ក្រចេះ÷ជារាងរាល់ថ្ងៃគេសង្កេតឃើញឧកញ៉ាគង់ក្រឹងកំពុងសម្រុក ដឹកជញ្ជូនឈើប្រណិតចេញទៅលក់នៅប្រទេសវៀតណាមតាមច្រក របៀងដេ២ដេ៣និងដ៤ភ្ជាប់ទៅចំណុចប្រសព្វក្រោលគោរបស់លោក ឧកញ៉ាគង់ក្រឹងភូមិត្រពាំងស្បែកនិងត្រពាំងស្រែឃុំ២ធ្នូស្រុកស្នួលខេត្តក្រចេះ។
គឺប្រព្រឹត្តទៅបានយ៉ាងរលូនឥតស្ទាក់ស្ទើព្រោះនគរបាលការពារព្រំ ដែនជាអ្នកបើកបារ៉ាស់ឲ្យចេញដោយផ្ទាល់។
ច្រករបៀងដេ៣ជាផ្លូវសេដ្ឋកិច្ចឈើប្រណិតដ៏ធំសម្រាប់អាជ្ញាធរ។
និងគ្រប់គ្រងផ្ទាល់ដោយលោកលន់សុផាតស្នងការខេត្តក្រចេះ។
ប៉ុន្តែអ្នកធ្វើសេដ្ឋផ្ទាល់និងដកតុងពីបទល្មើសគឺលោកឧកញ៉ាគង់ក្រឹងឯណេះទេ។
ខណៈលោកឧកញ៉ា បានធ្វើ(បេន) សម្រាប់ទិញស្តុក ទុក ឈើ នៅចំណុចក្រោលគោភូមិត្រពាំងស្រែប្លុកចម្ការកៅស៊ូរួចបើកដៃឲ្យ ឈ្មួញវៀតណាម រាប់សិបអ្នក ។
មកឈរជើងទិញឈើប្រណិត ពីឈ្មួញខ្មែរ នៅចំណុចនោះ។ហើយលើកឈើដាក់ចូលរថយន្តយីឌុបធំៗចេញទៅវៀតណាតាម តាមច្រករបៀងដែលមានគរបាចាំសម្រួលនិងបើកបារ៉ាស់ឲ្យចេញទាំងយប់ទាំងថ្ងៃ។
ប្រភពបង្ហើបថាមេឈ្មួញគង់ក្រឹងកំពុងសម្រុកចេញឈើប្រណិតទៅ វៀតណាមតាមច្រករបៀងដេ៣នេះគឺអាជ្ញាធរជាអ្នកធ្វើសេដ្ឋកិច្ចចែក គ្នាជាប្រព័ន្ធគឺគ្រាន់តែឲ្យលោកឧកញ៉ាគង់ក្រឹងចេញមុខជំនួសនិង ប្រព្រឹត្តដោយផ្ទាល់កុំឲ្យមានរឿងខូចឈ្មោះដល់មន្ត្រី។
ក្នុងនោះលោកឧកញ៉ាគង់ក្រឹងបានកំណត់យកលុយពីឈ្មួញឈើ ដោយគិតជាម៉ែត្រគូបបើឈើប្រណិត១ម៉ែត្រគូបគាត់យក៣០០$ (បីរយដុល្លារឈើប្រភេទលេខ១ក្នុង១ម៉ែត្រគូបយក២០០$(ពីរ រយដុល្លារ)ហើយក្នុង១ថ្ងៃៗឈ្មួញបានសម្រុកដឹកឈើចេញទៅ វៀតណាម រាប់សិបម៉ែត្រគូបឯណោះ។
ជាហេតុនាំឲ្យលោកឧកញ៉ាគង់ក្រឹងដកតុងពីការនាំចេញឈើបាន លុយរាប់សិបម៉ឺនដុល្លារក្នុង១ថ្ងៃៗ ។
សម្រាប់យកមករត់ការបែងចែកជាមួយអាជ្ញាធរនិងសមត្ថកិច្ចតាំង ពីមូលដ្ឋានរហូតដល់ថ្នាក់ជាតិផងដែរ។
ព្រោះតែបែបនេះទើបគណៈកម្មការថ្នាក់ជាតិចុះទប់ស្កាត់បទល្មើស ព្រៃឈើ នៅតំបន់នោះ បានសម្ងំស្ងៀម។
មិនតែប៉ុណ្ណោះសូម្បីតែលោកវ៉ាថនអភិបាលខេត្តក្រចេះនិងលោក សាន្តប៊ុនថានមេបញ្ជាការកងរាជអាវុធហត្ថខេត្តលោកលន់សុផាត ស្នងការខេត្តនិងលោកជាបញ្ញានាយសង្កាត់រដ្ឋបាលព្រៃឈើស្រុក ស្នួលក៏បានរក្សាភាពស្ងៀមស្ងាត់មើលមិនឃើញស្ដាប់មិនឮរាល់ សកម្មភាពទិញលក់ឈើដូចផ្សារត្រីហើយសម្រុកដឹកជញ្ជូនឈើ ប្រណិតពីស្រុកខ្មែរវៀតណាមទាំងថ្ងៃយប់ស្រុកស្នួលខេត្តក្រចេះ។
ពាក់ព័ន្ធនិងឈ្មួញសម្រុកដឹកជញ្ជូនឈើចេញទៅវៀតណាមខាង លើគេហទំព័រ(www.enn-tv.com)យើងមិនអាចសុំការ ពន្យល់បកស្រាយពីអាជ្ញាធរសមត្ថកិច្ចពាក់ព័ន្ធនិងមន្រ្តីជំនាញស្រុក ស្នួលខេត្តក្រចេះបាននោះទេ៕
