ពោធិ៍សាត់៖ប្រភពបានបង្ហើបឲ្យដឹងថាបច្ចុប្បន្នសកម្មភាពបទល្មើស កាប់បំផ្លិចផ្លាញព្រៃឈើក្នុងតំបន់ព្រៃអភិរក្សភ្នំសំកុសដែលស្ថិតនៅក្នុងស្រុកវាលវែងនិងតំបន់ព្រៃអភិរក្សជួរភ្នំក្រវាញស្ថិតក្នុងស្រុកក្រវាញ កាន់តែខ្លាំងឡើងៗដោយគេស្គាល់ថាជាក្រុមរបស់លោកឧកញ៉ាតាំង អ៊ាងប្រើដៃពលរដ្ឋចូលកាប់នឹងមានមេការៗឈរតាមតំបន់ចាំប្រមូល ទិញ ដោយជ្រកក្រោមស្លាក ក្រុមហ៊ុនឧកញ៉ា ទ្រីភាព។
ប្រភពពីមន្ត្រីនគរបាលតូចតាចខេត្តពោធិ៍សាត់បង្ហើបឲ្យដឹងថា៖រយៈពេលជាង០១ខែមកនេះសកម្មភាពកាប់បំផ្លាញព្រៃឈើនៅក្នងតំបន់អភិរក្សដូចបានរៀបរាប់ខាងលើហាក់មានទ្រង់ទ្រាយធំជាងឆ្នាំមុនៗ ទៅទៀតដោយឃើញមានអ្នកអាឈើបានកើនឡើងរាប់រយនាក់និងគ្រឿងចក្រប្រភេទរថយន្តប៉ាកុងរថយន្តច្នៃរៀបរាប់រយគ្រឿងកំពុងធ្វើ សកម្មភាពជារៀងរាល់ថ្ងៃ។ ហើយឧកញ៉ាតាំងអ៊ាងបានប្រើប្រាស់មេការបស់ខ្លួនចំនួនពីរនាក់ ឈរចាំប្រមូលទិញឈើ នៅដេប៉ូធំៗចំនួនពីរទីតាំងផ្សេងៗគ្នា។
ប្រភពបន្តថា៖ព្រៃអភិរក្សភ្នំសំកុសដែលស្ថិតនៅក្នុងស្រុកវាលវែង និងព្រៃអភិរក្សជួរភ្នំក្រវាញក្នុងស្រុកក្រវាញបច្ចុប្បន្នត្រូវមេឈ្មួញឈើ ដែលមានងារជាឧកញ៉ាឈ្មោះតាំងអ៊ាងបានឲ្យមេការរបស់ខ្លួនដើរ កើនមនុស្សរាប់រយនាក់ចូលទៅកាប់បំផ្លាញយ៉ាងរង្គាដោយជ្រកក្រោម ស្លាកក្រុមហ៊ុន { MDS } របស់ឧកញ៉ាទ្រីភាពនិងដោយ មាន ការឃុបឃិតជាប្រព័ន្ធចាប់ពីថ្នាក់ស្រុកដល់ថ្នាក់ខេត្តនិងថ្នាក់ជាតិ មួយចំនួនតូចដើម្បីចេញរបាយការណ៍ភូតភរបិទបាំងថ្នាក់ដឹកនាំ។
ប្រភពដដែលបានឲ្យដឹងថា៖មេការធំមា្នក់ឈ្មោះង៉ូវទីត្រូវជាប្អូនប្រុស របស់ឧកញ៉ាតាំងអ៊ាងបានបង្កេីតដេប៉ូយ៉ាងធំសម្បើមមួយចាំទិញឈើខុសច្បាប់ ក្នុងបរិវណក្រុមហ៊ុន{ MDS }ស្ថិតនៅឃុំ អន្លង់រាប ស្រុកវាលវែង។ រីឯមេការធំម្នាក់ទៀតឈ្មោះលីមត្រូវជាកូនប្រុសបង្កើតបស់ឧកញ៉ា លាងចាន់មុនីដែលល្បីឈ្មោះខាងកាប់បំផ្លាញព្រៃឈើនិងជាមនុស្ស ជំនិតរបស់ឧកញ៉ាទ្រីភាពបានយកទីតាំងកែច្នៃឈើយ៉ាងធំនៅទល់ មុខ ក្រុមហ៊ុន{ MDS } ដំណាក់សុក្រំ ស្ថិតក្នុងឃុំ សំរោង ស្រុកក្រវាញសម្រាប់ប្រមូលទិញឈើខុសច្បាប់និងស្ទូចដាក់រថយន្តវេអង ដឹកចេញទៅកាន់ក្រុងភ្នំពេញ។
ប្រភពខាងលើបន្តថា៖មេការធំៗទាំងពីរនាក់ខាងលើចែកតំបន់គ្នា ដើម្បីប្រមូលទិញឈើខុសច្បាប់ដោយលោកង៉ូវទីទទួលទិញឈើ ដែលគេកាប់ពីតំបន់អភិរក្សភ្នំសំកុសចាប់ពីច្រកអូរលាក់មាស-ច្រកពងពង់-ច្រកស្ទឹងតាតាំងច្រកក្រពើពីច្រកភ្នំទំព័រនិងតំបន់ភ្នំ១៥០០។ រីឯលោកលីមមានសិទ្ធិចាំទិញឈើខុសច្បាប់ដែលគេកាប់ចេញពីតំបន់អភិរក្ស ជួរភ្នំក្រវាញ ចាប់ពីតំបន់ខ្សាច់ពូក ច្រកដា - ច្រកអំពិល-ច្រករវៀងនិងច្រកអូរលាក់មាសហើយឈើគ្រប់ប្រភេទត្រូវបានគេប្រមូលទិញមានឈើប្រណីតដូចជា៖ប្រភេទឈើរាជថ្កុល- ធ្នង់-នាងនួននិងឈើអាប្រភេទលេខ២សម្រាប់ប្រើប្រាស់ក្នុងស្រុក។
ប្រភពស្និទ្ធលោកឧកញ៉ាបានបង្ហើបឲ្យដឹងថា៖ក្នុងកាចំណាយទឹក ប្រាក់របស់ឧកញ៉ាតាំងអ៊ាងមិនតិចជាង៤សែនដុល្លារទេក្នុងមួយខែៗ ដើម្បីយកទៅញ៉ុកមាត់បិទត្រចៀនឹងបិទភ្នែកមន្ត្រីខិលខូចមួយចំនួន ចាប់ពីថ្នាក់ក្រោម រហូតថ្នាក់លើ ។ សកម្មភាពនេះដំណើរការទៅបានក៍ដោយសារមានការឃុបឃិតគ្នា ជាប្រព័ន្ធតាំងពីថ្នាក់ស្រុកថ្នាក់ខេត្តនឹងក្រសួងពាក់ព័ន្ធក្នុងការទប់ស្កាត់ និងបង្ក្រាបបទល្មើសព្រៃឈើផងដែរទើបឧកញ៉ាឈ្មួញឈើតាំងអ៊ាង មានអំណាចធ្វើព្យុះធ្វើភ្លៀងតាមអំពើចិត្តរហូតហ៊ានប្រើប្រាស់កម្លាំង ប្រដាប់អាវុធដេីរចាប់ឈើពីប្រជាពលរដ្ឋរកសុីដឹកជញ្ជូនឈើលក្ខណៈគ្រួសារតាមម៉ូតូនឹងរទេះគោ.ក្របីដែលមិនព្រមលក់ឲ្យក្រុមហ៊ុនរបស់ ខ្លួន ក្នុងតម្លៃទាបជាងទីផ្សារនោះ។
ប្រភពបានឲ្យដឹងទៀតថាកាលពីថ្ងៃទី១០ខែធ្នូឆ្នាំ២០១៨នេះបានផ្ទុះការតវ៉ាពីសំណាក់ប្រជាពលរដ្ឋចំនួនពីរលើកជាមួយសមត្ថកិច្ចជំនាញដោយក្រុមពលរដ្ឋបានរិះគន់ចំៗថាខ្លួនជាមន្ត្រីសមត្ថកិច្ចស៊ី ប្រាក់ខែរដ្ឋដែលបានពីរាស្ត្របែជាធ្វើកញ្ជះសុីឈ្នួលដាច់ថ្លៃឲ្យឧកញ៉ា តាំង អ៊ាង ជ្រកក្រោមស្លាក ក្រុមហ៊ុន { MDS } របស់ឧកញ៉ា ទ្រីភាព ទៅវិញ។បើតាមប្រភពមេការម្នាក់ ដឹកឈើចេញពីព្រៃ យកមកលក់ឲ្យក្រុមហ៊ុនដោយបានលួចខ្សិបឲ្យដឹងថា៖ដើម្បីបានជ្រកក្រោមស្លាកក្រុមហ៊ុន { MDS } ឧកញ៉ា តាំង អ៊ាង បានចំណាយលុយប្រមាណ៣៥០ដុល្លារក្នុង១ម៉ែត្រគូបបង់ឲ្យឧកញ៉ា ទ្រី ភាព ដោយមានប្រធានតំបន់របស់ក្រុមហ៊ុនម្នាក់ឈ្មោះជីវ័ន្ត{ ហៅ ពៅ } ចាំសម្របសម្រួល រាល់ឯកសារច្បាប់ ដឹកជញ្ជូន ហើយប្រភេទឈើប្រណីតមួយចំនួនត្រូវបានគេដឹកជញ្ជូនយកមកទុក្ខ នៅក្នុង ក្រុមហ៊ុន{ ទ្រីភាព គ្រុប ត្មាតពង }និងមួយចំនួនទៀតដឹកយកទៅស្តុកក្នុងឃ្លាំងឈើមួយកន្លែងទៀតនៅក្រោយទីតាំង រោងចក្រកាត់ដេរ៦ជាន់ផ្លូវវេងស្រេងមុននាំចេញទៅលក់នៅក្រៅប្រទេស។
ពាក់ព័ន្ធទំនួញឈើខាងលើមហាជនបានលើកឡើងនឹងរិះគន់ទៅ លើក្រុមហ៊ុនទ្រីភាពផងដែរថា៖បើពួកគេចាំមិនភ្លេចទេនោះគេនៅ ចាំថាលោកឧកញ៉ាទ្រីភាពបានប្រកាសថាឈប់ពាក់ព័ន្ធទៅនឹងជំនួញ ឈើទៀតហើយចុះហេតអ្វីបានជានៅតែលិចឮធ្វើជាសំបកស្នូកផ្ដល់ ទីតាំងឲ្យក្រុមមេឈ្មួញឧក្រិដ្ឋជនបំផ្លិចបំផ្លាញព្រៃឈើបន្លំខ្លួនចូល ជ្រកស្នូកនឹងផលប្រយោជន៍រហូតអញ្ចឹងឬមួយលោកឧកញ៉ាលោក មិនបានជ្រាបបញ្ហានេះ ឬយ៉ាងណា ។
ពាក់ព័ន្ធដំរីស្លាប់យកចង្អេមកបាំងខាងលើគេហទំព័រ(www.enn-tv.com)យើងមិនអាចសុំការពន្យល់បកស្រាយពីលោកឧក ញ៉ាតាំងអ៊ាងនឹងលោកឧកញ៉ាទ្រីភាពនិងអាជ្ញាធរពាក់ព័ន្ធស្រក-ខេត្តបាននោះទេ៕
