ភ្នំពេញ៖ថ្មីៗមានផ្ទៃក្នុងប្រភពបានខ្សឹបលើកឡើងថាឧត្តមសេនីយ៏ត្រី ពិតបញ្ញាស្នងការងរាជធានីភ្នំពេញកំពុងតែជញ្ជក់ឈាមអាជីវករយ៉ាង ពេញបន្ទុកដើម្បីប្រមូលចំណូលខ្មៅយកទៅផ្គាប់ចិត្តជូនលោកស្នងការថ្មីលោកសថេតហើយប្រសិនជាមានរឿងនេះមែនវាជាករណីអសមត្ថភាព នឹងគឺជារឿងដ៏គួរអោយភ្ញាក់ផ្អើលបំផុតសម្រាប់មហាជនក្នុងរាជធានីភ្នំពេញ។
ប្រត្តិកម្មពីមហាជនក្រុមឈ្មួញអ្នករកស៊ីដឹកឥវ៉ាន់ជាច្រើននាក់ដែលធ្លាប់តែរកស៊ីដោយសុខសានអស់រយៈពេលជាយូរឆ្នាំណាស់មកហើយបាននាំគ្នាបញ្ចេញប្រតិកម្មខ្លាំងៗនិងធ្វើការរិះគន់យ៉ាងចាស់ដៃចំពោះសកម្ម ភាពរបស់កម្លាំងនគរបាលការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលរាជធានីភ្នំពេញក្រោមការដឹកនាំពីលោកឧត្តម សេនីយ៍ត្រីពិតបញ្ញាស្នងការរងនគរបាលទទួលផែនការងារសេដ្ឋកិច្ច ដោយសារពួកគេបានបញ្ចេញយុទ្ធនាការចុះចាប់រថយន្តដឹកទំនិញនិងចុះឆែកតាមឃ្លាំងស្តុកទំនិញជាដើមបើសិនម្ចាស់រថយន្តនិងម្ចាស់ទីតាំងទាំងនោះមិនបានបង់លុយជូនតាមការកំណត់របស់ពួកគេទាទេនោះ។
ចាប់តាំងពីមានការផ្លាស់ប្តូរស្នងការនគរបាលថ្មីមកគឺលោកឧត្តមសេនី យ៍ឯកសថេតជំនួសនាយឧត្តមសេនីយ៍ជួនសុវណ្ណស្រាប់តែកម្លាំងនគរ បាលប្រឆាំងបទល្មើសសេដ្ឋកិច្ចក្រោមការដឹកនាំលោកឧត្តមសេនីយ៍ត្រី ពិតបញ្ញាបានបែងចែកជាក្រុមៗដើម្បីចុះទៅតាមឃ្លាំងស្តុកទំនិញទាំង អស់នៅទូទាំងរាជធានីភ្នំពេញមិនលើកលែងឲ្យមួយនោះឡើយ។ ហើយដោយតម្រូវឲ្យម្ចាស់ឃ្លាំងឬម្ចាស់ទំនិញទាំងនោះបង់លុយជូនពួកគេប្រចាំខែឬប្រចាំថ្ងៃបើមិនបង់ជូនទេនោះពួកគេសហការជាមួយតំណាងអយ្យការចុះចាប់តែម្តងមិនថាឃ្លាំងស្តុកទំនិញទាំងនោះស្រប ច្បាប់ឬមិនស្របច្បាប់នោះឡើយពោលឲ្យតែមិនបានបង់ជូនតាមដូច បំណងរបស់ពួកគេចង់បានមិនខុសពីអាកខ្យងយកឈាមនោះទេ។
ប្រភពដដែលបានបន្តថាកម្លាំងនគរបាលប្រឆាំងបទល្មើសសេដ្ឋកិច្ចទាំងនេះក្រៅពីការចុះទៅបង្ក្រាបតាមឃ្លាំងស្តុកទំនិញខ្លះទៀតបានចុះទៅចាប់រថយន្តដឹកទំនិញដោយបង្ខំឲ្យម្ចាស់រថយន្តទាំងនោះត្រូវបង់តាមការកំណត់ប្រចាំថ្ងៃឬប្រចាំខែជូនពួកគេឬមួយបង់តាមក្បាលរថយន្តតែម្តងក្រោយមានការក្តៅក្រហាយនិងសកម្មភាពរបស់ក្រុមលោកឧត្តមសេនីយ៍ត្រីពិតបញ្ញាយ៉ាងខ្លាំងហើយពួកគេគ្រោងដាក់ពាក្យប្តឹងដោយផ្ទាល់ទៅកាន់លោកស្នងការឬលោកសខេងឧបនា យករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃនិងនាយឧត្តមសេនីយ៍សន្តិបណ្ឌិតនេតសាវឿនអគ្គស្នងការនគរបាលជាតិឬដាក់ទៅកាន់អង្គភាពប្រឆាំងអំពើពុករលួយនិងលោកនាយករដ្ឋមន្ត្រីហ៊ុនសែនទៀតផង។
មិនតែប៉ុណ្ណោះប្រភពមន្ត្រីធំនិងឧកញ៉ាស្និទ្ធនិងលោកឧបនាយករដ្ឋ មន្ត្រីពីរបីនាក់នូវបានខ្សឹបប្រាប់អោយដឹងផងដែរថា៖ការរកស៊ីនាពេល កន្លងទៅពោលតាំងពីមិនទាន់ផ្លាស់ប្តូរស្នងការមកនោះគឺមិនមានបញ្ហា អ្វីឡើយបើទោះគាត់ត្រូវឧបត្ថម្ភខ្លះជូនសមត្ថកិច្ចដើម្បីយកទៅចាត់ចែង កងកម្លាំងលើកិច្ចរក្សាសន្តិសុខនិងសណ្តាប់ធ្នាប់សាធារណះប៉ុន្តែចាប់ ពីតាំងពីមានការផ្លាស់ប្តូរស្នងការមកនោះស្រាប់តែកើតមានក្រុមកម្លាំង នគរបាលប្រឆាំងបទល្មើសសេដ្ឋកិច្ចទាំងនេះឡើងហើយបានចាប់ផ្តើម បញ្ចេញសកម្មភាពចុះទៅធ្វើព្យុះធ្វើភ្លៀងគ្រប់តាមកន្លែងតាមឃ្លាំង ស្តុកទំនិញរបស់លោកដែលនាំចូលស្របច្បាប់ហើយបានកំណត់ឲ្យ បង់លុយមួយក្បាលរថយន្ដដឹកទំនិញ១០០ទៅ៣០០ដុល្លារបើមិន បង់ជូនទេនឹងចាប់ឃាត់តែម្តងគ្មានការលើកលែងឲ្យនោះឡើយ។
ប្រភពជាមន្ត្រីកងកម្លាំង១រូបទៀតក៏បានលើកឡើងនូវបញ្ហាទាំងនេះ ផងដែរថា៖ដោយសារតែក្រុមគ្រួសាររបស់លោកជាអ្នករកស៊ីនាំចូលទំ និញស្របខ្លះមិនស្របខ្លះយកមកចែកចាយស្រាប់តែត្រូវក្រុមកម្លាំង នគរបាលរបស់លោកពិតបញ្ញាទាំងនេះបានមកគាបជម្រឹតកំណត់ឲ្យបង់លុយដោយមួយក្បាលរថយន្ត៣០០ដុល្លារបើមិនបង់ជូនទេ នឹងចាប់ឃាត់តែម្តងដោយសហការជាមួយព្រះរាជអាជ្ញា ។ ហើយប្រភពមួយចំនួនពីមន្ត្រីនគរបាលនៅក្នុងការិយាល័យប្រឆាំងបទល្មើសសេដ្ឋកិច្ចមួយចំនួនក៏បានលួចបង្ហើបថា៖កម្លាំងនគរបាលរបស់អង្គភាពត្រូវតែធវើយ៉ាងដូច្នេះបើមិនធ្វើដូច្នុះទេតើបានលុយឯ ណាបង់ជូនមេនិងទុកសម្រាប់ខ្លួនឯងពេលយប់នាំប្រពន្ធកូនស៊ីស៊ប់នោះ។ពីព្រោះតែមួយខែៗត្រូវបង់ជូនមេនិងថ្នាក់ដឹកនាំថ្មីមិនតិចជាង១៥ ម៉ឺនដុល្លារទេ ក្នុងមួយខែៗ ។ ហេតុនេះហើយទើបត្រូវតែខិតខំរកលុយឲ្យបានលើសពី១៥ម៉ឺនដុល្លារ ដើម្បីទុកចែកគ្នាតែនៅទីបំផុតគឺជាអ្នកវ័ន្តករជាមួយក្រុមអាជីវករប្រឈមប្ដឹងពីអាជីវករ និងអ្នករកស៊ីវិញ។
ពាក់ព័ន្ធជុំវិញបញ្ហានេះក្រុមអជីវករអ្នករកស៊ីក៏បានទទូចលើកឡើងផងដែរថា៖គួរតែលោកនេតសាវឿនដែលជានាយអគ្គស្នងការនគរបាលជាតិមេត្តាពិនិត្យពីលើលោកសថេតស្នងការរាជធានីភ្នំពេញផងទាន។ ព្រោះថាបញ្ហាខាងលើនេះបើតាមការអំពាវនាវរបស់មហាជនហាក់ដូច ជាក្រុមមន្ត្រីកំពុងតែប្រឹងគាបជម្រឹតប្រជាពលរដ្ឋឈ្មួញក្រុមហ៊ុនអ្នករក ស៊ីដើម្បីយកទៅផ្គាប់ចិត្តស្នងការរាជធានីភ្នំពេញថ្មីដែលគាត់ទើបតែចូលកាន់តំណែងខ្លាចលោគាត់អសមត្ថភាពដូចជាផ្ទៃក្នុងទម្លាយមែន។
បញ្ហានោះដែរព្រោះការរកស៊ីទូទៅបើមានការគៀបសង្កត់យ៉ាងដូច្នេះគ្មានការយោគយល់នោះទោះបីជាទំនិញស្របច្បាប់តើឲ្យពួកគេរកស៊ីចំណេញម្តេចកើតហើយការជួយឧបត្ថម្ភជូនដល់កម្លាំងនគរបាលជារឿងធម្មតាជាការលើកទឹកចិត្តដើម្បីចូលរួមការពារសន្តិសុខនិងសណ្តាប់ ធ្នាប់តែបើមានការកំណត់បែបនេះនោះពួកគេមិនអាចទទួលយកបានទេ ត្រូវតែងើបតវ៉ាប្រឆាំងជាដាច់ខាត។
ករណីនេះដែរអង្គភាពប្រឆាំងអំពើពុករលួយមិនគួរនឹងមើលរំលងពីភាពអសកម្មការងាររបស់លោកពិតបញ្ញានោះទេក្រែងលោថា៖លោកស្នងការ សថេតជាប់ត្រគៀកចូលមកអង្គុយថ្មីៗត្រូវការស្រង់ដើមដូចគេថាមែនក៏ អាចថាបានហើយគួរតែមានវិធានការបើកការស៊ើបអង្កេតឲ្យបានស៊ីជម្រៅ ទៅលើលោកឧត្តមសេនីយ៍ត្រីពិតបញ្ញាផងដែលកំពុងតែភ្លេចខ្លួននឹងជិះ សេះលែងដៃប្រព្រឹត្ពអំពើពុករលួយធ្វើមានបានសម្រាប់ខ្លួនឯងនិងចែកបក្ខពួកដែលលោកពិតបញ្ញាថាមួយភាគធំទៀតទុកក្បៀសសម្រាប់បង់អោយថ្នាក់លើ។
ពាក់ព័ន្ធការរិះគន់ខាងលើគេហទំព័រ(www.enn-tv.com) យើងមិនអាចសុំការពន្យល់បកស្រាយពីលោកពិតបញ្ញាស្នងការរងទទួល ផែនបទល្មើសនិងលោកសថេតស្នងការរាជធានីភ្នំពេញបាននោះទ៕