជាពីសំណាក់​មេឃុំកំពង់គោនិងពីសំណាក់អភិបាលស្រុកកំពង់ស្វាយទេនោះគឺ គ្មានជនល្មើសណាហ៊ានប្រើគ្រឿងចក្រឈូសឆាយទន្ទ្រានកាន់កាប់ ដីព្រៃ​លិច​ទឹក​ក្នុង​តំបន់​៣ នៅ​ភូមិ​ជីលា ដូច​សព្វថ្ងៃ​នេះឡើយ​។ ដូច្នេះលោកសុខលូចៅហ្វាយខេត្តកំពង់ធំក៏ដូចជាថ្នាក់ដឹកនាំក្រសួង​និងស្ថាប័នពាក់ព័ន្ធមិនគួរបណ្ដែតបណ្ដោយតទៅទៀតទេព្រោះស កម្មភាពឈូសឆាយទន្ទ្រានកាន់កាប់ដីព្រៃលិចទឹកក្នុងតំបន់៣នៅ ភូមិជីលាឃុំកំពង់គោស្រុកកំពង់ស្វាយកំពុងកើតឡើងយ៉ាងរាលដាល ហើយការបង្ក្រាបរបស់សមត្ថកិច្ចពាក់ព័ន្ធគ្រាន់តែធ្វើឲ្យល្អមើលប៉ុណ្ណោះ។
សេចក្ដីរាយការណ៍ពីប្រជាពលរដ្ឋរស់នៅឃុំកំពង់គោស្រុកកំពង់ស្វាយ ខេត្តកំពង់ធំបានឲ្យដឹងថាបច្ចុប្បន្នបទល្មើសឈូសឆាយទន្ទ្រានកាន់ កាប់ដីព្រៃលិចទឹកនៅចំណុចព្រះស្នែងកំពុងកើតមានយ៉ាងពេញបន្ទុក ហើយមន្ត្រីអាជ្ញាធរនិងមន្ត្រីពាក់ព័ន្ធហាក់មិនចាត់វិធានការបង្ក្រាបបទល្មើសនោះទេ។ ប្រភពពីប្រជាពលរដ្ឋបានឲ្យដឹងថាលោកសៅវណ្ណសិរីវុធនាយសង្កាត់ រដ្ឋបាលជលផលកំពង់ស្វាយគឺជាអ្នកឃុបឃិតឲ្យមានបទល្មើសឈូស ឆាយបំផ្លាញព្រៃលិចទឹកយ៉ាងរាលដាលដើម្បីជាថ្នូរនឹងផលប្រយោជន៍ផ្ទាល់ខ្លួន។ ចំណែកលោកសុខលូចៅហ្វាយខេត្តកំពង់ធំក៏ដូចជាលោកធីវវណ្ណធីរ ប្រធានមន្ទីរកសិកម្មខេត្តកំពង់ធំនិងលោកប៉ែនវណ្ណរិទ្ធនាយខណ្ឌរដ្ឋ បាលជលផលខេត្តកំពង់ធំមិនទាន់ចាត់វិធានការបង្ក្រាបបទល្មើស​ឈូសឆាយបំផ្លាញព្រៃលិចទឹកនៅតំបន់ព្រះស្នែងនៅឡើយទេ។
តាមការអះអាងរបស់ប្រជាពលរដ្ឋនៅភូមិខ្សាច់ជីលាឃុំកំពង់គោស្រុក​កំពង់ស្វាយបានឲ្យដឹងថាក្រុមឈ្មួញល្មើសបានប្រើគ្រឿងចក្រឈូស ឆាយទន្ទ្រានកាន់កាប់ដីព្រៃលិចទឹកក្នុងតំបន់៣គឺជាតំបន់ជម្រកត្រី​ពងកូននូវរដូវវស្សាដែលជាតំបន់ហាមឃាត់ដោយគ្មានញញើតអ្វីទាំងអស់។ ប្រភពបានឲ្យដឹងទៀតថាព្រៃលិចទឹកក្នុងតំបន់៣នៅភូមិសាស្ត្រជីលា ត្រូវបានក្រុមឈ្មួញល្មើសប្រើគ្រឿងចក្រ៣គ្រឿងធ្វើសកម្មភាពឈូស ឆាយទន្ទ្រានយកដីកាន់កាប់យ៉ាងគឃ្លើនព្រោះមានការឃុបឃិតបើកដៃ​ពីសំណាក់លោកសៅវណ្ណសិរីវុធនាយសង្កាត់រដ្ឋបាលជលផលកំពង់ ស្វាយ ដែល​គិតតែ​ពី​រឿង​ផលប្រយោជន៍​ផ្ទាល់ខ្លួន​។              ចំណែកប្រជាពលរដ្ឋដែលប្រើកាំបិតនិងពូថៅកាប់ឆ្ការដីព្រៃបន្តិចបន្តួច​គឺចៀសមិនផុតពីការបង្ក្រាបរបស់មន្ត្រីអាជ្ញាធរមូលដ្ឋានមន្ត្រីរដ្ឋបាល​ជលផល និង​សមត្ថកិច្ច​ពាក់ព័ន្ធ​នោះទេ​។                          ពាក់ព័ន្ធនិងឈ្មួញឈូសឆាយទន្រ្ទានដីក្នុងតំបន់៣ខាងលើគេហទំព័រ (www.enn-tv.com)យើងមិនអាចសុំការពន្យល់បក ស្រា   យពីអាជ្ញាធរនិងមន្រ្តីជំនាញពាក់ពន្ធ័ស្រក-ខេត្តបាននោះទេ៕